Уххан
Сахам кыыһын таптыыбын
Сахам кыыһын таптыыбын
Сымнаҕастай майгытын
Сырдык ыраас мичээрин
Сайаҕастай саҥатын
Сахам кыыһын таптыыбын
Уран нарын таһаатын
Уйуһуйбат наҕылын
Уостубаттай таптылын
Сахам кыыһын таптыыбын
Үлэ үөрэх үөһүгэр
Үөрэ-көтө сылдьарын
Үҥкүүлүүрүн ыллыырын
Сахам кыыһын таптыыбын
Эйэргэһиэн баҕардан
Иһирэххэ сирдиирин
Истиҥнэргэ илдьэрин
Сахам кыыһын таптыыбын
Туттар туспа тулуурун
Туруулаһар эрэлин
Туоххаһыйан ытыырын
Сахам кыыһын таптыыбын
Саппаҕырбат ыратын
Саймаархайдыыр санаатын
Сатабыллаах дьаһалын
Кэлэр кэми киэргэтэр
Кэрэ эйгэ кэһиилээх
Кэтэһэрбит ахтарбыт
Сахам кыыһа барахсан!
Табар талар тапталым
Талымастаах табыллыым
Таайбараҥнаах таарымтам
Сахам кыыһа барахсан!
Туллар тутаах чахчыта
Тумук сүрэх иччитэ
Тула эйгэм ис дьиҥэ
Сахам кыыһа барахсан!
Күлэ сылдьар көлүччэм
Аралы мичээр алааһым
Айыым кыыһа айылгым
Сахам кыыһа барахсан!
Үөрүү төрдө үрүччэм
Күлэр -үөрэр күнчээним
Ырыам тыла ыйчааным
Сахам кыыһын барахсан!
Окко түспүт оҥоһуум
Сиргэ түспүт сэбэрэй
Сэгэттэйим оҕото
Сахам кыыһа барахсан!
Сахам кыыһын таптыаҕым
Мичээр сырдык күлүмүн
Харахтарын тырымын
Минньигэстэй эбитин!
Сахам кыыһын таптыаҕым
Саастыыр үйэм тухары
Саргылардаах сарсыммын
Сарыал кыыһа кинини!
Сахам кыыһын таптыаҕым
Санаам экчи буоларын
Ырам чахчы туоларын
Ырыа курдук биэбэйбин!
Сахам кыыһын таптыаҕым
Хайа таппыт аҥаарбыт
Хайҕаллаахай сэгэрбин
Ханыылаһар доҕорбун!
Сахам кыыһын таптыаҕым
Орто дойду күөнүгэр
Олорбутум аатыгар
Оҥоһуубун төлкөбүн!
Сахам кыыһын таптыаҕым
Саха курдук сананан
Сайаҕастай баҕаннан
Сайар күннүү истиҥник!
| 
