Бу сир талбата (меню)
Catalog categories
Кэпсээн [8]
Сиэркилэ [4]
Сэһэн [0]
Ырытыы [0]
Кириитикэ [1]
Үгэ [1]
Хоһооннор [30]
Остуоруйа [0]
Анаарыылар [6]
Үтүө дьон [4]
Санаа буолардаах, буолбаттах [16]
Main » Articles » Анаарыы » Хоһооннор

Уххан "Ону биллибит"
Уххан

Ону биллибит

Ис дьиҥэ суохтан бэри-бэркиһээн
Иһирэхпит, истиҥмит илэ-илэһийэн
             итээбитин
Иэримэ дьиэттэн, уоттан тэйэн
Ийэ куппут иһийбит курдук дии…
             ону биллибит
Сатабыла, табыла суохтан саатан
Салыйбыт эбит салгын куппут.
             ону биллибит
Буортулаах сутуйар астан аһааҕыран
Буомурар буолбут буор куппут.
             ону эмиэ биллибит
Киһилии сыһыаммыт киэр хайыһан
Айыы майгы сигили маратыйан
             уларыйбыппыт.
Албын­ түөкэй, сымыйа­ сиикэй кыттан
Киэммит дьоһууммут киртийбит
             ону биллибит
Эрэйбитин энчирэтэр эрэлбит элэйэн
Этэр тылга, саныыр санааҕа эрэммэт
             үлүгэрэ.
Итэҕэһи толорор итэҕэлбит итээн
Айыы сыһыан аҕыйаабыт да эбит
             ону эмиэ биллибит
Атын билии, үөрэх, сатарытар сайдыы
Саха тыллаах, хоро өйдөбүллээх хоторо
             биһиэхэ тиллибит.
Кырдьыгынан сылдьар кыһалҕата элбиир
Суобастаах киһи суолтан туоруур
             ону биллибит
Сөп түбэһэ, сүбэлэспэккэ сөбүлэтэн
Албыннаһа, кэтэнэ-манана сылдьар
             табыгаһын.
Барытын өйдүү сылдьар наадата суоҕун
Көрбөтөх-истибэтэх, билбэтэх ордугун
             ону биллибит
Быры барыта, бэйэҥ да атыыга тураргын
Түмүгэр албын-түөкэй, сымыйа кыайарын
             көрдүбүт.
Сириҥ симэһинэ, баайа олохтооҕор ордугун
Омук туһа, отой кыра суолталааҕын
             ону эмиэ биллибит
Бээ-эрэ, туохпут эрэ, тоҕо эрэ тыллыбыт
Ханна тийэри, туох буолары сибиэркээн
             сэрэйэн биллибит
Билбитиҥ-биилээххэ, санаабытыҥ –саалаахха,
Тылгын-өскүн –тылбыйыахтара, санааҕын-онооҕун сарбыйыахтара ноһуораҕын көннөрүөхтэрэ!
Саҥарыма, саҥарба! Билбиттээх баҕастаах
Эн баҕас! Чут! Киэр буол! Туораан биэр! «Дьоннор иһэллэр»


2004 с.
Category: Хоһооннор | Added by: uhhan2 (2011-02-16)
Views: 1495 | Rating: 0.0/0 |
Total comments: 0
Only registered users can add comments.
[ Registration | Login ]
Login form
Көрдөө (поиск)
Атын сирдэр
Ааҕыылар

Баар бары (online): 7
Ыалдьыттар (гостей): 7
Кыттааччылар (пользователей): 0
Copyright Uhhan © 2018