Бу сир талбата (меню)
Catalog categories
Сиэр-майгы. Сигили [4]
Муусука [55]
Наука [17]
Култуура [5]
Искуустуба [13]
Литирэтиирэ [1]
История [0]
Main » Articles » Култуура » Муусука

Уххан айымньылара 3 DVD уонна биир CD-гэ таҕыста


Олох түгэнэ.

Субу соторутааҕыта, Уххан Уйбаан 2005 с. ыыппыт үс айар киэһэлэрин устубутун олоххо баарынан (life) көрөр уонна истэр диискэлэр гынан төгүллээн күн сиригэр таһааран көрдөрдө. Үс көрөр диискэ уонна онно эбии биир истэр диискэ. Онон барыта түөрт диискэ буолбут.
Атын киһи ситиһиилэннэҕинэ куһаҕан киһи «курус» гынар, үчүгэй киһи «мүчүк» гынар, диэбиккэ дылы биһиги үчүгэй дьон сиэринэн «мүчүк» гынабыт уонна кинини ити сити-һиитинэн эҕэрдэлиибит. Үчүгэй аата үчүгэй.
Үс көрөр диискэлэр дьоро киэһэлэринэн «Бастакы киэһэ», «Иккис киэһэ», «Үһүс киэ-һэ» диэн наарданан араарыллыбыттар. Уонна биир Уххан бэйэтин тылларыгар суруллубут истэр диискэ эбиилээх.
Бу диискэлэр бары олоххо баарынан, омуктуу «Life» диэн сиэринэн оҥоһуллубуттар. Ол оннук халыып аан дойдуга барытыгар баар.
Диискэлэри барыларын көрдүм. Хаачыстыбалара life таһымҥа толору эппиэттииллэр. Арай, иккис көрөр диискэҕэ бүтэһик Байбал ырыата кыайан баппакка хаалбыт. Уоннааҕыта барыта «чаһыы». Ити ырыа иккитэ киирбит. Үһүс киэһэҕэ толорута баар. Онон бэйэтэ-бэйэтин самансар курдук.
Саманнык:
Араастаан «түһэрэ» сатыыр майгылары көрдөөн көрдүм да киһи иилистэрэ улахан суох. Була сатаан түһэриэхпин - санаам буолбат. Барыта ортотунан барар курдук.
Ол аата үчүгэй. Түһэрэр майгы суоҕа суруйар киһиэхэ «абалаах» соҕус да буоллар, хайыамый хайҕалынан муҥурданарбар тиийэбин.
Икки дьоһуну ыйан туран бэлиэтиибин.
Бастакы дьоһуна:
Бэрт Дьикти (Дьаакып Өлөксөндүрүөп) үлэтигэр.
Таҥыыта, дорҕоону оҥоруута диискэ гынан таһаарыыта, бу муҥура суох элбэх «чаабый», «чыыппык» үлэ. Бу маны ирдэбилгэ сөп түбэһэр гына оҥоруу улахан дьыала.
Оҥоһуутуттан көрө уонна истэ үөрэбин уонна киниэхэ илиибин биэрэбин.
Туох диэххиний? Кини курдук идэтийбит киһи ап-аҕыйах, сэп-сэдэх.
Былаас көмөтүнэн туспа тэрилтэ тэрийэн биэриэххэ баар этэ. Эдэрдэри үөрэттин, үлэлэттин, элбэҕи үйэтиттин, диэн сиэринэн. Талааны туһанар наада.
Иккис дьоһуна:
Түөрт диискэ тоххору, ырыаһыт, хааһы курдук, элбэх кыттыбыт. Араас көрүҥнэр бары бааллар. Онон сиэрдээн, бу түөрт диискэҕэ 2005 сыл тыына, мөссүөнэ, ойуулара уһуллан түгэн буолан хаалбыттар.
Олох түгэнтэн турар. Түгэн ааһа турар. Биһигиттэн ыйыппат. Хаһан да эргиллибэт.
Олох кэрэ түгэнин киинэҕэ, дорҕооҥҥо устан хаалларыы, дьоҥҥо-сэргэҕэ таһаарыы суолтатын сырсан сиппэккин.
2005 сыллааҕы ырыа эйгэтин ити диискэлэр туох да уларытыыта суох биэрэллэр.
Ол кэмҥэ баар киһи ааспыты санаан ылар. Хараҕар көрөр. Оччотооҕу кэм тыынын, сытын-сымарын, дьүһүнүн-бодотун көрөн санаан аһарар, буолбуту ахтан ылар.
Ол эмиэ хаайтарбыт тыыны таһаарыы көрүҥэ. Барыбытыгар баар. Айылгы оннук.
Оттон сабыс саҥа көрөр киһи 2005 сыллаахха маннык таһым эбит, билигин маннык таһым диэн ырыалары, ырыаһыттары тэҥнээн көрөр. Ырытар. Ол да санааҕа, син биир, эбиилик. Эбии көҕүрэтии буолбатах, ол аата үчүгэй.

М. Тумус




Category: Муусука | Added by: uhhan (2008-04-24)
Views: 12190 | Comments: 9 | Rating: 5.0/2 |
Total comments: 7
7 належда   [Материал]
Дорообо Уххан! Диискэлэр сыаналара тоьонуй, хайдах атыылаьыахха собуй?

6 гость   [Материал]
Может сайт и хороший, но дизайн стандартный из шаблонов укоза.. неужели нельзя сделать чуть эксклюзивнее, хотя наверное сайтом не так сильно занимаются.

5 FreeBS   [Материал]
Отличный дизайн! wink

4 Сергаачик   [Материал]
Махтал буоллун УХХАН УЙБААННА учугэй диискэни туттум ЧОЛБОН БАХЛАЙ тиксэрдэ троюроднай убайым биэрдэ Утуену кытта Сэргээчик

3 Куола   [Материал]
Уххан! Олус учугэй диискэлэр дииллэр, корбут дьон. Компактаргын ыґыахтарынан тар5атар инигин. Биґиги кууьунан эйигиттэн ылан атыылыырбыт соп ини, дьиэ5эр тийэ сылдьыахпыт.

2 уххан   [Материал]
Сэргэй!
Почтанан барыларыгар ыытар кыа5ым суох. Киьиннэн атыылаьыннарарын быдан ордук. 10 компл элбэх буолла5ына 1 компл.- 550 солк Биирдиилээн - 650 солк. Ити миигиттэн быьа ылар буоллахха. Ма5аьыыннарга ылан атыылаан эрэллэр.Эн бэйэн боьуолэккэр баар атыыьыттарга улэс, уоптабай сыана5а, .кинилэр табаардарын Дьокуускайтан ыллараллара биллэр.
Урукку 2 СДИ ырыаларым -250 солк, Сиэркилэ - икки оруттээх кинигэм -250 солк, Санаа буолардаах - 150 солк эмиэ бааллар. Хас да буолан ким туохха наадыйарынан улэьэн ылларын.
Уххан.
89241691841 с. 422448 д.

1 Сергей Иванов   [Материал]
Бу мин Уеhээ Булууттэн Иванов Сергей суруйабын. Мин кердеhуем этэ ити 4 диискэттэн турар хомуурунньуккун кыалллар буолла5ына почтаннан ыытаргар кердеhуем этэ, миэхэ 1 комплект наада. Сыанатын теhе дииргинэн ылыам, кэллэ5инэ почтовай расходун бэйэм телуем.
Аадырыhым: Уеhээ Булуу улууhа индекс - 678230 ул. Улгумда 17 чааhынай дьиэ.
дьиэтээ5и нуемэрим 8(41133)41371сотовайым (сибээс мелтех со5ус да буоллар)89141042226
Ыытаргын суо5ун пуочтаннан биллэрэргэр кердеhуем этэ: sergeysergey@mail.ru
ЭРДЭТТЭН УЛАХАН МАХТАЛ БУОЛУОХТУН!
Утуену кытта Иванов Сергей.

Only registered users can add comments.
[ Registration | Login ]
Login form
Көрдөө (поиск)
Атын сирдэр
Ааҕыылар

Баар бары (online): 8
Ыалдьыттар (гостей): 8
Кыттааччылар (пользователей): 0
Copyright Uhhan © 2021