Бу сир талбата (меню)
Catalog categories
Промышленность [4]
Спорт [2]
Экология [26]
Үөрэҕирии. Иитии [8]
Бэлиитикэ [16]
Быыбар [7]
Экономика [2]
Мегапроектар [0]
Социальнай эйгэ [2]
Доруобуйа харыстабыла [4]
Саламта [4]
Көҥүл санаа [3]
Main » Articles » Бэлиитикэ » Доруобуйа харыстабыла

Уххан. "Саха сирин бөрөтө - АЛРОСА уонна кини бөрөһүттэрэ"

Уххан

Саха сирин бөрөтө - АЛРОСА уонна кини бөрөһүттэрэ

Ааспыт  ый бүтэһигэр Миирнэйгэ АЛРОСА хаһаайыстыбаннай актыыбын мунньаҕа тыҥааһыннаахтык буолан ааспыт. Урут буоларын курдук бырааһынньык-малааһынньык мунньах курдук ааспатах диэн эттилэр.

Бу мунньахха АЛРОСА араас салааларын салайааччылара, идэлээхтэр сойуустарын профкомнарын бэрэссэдээтэллэрэ элбэҕи этиммиттэр – тыыммыттар.
Буолуохтааҕын курдук «кэтэххэ баран эрэр» АЛРОСА социальнай боппуруостарга кыһаллыбат буолбутун, хамнастара инфляцияҕа сөп түбэһиннэрэн үрдээн испэтин, хамнастара кыратын о.д.а этиммиттэр. Ити саламта үлэтиттэн астыммат буолуууну этинии бастакы холобурдара буолаллар.
Билигин АЛРОСА–тан элбэх үлэһит быдан үрдүк хамнастаах саҥа тэриллэн үлэлээн эрэр ниэп, гаас тэрилтэлэригэр көһөн эрэллэр эбит. Штыров бу мунньахха өссө эбии икки-үс тэрилтэ эбии кэлиэхтээҕин эппит. Оччоҕо хайдах буолабыт дэспиттэр. АЛРОСА сиригэр «бөрөлөр элбээтилэр» диэн буолбут...
МАП АЛРОСА тэрилтэттэн саҥа дьыл кэнниттэн элбэх уопуттаах пилоттар барбыттарын, сөмөлүөттэр «бадьыыталлара» суох хаалан эрэллэрин эмиэ ахтыбыттар.
Сүрүн тэрилтэлэр тойотторун үүртэлээбиттэр. Холобур Айхал ГОК, Удачнай ГОК, Ленскэйдээҕи Алмаздортранс тойотторун үүртэлээбиттэр.
Ити барыта холбоһон АЛРОСА үлэһиттэрэ быыбарга тойотторун утары турбуттарын, АЛРОСА саламтата туруорбут хандьытааттара ааспатахтарын туһунан элбэхтик суруйдулар. Бу АЛРОСА-ҕа хаһан да буолбатах быһыы–майгы буолар.
АЛРОСА 1-кы вице – президенэ Ю.Дойников быыбарга бары, Москваҕа тийэ миигин утары үлэлээтилэр диэн ытаммытын, суҥхарбытын Штыров:
-ЦРУ кытта миигин утары үлэлээбитэ диэн эбии этиий – диэн тэптэрэн биэрбит. Уонна ити барыта АЛРОСА ис кыһалҕата, социальнай боппуруоска кыһаныҥ, үлэһиттэргитин кытта эйэлээхтик үлэлээҥ, хамнаскытын үрдэтиҥ диэн –алҕаабыт диэн буолла.
Ол да буоллар АЛРОСА тойотторун хамнастара үрдүгүн, үчүгэйдик олороллорун номох оҥостоллор. Тойоттор хаһан баҕарар, баҕардылар да, бэртэлиэккэ олордулар да, таптаабыт сирдэригэр тийэн көҥүлэ суох бултуулларын, балыктыылларын туһунан омуннаах кэпсээн элбэх.
АЛРОСА боссуобунай хаһаайыстыбатын тойоно аах, бөртөлүөккэ олорон бөрөлүү барбыттар диэн буолар. Ол баран алта аһыҥастаах айылҕа адьырҕа кыылын бултаабыттар.
Бөрөлөрүн бөртөлүөтүнэн тиэйэн аҕалан нэһилиэнньэҕэ ас оҥорор пищевой сыахтарыгар киллэрэн бөрөлөрүн тириитин сүлэллэр, астыыллар. Сол сарсыныгар дезинфекция да оҥорбокко субай сүөһүнү онно өлөрөн нэһилиэнньэҕэ сиэтээри астыыллар. Ким эрэ сибис гынан, россельхознадзор сулууспата кэлэн боротокуоллаан 657 киилэ ынах этин бөрө этин кытта бииргэ илдьэн уматан кэбиспиттэр. Бу омуна суох кэпсээн. Дьэ бу тугуй?

Бу кэнниттэн Таас урэххэ бултаабыт бөрөлөрө иириилээх (бешенство ыарыылаах) диэн уорбаланар эбит.
Category: Доруобуйа харыстабыла | Added by: uhhan (2008-04-19)
Views: 1715 | Comments: 1 | Rating: 5.0/1 |
Total comments: 1
1 AAC8¤C8  
Ол эттэрин бірінµ астаабыт дьоннорго бэйэлэригэр сиэтиэ этилэр буолла±а. Хаарыа эт бі±і хаалла±а....

Only registered users can add comments.
[ Registration | Login ]
Login form
Көрдөө (поиск)
Атын сирдэр
Ааҕыылар

Баар бары (online): 3
Ыалдьыттар (гостей): 3
Кыттааччылар (пользователей): 0
Copyright Uhhan © 2019