Бу сир талбата (меню)
Catalog categories
Кэпсээн [8]
Сиэркилэ [4]
Сэһэн [0]
Ырытыы [0]
Кириитикэ [1]
Үгэ [1]
Хоһооннор [30]
Остуоруйа [0]
Анаарыылар [6]
Үтүө дьон [4]
Санаа буолардаах, буолбаттах [16]
Main » Articles » Анаарыы » Хоһооннор

Уххан "Киһи да бөҕөтө (кэлэйии тыллара)"

Оҥоруохча оҥорбот
Ылыахча ылбат
Сүгүн кэлбэт-барбат
Ыараан-чэпчээн
Ыарахан да киһигин…
Барытыгар сөбүлэһэн
Барыны-бары ылсыһан
Баппаты батара сатаан
Баарга барытыгар
Сөп түбэһэ ньылаҥнаан
Баар эрээри - суох киһигин…
Этэн иһэн эппиэтин билэн
Ыйытан иһэн ыйытыккар хоруйдаан
Саҥаран иһэн санааҕын ситэн
Саарбах да киһигин…
Эппиккин толорбот
Элэйэн хаалбыт
Элбэх саҥалаах
Элээмэ курдук киһигин…

Албыны-сымыйаны араабылаан
Антах-бэттэх буолаҥҥын
Атарах-матарах да киһигин…
Туолбаты толорор
Буолбаты оһорор
Көстүбэти көрөр
Суоҕу суоҕулуур
Сулумах майгылаах
Быһымах быһыылаах
Быыл курдук киһигин…

Санаа түһэ саллаҥнаан
Сүрүҥ тосто сөллөҥнөөн
Туттарбытынан тостор
Көрдөрбүтүнэн көлөттөр
Көлөөк да киһигин…
Ньыла көтө ньылаарыҥнаан
Алы гына алаарыҥнаан
Бэрт буола биэрэҥнээн
Бэски курдук биэтэҥнээн
Ньоҕуруол курдук ньоҕойдонон
Ньамах курдук ньаҕайданан
Кууһан ылыахтыы кубулдьуйан
Сыллаан ылыахтыы сыҥаланан
Сымала курдук сыстаҥнаан
Сымыйа да киһигин…

Биэриэх буолан бэтиннэрэр
Ылыах буолан ыһыганнарар
Аҕалыах буолан атыннарар
Толоруох буолан тоҕуннарар
Оҥоруох буолан оһоруннарар
Туттарбытынан туран туурар
Көрдөрбүтүнэн туран көтүтэр
Көлдьүн да, түөкүн да киһигин…
Суоҕу баарга суулааҥҥын
Баары суохха булкуйаҥҥын
Буолары буолбаты бутуйаҥҥын
Буккуллан-тэккиллэн түһэҥҥин
Буруо курдук бутуур да киһигин…
Тэстэ сылдьар тэрээһиннээх
Силлэ сылдьар силбээһиннээх
Сиппэт-хоппот сигилилээх
Маахай-чаахай майгылаах
Мара, матарах да киһигин…

Үөһээ-аллараа көрүөлээн
Үрдүнэн-аннынан үргэҥнээн
Эҕийэ-эҕийэ эрэннэрэн
Көҕүйэ-көҕүйэ көннөрөн
Өҕүйэ-өҕүйэ өрөннөрөн
Өрөппөөннөнөн түһэҥҥин
Өргөстөнөн тураҥҥын
Өҥүргэһинэн көрөҥҥүн
Өһүргэнэн түһэҥҥин
Өйдөбүлэ суоххунан
Өлбүт да киһигин.
Сыыйа-баайа сыстаҥнаан
Сытырҕалаан амтаһыйан
Сыҥаахтары атытар.
Биллибэтинэн биһирэмнээн
Көстүбэтинэн көрүүлэнэн
Көссүһэр биссиһэр.
Ырааҕынан ыҥыранан
Ынтаҕынан сыырданан
Ыҥырыктарынан ыырданар.
Чугаһынан чуҥнанан
Чуучала курдук чулбуйан
Чулку курдук сулбуруйан
Чуучуй да киһигин…

Быылгын тэбэнэн
Тыылгын тэринэн
Былааска сыстан
Быыппаста турунан
Бырта сыатыгар
Быыһаска тиксэн
Быыһаммыт да киһигин…
Истэллэригэр эрэ
Иһирэх иэйиилээх
Көрөллөрүгэр эрэ
Көрүөхтэн кэрэ.
Аттыларыгар эрэ
Амарах бэйэлээх
Ырааттаргын эрэ
Ыыстаталаан барар
Көрбөттөрүгэр эрэ
Көлбөҕүрэ көлөөҕүрэн
Антахха аттаххына
Аарыгыра айгыстан
Уларыйан түһэҥҥин
Уһурумаҕай да киһигин.

Санаабыккын эппэккэ
Сапсыйан кэбиһэн
Баҕарбыккар барбакка
Барыттан бары туттунан
Эрэнэринэн элэйэҥҥин
Итэҕэйэринэн итээҥҥин
Кыаһыыланан адаҕаланан
Кыраттан даҕаны
Кыһалҕаны мунньунан
Кыһыылаах да киһигин.
Баҕарбатаргын да батаҥҥын
Санаабатаргын да сабаҥҥын
Ымсыырбатаргар да ылаҥҥын
Өлөн хаалаары гыммыттыы
Өрүскэлэһэн түһэҥҥин
Өмүрэх курдук киһигин.

Арыгы нөҥүө анаарыылаах
Испиир тула иэйиилээх
Бытыылканан эрэ быһаарыылаах
Үрүүмпэннэн кэмнэнэр үөрүүлээх
Ыстакаанынан ырытыллар ыралаах
Холуочуйдаххына эрэ холоонноһор
Итирдэххинэ эрэ ирээттэһэр
Иэдээн да киһигин…
Бэккэ эрэ бэлэһиҥ кууран
Үтүөҕэ эрэ үөһүҥ тэстэн
Кэрэҕэ эрэ кэлэҕэйиҥ бэргээн
Баайга эрэ бастыын бэринэн
Тойоҥҥо эрэ торгун имитэҥҥин
Ымсыырбыккын ыларга ыттыы үрэн
Санаабыккын ситэргэ саатары умнан
Суобаһа, буолата суох
Сукураай да киһигин.

Кыһалҕаттан туһаны булунаҥҥын
Өлүүттэн да өл хабаҥҥын
Урууларган да улкуйаҥҥын
Аймахтаргын да алкыйаҥҥын
Алдьархайтан да ас таһаарынаҥҥын
Айыы киһи сиэрин тумнубут
Ама киһи аатын да умнубут
Абааһы да киһитэҕин.
Арыгы сытынан аҥкыйан
Табах сытынан ньиксийэн
Сүптүр сытынан күҥкүйэн
Холоҥсо сытынан тунуйан
Ыы-дьаар сытын таһааран
Сырай харах, сыыҥ-сыраан
Таҥас-сап таҥнан дьаабылаан
Дьүһүн-бодо кэбилэнэн
Быһыы-таһаа быдьара
Туттуу-хаптыы туората
Өлүк-сүлүк курдук киһи дуомата…

Кыайбатын кыайыах буолан
Оҥорботун оҥоруох буолан
Ситэрбэтин ситэриэх буолан
Барыны-бары эрэннэрэн
Суоҕу баар дэтэн
Албыҥҥа атыылаан
Сымыйаны бэрэлээн
Сыыҥын сыаҕа буккуйан
Аҕынньатын арыыга аҕаан
Албын, түөкэй да киһи…
Кирсигин таттара-таттара киэнимсийэн
Киэнимсийэ-бэйэмсийэ – минимсийэн
Кириэтээн-хараатаан түһэҥҥин
Киэбирэн-хаабыран тураҥҥын
Киһиргэс да киһигин дии…

Дьалайа-дьаллайа дьаабыланан
Бэйэҕин бэйэҕэр саамыланан
Чачайа-чачайа чабыланан
Чалбах бэйэҥ, далайга ааҕынан
Чалаҕар да киһигин дии…
Саҥа таһаараат саһан хаалар
Этэн көрөөт эргийэн хаалар
Дорҕоон тыаһатаат дуоһуйан бүтэр
Ыҥырдах аайы ымайыылаах
Ынтах уонна бэттэх ырбайыылаах
Мээнээк сылдьар мэрбэйиилээх
Өйдүү да илигиттэн өһүргэниилээх
Санаатын сатаан сааһылаан саҥарбат
Этиэхтээҕин эппэт, ситиэхтээҕин сиппэт
Саҥаны, кэпсэли сатаан истибэт
Саарбах, сатаҕай да киһигин дии…

Уххан, 2008 с.
Category: Хоһооннор | Added by: uhhan (2008-01-25)
Views: 10471 | Comments: 10 | Rating: 4.9/10 |
Total comments: 10
10 Flora  
Good job making it apeapr easy.

9 Сааса  
Баары суруйбут...

8 vjik  
Это и есть настояший политик. Итинник "политкорректной" дьон карьерата уунэр.

7 ррр  
пидорасы вы все якутские

6 елена  
оруобуна дьэ буолар да эбит

5 kihijdeen  
Оо дьэ улугэр бэйэбин биэс сиргэ биллим дьэ буолар да эбит

4 Аанчык  
бары да баарбыт ини....

3 Јліксій  
Киґи куґа±анын сыаналыыр, суруйар, ойуулуур саамай судургу суол ини.

2 Акила  
))) Бэркэ да хоhуйбут. Аа5а олорон, мэктиэтигэр билэр дьоммун ойуулаан кердум )

1 Ки¤и  
Олоххо итинник дьоннор бааллар эбээт. Хата мин бу тыллары туґаннаммын кинилэргэ этиэ±им.

Only registered users can add comments.
[ Registration | Login ]
Login form
Көрдөө (поиск)
Атын сирдэр
Ааҕыылар

Баар бары (online): 1
Ыалдьыттар (гостей): 1
Кыттааччылар (пользователей): 0
Copyright Uhhan © 2024