| News topics |
|
Политика.Митинги. Пикеты. Партии [902]
|
|
Мысли. Думы.Мнения, обсуждения, реплика, предложения [263]
|
|
Суд-закон.МВД.Криминал [1283]
|
|
Право, закон [323]
|
|
Экономика и СЭР [840]
|
|
Власть Правительство Ил Тумэн [1208]
|
|
Мэрия, районы, муниципалитеты [400]
|
|
Мега пректы, планы , схемы ,программы. ВОСТО [215]
|
|
Сельское хозяйство,Продовольствие. Охота и рыбалка [559]
|
|
Энергетика, связь, строительство.транспорт, дороги [156]
|
|
Коррупция [863]
|
|
Банк Деньги Кредиты Ипотека Бизнес и торговля. Предпринимательство [294]
|
|
Социалка, пенсия, жилье [277]
|
|
ЖКХ, строительство [133]
|
|
Образование и наука. Школа. Детсад [215]
|
|
Люди. Человек. Народ. Общество [227]
|
|
АЛРОСА, Алмаз. Золото. Драгмет. [672]
|
|
Алмазы Анабара [161]
http://alanab.ykt.ru//
|
|
Земля. Недра [240]
|
|
Экология. Природа. Стихия.Огонь.Вода [381]
|
|
СМИ, Сайты, Форумы. Газеты ТВ [160]
|
|
Промышленность [43]
|
|
Нефтегаз [285]
|
|
Нац. вопрос [285]
|
|
Соцпроф, Совет МО, Общ. организации [65]
|
|
Дьикти. О невероятном [183]
|
|
Выборы [661]
|
|
Айыы үөрэҕэ [133]
|
|
Хоһооннор [5]
|
|
Ырыа-тойук [23]
|
|
Ыһыах, олоҥхо [109]
|
|
Култуура, итэҕэл, искусство [372]
|
|
История, философия [248]
|
|
Тюрки [76]
|
|
Саха [167]
|
|
литература [45]
|
|
здоровье [469]
|
|
Юмор, сатира, критика [14]
|
|
Реклама [7]
|
|
Спорт [123]
|
|
В мире [86]
|
|
Слухи [25]
|
|
Эрнст Березкин [88]
|
|
Моё дело [109]
|
|
Геннадий Федоров [11]
|
|
BingHan [4]
|
|
|
Main » 2025 » Тохсунньу » 13 » Нуччина Уххан пенсиятын аҥаара.
Нуччина Уххан пенсиятын аҥаара. | 15:56 |
Т. Нуччина Уххан пенсиятын аҥаара.
Т. Нутчина -
Орто киһи санаатынан Орто дойдуга орто киһи сиэринэн нус-хас олорботоҕун ньии диэн эмиэ да саныыгын. Куруук «кырдьыгы көрдүүртэн» сылайбата буолуо дуо?
Түмүк уһугар тугу булла? Туохха наада этэй, бу? Норуота, дьоно-сэргэтэ махтаныа эбитэ дуу?
- Уйбаан, «тойоно-хотуна суох былаас диэн суох» («Сааскы кэм», Амма Аччыгыйын Сыҕаайабатын тыла). Тоҕо утарсаҕын?
Кырдьык аннараа дойдуга баар, онно тийэрдэн биэриэхпитин сөп»- диэн этэ сылдьыбыттара… - Мин урут-уруккуттан атын санаалаах киһибин...»
- …Тоҕотун этэбин да?.. Эн - соҕотох ийэ оҕотоҕун. Ол иһин. Көмүскүүр, дурда-хахха буолар аҕата суох улааттаҕыҥ. Бэйэҥ суолгун бэйэҥ тэллиннэҕиҥ. Соҕотох дьахтары, кини оҕотун ким баҕарар атаҕастыыр кыахтаах. Ол иһин аҥаардас ийэ, аҕа оҕото «правдоруб» буолар.
- Оннук буолуон сөп... Оҕо эрдэхпиттэн «тоҕо атаҕастабыл баарый?» диэн толкуйдуур этим. Биллэн турар, оннук санаа киһиэхэ үлүбүөй киирбэтэ чахчы. Ити барыта дьон сыһыаныттан тахсар.Кэлин улаатан, көрөрүҥ-билэриҥ, билсэриҥ-көрсөрүҥ кэҥээн истэҕин аайы толкуйдууур кээмэйиҥ эмиэ улаатан барар: биир киһиттэн саҕалаан норуот дьылҕатыгар «тоҕо манныгый?» диэн ыйытар ыйытыы үөскүүр.
- Эйигин, хаһан эмэ баартыйаҕа ыла сатаабыттара дуу?
- Хаста да ыла сатаабыттара. «Тэрийэр дьоҕурдааххын, дьону үүннүүгүн-тэһиинниигин» диэн аармыйаҕа сырыттахпына, кэлин да үлэлии сырыттахпына хомуньуус баартыйатыгар ыла сатаабыттара.
- Ону?
- Киирбэтэҕим. Оннук «чиэскэ» тиксэр кыаҕым суох дии саныырым. Кырдьык баартыйаҕа киирэр быраабым суох дии саныырым… Санаабын куруук аһаҕастык этэ сылдьарым. Биирдэ Ньурбаҕа суоппардыы сырыттахпына (80-с сс. ортолоругар), ПМКаҕа «политическэй иһитиннэриилэр» диэн оҥороллоро. Онно биирдэ, аны санаатахпына Баһылай Тарааһабыс Уйбаныап эбит, лиэксийэ ааҕа кэллэ. Киһибит кытайдар, узбектар, аан дойду олоҕун туһуан кэпсиир-ипсиир... Лиэксийэ кэнниттэн ыйытыы биэрии буолла. Мин: «Саха сирэ тоҕо союзнай өрөспүүбүлүкэ буолбатый?» - диэн ыйыттым. Ону киһим кыҥначчы туттан баран миигин дьон иннигэр ыҥыран таһаарда. Уонна эргийэ сылдьан таҥаспын-саппын эргитэ сылдьан чыпчырына-чыпчырына көрөр. Суоппар киһи туох аанньа таҥастаах үһүбүн: тиэриллибит киирсэ саппыкы, ньыппарыллыбыт харылаах , аллараа өттүгэр бааныылаах, умунуох-иминиэх буолбут ырбаахы, ыстаан. Тарааһабыс ыйытар: «Сахалар төһө мөлүйүөммүтүй? Бу ырбаахыгын ким, туохтан оҥорбутай, бу тимэхтэри кимнээх, ханна онорбуттарай? Бу ыстааҥҥын ким тикпитэй?» - дии-дии таҥаспыттан тардыалыыр. Мин онно өйдөөбүтүм: сахалар ахсааммыт аҕыйаҕын, Саха сиригэр оҥорон таһаарар производство, промышленность суоҕун, тимэҕи да оҥорон таһаарар кыахпыт суох эбитин. Кэлин уолаттар таҥаспын тардыалыы-тардыалыы «бу маны ким оҥорбутай, хантан ылбыккыный» диэн күлүү гынан аҕай биэрэллэрэ (күлэр).
…Сэбиэскэй союз экономиката эстиэхтээҕин эмиэ эрдэттэн билэр этим.
- Но!
- Ону киһи күннээҕиттэн да толкуйдаан таһаарара. Холобур, мин суоппардыыбын, автокрановщиктыыбын. Ньурба үрдүнэн үс эрэ тэрилтэҕэ – Аэропортка, ВЭСкэ уонна ПМКаҕа эрэ автокыраан баара. Хочуол туруоттара пуорка ыыталлар. Чаас аҥаарынан туруоран бүтэрэбин. Аны хамнаскын чааһынан ааҕаллар. Ол хочуолу күнү быһа сыһан-соһон үлэлээтэххинэ эрэ, толору хамнас тахсар.Оннук нэрээт толоруллар. Суоппар хамнаһа эмиэ сол курдук ааҕыллар. Толору хамнаһы таһаарарга сууккаҕа 26 чааһы кытары суруйуналлара. Сымыйа көрдөрүү, былааны сырсыы, сымыйа рекорд – ол иһин элбэх этэ. Хамнас дьиҥнээх үлэҕэ эппиэттээбэт буоллаҕына - экономика эстибэккэ ханна барыай? Күүгэн көрдөрүү. «Социалистическай көрдөрүү» туһуттан саха ынаҕа, сылгыта репрессийэлэммитэ. Ол интерноциональнай ис хоһоонноох, национальнай тастаах көстүүлээх «көрдөрүүттэн» сылтаан култуураҥ эмиэ суураллара.
Политиканы улаханнык интэриэһиргиир этим. Хаһыаты, сурунаалы көтүппэккэ ааҕарым, сокуоннары үөрэтэрим. Бу ылыллыбыт сокуон, бу трибунаттан саҥарыллыбыт саҥа, биһиэхэ, сахаларга тугунан эргийэн тахсыаҕын ыраҥалыырым. 1985 сыллаахха, Горбачев муус устардааҕы баартыйа пленумугар «Уларыта тутуу» реформата киириэхтээҕин туһунан эппитин кэннэ дьэ дьиҥнээх уларыйыы иһэрин билбитим.
. Ол кэмҥэ хоһоон суруйбутум, бастакы ыстатыйаларбын суруйбутум.Дьурантай диэн киһини кытары билсибитим. Киһим 1988 сыллаахха «Эдэр коммунист» хаһыакка миэстэ таҕыста диэн ыҥыран ылбыта. Онно Тэриһи кытары булсан «Саха тыла» , «Алтан сэргэ», «Кут-сүр» , «Саха кэскилэ», «Саха омуга» о.д.а араас общественнай тэрилтэлэри тэрийбиппит. Онтон ыла историяны, тылы, култуураны, науканы саҥалыы көрөр, үөрэтэр түмсүү олохтообуппут. 1988 сыллаахха «Эдэр коммуниска» «Кут-сур» диэн итэҕэлгэ аналлаах рубрика аспыппыт, историяны көннөрүүгэ урут бобуулаах матырыйааллары бэчээттээн барбыппыт. Дьон өйүн-санаатын уларытар туох да сүҥкэннээхэй хамсааһын саҕаламмыта. Саха сирэ Арассыыйа судаарыстыбатыгар көҥүл өттүнэн киирбитин дуу, күүс өттүнэн холбоммутун дуу ырытар ыстатыйалары суруйарбыт.
***
- Суверинитет ылылларыгар күүскэ үлэлээбиппит.
- «Колонизация», «добровольное вхождение», «присоединение», «вхождение в состав Российского государства» - туох улахан уратылаах тылларый?
- ООН конвенциятынан, норуот суверенитетын биллэринэр кыахтаах, өскөтүн кини күһэлэҥинэн империя холуонньата оҥоһуллубут буоллаҕына.
Саха сирэ Ыраахтааҕылаах Россия холуонньата этэ. Онтон сэбиэскэй былаас олохтонор. Международнай сокуоннар ылыллаллар. 50 сылларга ССРС урукку холуонньаларын «добровольное вхождение в состав России» диэн тиэримини олохтуур. Онно историяны хоһуттан суруйан, токурутуу буолар. Урукку колонизация туһунан историческай чахчыны суох оҥорон, «көҥүл өттүнэн холбоһууну» олохтууллар. Баҕа өттүнэн киирэн баран, хайдах суверенитет быраабын көрдүү олоруоххунуй? Ол иһин суверенитет ылылларыгар ити тиэриминтэн босхолонуохтаах этибит. «вхождение Якутии в состав Российского государства» диэн тиэримини киллэрэн баран - Суверенитет биллэриммиппит. Онтон толору Сувереннай судаарыстыба быһыытынан, Арассыыйаны кытары Федеративнай дуогабар түһэрсибиппит.
***
- Горбачев уларыта тутуута национальнай өрөспүүбүлүкэлэргэ өй-санаа өрөбүлүүссүйэтин оҥорбута. Эдэр суруйааччылар, суруналыыстар, общественнай деятеллэр тахсыбыттара. Сиртэн хостонор баайга быраап, үллэстии, тиксии хаһан да буолбатах сокуона – «Икки күлүүс бириинсибэ» олохтоммута. Саха норуотун лидерэ - Михаил Ефимович Николаев…
- …Бэйи, оттон Николаевы эн эмиэ кириитикэлиир этиҥ буолбат дуо? Аны кэлэн хайҕаары гынныҥ дуу?
- Мин кинини кириитикэлиирим диэн – Михаил Ефимович суверенитет саҕана ылбыт быраабын уһун кэмҥэ барар гына сокуонунан хайбатаҕын, ылыллыбыт сокуоннар олоххо киирэн испэттэрин, холобур тыл сокуона олоххо ситэ киирбэтин ыйарбыт.
- Сокуону уларытар дөбөҥүн бары көрбүппүт ээ.
- Син биир күүрээннээх кэмнэр хаһан эмэ түмүктэнэллэрэ биллэр этэ. Кини саҕана бэйэни салайыныы, бас билии, рента сокуона киирбитэ эбитэ буоллар, Штыров 8 сыл иһигэр, түргэн баҕайытык барытын төттөрү туура тутан ылбытын курдук тахсыа суох этэ.Тойоттор, дьокутааттар түһэн биэрбэтэхтэрэ эбитэ буоллар. Бырааппыт сокуоҥҥа олоҕурбута эбитэр буоллар, төттөрү ылыы быдан уустук дьыалаҕа кубулуйуо этэ. Россия үрдүнэн биһиги уонна Чечня самоуправленияҕа киирбэккэ хаалбыппыт. Саамай элбэх сир баайдаах республика…Бэйэни салайыныыны, биһиэхэ кэлин киллэрдилэр. Барытын ылҕаан баран.
- Ельцины туох дии саныыгын?
- Ельцины үөҕэллэр эрээри, национальнай өрөспүүбүкэлэр киниэхэ памятник туруоруох кэриҥнээхтэр.
- 90-с сыллар күүрээннэрэ ааспыттара...
- Күүрээн хаһан баҕарар уостар – олох сокуона. Арассыыйа төттөрү хомуллуута саҕаланар. Михаил Николаевы туораталлар. Штырову олордоллор. Төрүт сокуоммутун бэйэлэрин прокурордарынан «көннөттөрөллөр», суверенитеты суох оҥороллор, төрүт олохтоохтор бырааптарын көмүскүүр сокуоннары «наадалаах дьокутааттары» талаттаан ылҕаталлар. Салайарга дөбөҥ буоллун диэн икки палааталаах парламены холбоон биири тэрийбиттэрэ. Сокуону көннөрө-көннөрө сирбит баайын барытын үллэһиннилэр. Сырьевой холуонньа буоллубут.Ити - «Аллах над Якутией» ыстатыйаларга барыта сурулла сылдьар. Штыров уурайыан иннинэ төрүт сокуоҥҥа уруккуну көннөтөрөн «добровольное вхождение» диэни эмиэ киллэтэрэ сатаабыта. Бу күн бүгүн эмиэ конституцияҕа «добровольное вхождение» көннөрүү киллэрээрилэр, итинник ааттаах научнай конференция тэрийэн эрэллэр. Историяны эмиэ хоһуттан суруйуохтарын баҕараллар.
- Ил Түмэммит быыбара чугаһаата.
- Олох атын дьону талаттыахха наада. Аҕыйах киһи баарын саҥардыбаттар, саба тута сылдьаллар.
- Бэйэҥ дьокутаакка турбаккын дуо, хата?
- Туруохпун да сөп. Ньурбаттан барарбын дуу, Сунтаартан киирсэрбин дуу, Дьокуускайга дуу быһаарыммакка сылдьабын.
- Талларыахтара, талыахтара дии саныыгын? Президен, улуустар баһылыктара кимнээҕи депутаат оҥороллорун быһаарынан олороллор ини
- Оннугун оннук. Олох уларыйыан наада. Дьон ону өйдөөн эрэр. Урут талбыт дьонноро хайдах курдук Штыровтаах ускайдарынан Саха сирин баайын дуолун, быраабын туран биэрдилэр. Дьон истэн-билэн эрдэҕэ. Административнай ресурс, единейдэр аҥардастыы баһылыыллара мөлтөөн иһэр курдук көрөбүн.
- Кинигэ таһааран эрэҕин?
- Сайтпар тахсыбыт матырыйаалларынан «Аллах над Якутией» курдук хабааннаах ыстатыйалары барытын мунньан онно эбии сахалыы суруйууларбын, хоҕооннорбун холбоон кинигэ таһаарыахпын баҕарабын. Спонсор наада.
- Но! Турцияҕа хостиннанар киһи спонсор көрдүүр эбит дуу?
- Америкаҕа диэ! (күлэр). Бастаан хостиннанар серверым Москваҕа турбута. Ону Яков Стахов үҥсүүтүнэн дьыала тэрийэллэригэр, уорганнар тиийэн туох да көҥүлэ суох сайпын арааттаран кэбиспиттэрэ. Ыннарааҥылар бастаан суут уурааҕа суох диэн киллэрбэт буола сатаабыттар этэ да… ол арааттарбыт буруйдарыгар бэйэлэрэ Америкаҕа турар сервери булан биэрбиттэрэ.
- Сууттаһан, сууттанан айа да... Төһө элбэх сууту аастыҥ, бүттэ дуо?
Мин сууттаспаппын. Миигин сууттууллар. Штыров тус бэйэтэ суукка биэрбэтэҕэ. Миигин суукка биэрбиттэрэ:
1. Администрация Президента и Правительства РС(Я). - руководитель Айсен Николаев.
2.Правительство РС(Я).- зам.пред Грабцевич
3. Бывший зампред Правительства РС(Я) . ныне зам постпредства РС(Я) Долинин,
4. Быв.министр, быв.депутат РС(Я), быв.ген.дир"Алданзолото" ныне ген. дир. КРЮЯ Брук
5. Центризберком РС(Я).- руководитель Кривошапкин
6. Аминистрация г. Якутска. столица РС(Я).- мэр Заболев
7..Вице-президент АЛРОСА .- депутат ИлТумэн РС(Я) Потрубейко.
8.Вице-президенты АЛРОСА .- депутат ИлТумэн РС(Я) Дойников
9.Корпорация развития Южной Якутии -(Арбитр. суд) ген.дир.Брук
10. Вице президент РС(Я) Михайлова Е.И.
Ус төгүллээн 282 ыст –экстремизм национализм уг. дьыала көбөтөллүбүтэ, икки төгүллээн клевата уголовнай дьыала, тоҕус «защита чести и достоинства» -гражданскай дьыалалар. Барыта 7-8 мөлүйүөн саат куттарыытын көрдөөбүттэрэ.Үс сыл кэриҥэ сүүһунэн ахсааннаах сууттары аастым. Реабилитацияланным. Аны билигин мин кинилэртэн саат куттарыытын көрдөөн сууттаһыахтаах этим.
- 8 000 пенсиям аҥаара гражданскай дьыланан көрүллүбүт суут уурааҕынан, Грабцевичка, Долинниҥҥа, Заболевка, Потрубейкаҕа, Дойниковка, Центризбиркомҥа, Брукка («Саха сирин соҕуруу сайдыытын» корпорацията). Онон төрөөбүт өрөспүүбүлүкэм сайдыытыгар кылааппын киллэрэ олоробун (күлэр).
Оттон үлэҥ-хамнаһыҥ суута ханна тийдэ?
Улэ да, хамнас да суута барытын кыайбытым, үлэҕэ төттөрү ыларга, хамнаһын төлүүргэ, трудовой ыстааһы билинэргэ диэн буолта эрээри үлэлээбит тэрилтэм ликвидацияламмытынан суут уурааҕа олоххо кииирбэтэҕэ, ол тэрилтэни олохтообут уонна ликвидациялаабыт СР правительствота. Эппиэтинэс киниэхэ көһүөхтээх ону сууттар, бу аҕыйах хонуктааҕыта СР Үрдүкү суута аккаастаата. Салгыы киирсэбин.
- Саҥа хоһоон суруйдуҥ дуо?
- Архыыппын, саҥа хоһооннорум харалла сылдьар ноутбукпун дьиэбин халыылларыгар илдьэ барбыттар этэ…
- Хоһооҥҥо баҕалаах бэрт нарын дууһалаах уоруйахтар эбит…
- Хоһооҥҥо буолуо дуо, информация, материал, докумен көрдөөннөр. Харыһыйабын... үтүргэҥҥэ сылдьар киһи иэйиитэ киирбэт буолан хаалар эбит. Мантан инньэ суруйар инибин.
Суукка хас биирдии суруйбут тылгын ырыталлар? «Аллах над Якутией» ыстатыйаны омугумсуйууга, экстремизмҥа ыҥырыылаах диэн күтүрүү сылдьыбыттара. Уопсайынан, сурукка-бичиккэ үлэлиир дьоҥҥо эт эрэ, экспертизэ хайдах оҥоһулларый?
- Лингвистическэй экспертизэни судаарыстыбаннай көҥүллээх (лицензийэлээх) эрэ тэрилтэ оҥорор бырааптаах. Мин дьыалабар, бастаан СВФУ преподавателлэрэ оҥорбуттара. Иккиһинэн, кинилэр экспертизэ оҥорор лицензийэлэрэ да суох этэ. Ол экспертизэ түмүгүн бырачыастаан көтүттэрбиппит. «Аллах над Якутией» ыстатыйа 6 экспертизэни барбыта. Дьокуускайга (иккитэ), Новосибирскайга, Томскайга уонна Брянскайга. РФ Юстициятын министиэристибэтин экспертизэтэ, ФСБ криминалистичекай иниститутун эеспертизэтэ . (Томскай к.) экспертизэтэ , МинЮст, ФСБ экспертизэлэрэ «ыстатыйа туох да национализма, экстремизмэ ыҥырбат» диэн түмүк оҥорбута. Дьыала үс төгуллээн төхтото-тохтото көбүтүллүбүтэ. Үс сыл кэриҥэ барда. Ис дьиҥин ырытыы, хайдах буолара«Мое дело» сайпар баар.
- «Аллах над Якутией» ыстатыйа сүрүн түмүгэ тугуй?
- Дьиҥ балаһыанньа хайдаҕын норуот биллэҕэ дии. Штыров куһаҕаннык барда. Ону бэйэтэ билэр.
- Өссө биир холобур: ханна эрэ айдааннаах ыстатыйа тахсар. Ким эрэ ону ылан хат бэчээттиир. Сууттаһар түгэннэригэр манна ким буруйдааҕый?
- Бастакы таһаарбыт таһаарыы... Ол гынан баран, Юрий Дойников («АЛРОСА» АО вице-президенэ) Москуба сайтыгар, маннааҕы сайтарга тахсыбыт матырыйаалы хаттаан бэчээттээбиппэр, чуолаан, миигин эрэ суукка үҥсэн кыайан турардаах. Маннааҕы суут АЛРОСА-ҕа «олус үчүгэй « сыһыаннаах».
-Билиҥҥи бирисидиэн.Е.А Борисов, мэр А.С.Николаев Штыров кэмигэр тутаах дьоннор этилэр дии.
Е.А.Борисов правителство председатэлин, А.С.Николаев администрация тойонун быһыытынан биллэн турар саха сирин атыылааһыҥҥа, кини бырааптарын түһэн биэриигэ барытыгар Штыровы кытта бииргэ үлэлээбит аххан дьоннор, барытын билэллэр. Илии баттабыт дьон. Тиксибиттэрэ тииһиммиттэрэ да элбэх буолан эрдэҕэ…. Билигин да ол салҕанан бара турар. Ол да иһин Кириэмил ити икки киһитэн талбыта. Ол биллэр, үксэ кистэлэҥ, ону туспа ырытыы наада. Кэмэ кэллэҕинэ барыта тахсыа. Борисов кэмигэр бары барыта төттөрү барыаҕа, эбии атыылыаҕа, республика иннин туруулаһыы суох буолуо.
- Уххан, былааска олорор, дьайар кыахтаах дьоммутун барыларын «тус интэриэстээх» дьон диигин...
- Барыларын диэбэппин…сорохторун.
- Оччоҕо норуот интэриэһин дьиҥнээхтик ким туруулаһыан сөбүй? Оннук дьон баар буолуохтарын сөп дуо?
- Билиҥҥи көрүнньүк общественнай тэрилтэлэртэн букатын атын, өрөспүүбүлүкэ, регион интэриэһин дьиҥнээхтик көмүскүүр саҥа тэриллиилэр үөскүөхтэрин, саҥа депутаттар талыллыахтарын наада. Ол түмүгэр былааска саҥа дьон кэлиэх тустаахтар.. Ол кэмҥэ саха норуота, өрөспүүбүлүкэбит ханнык миэстэҕэ баар буолуоҕа – билигин быһаарыллар. Бэйэбит эрэ кииристэхпитинэ, туруорустахпытына «сырьевой придаток» - холуонньа оруолуттан тахсыахпыт этэ. Оннукка тийэрдибит дьон олорорун тухары туһа суох буолуо. Балаһыанньа өссө эбии уустугуран иһэр.Дальнай Востогу, Сибиири корпорацияҕа кубулутан, тэрилтэ сокуонунан олордор буоллулар. Соҕотох президент Путин быһаччы дьаһалыгар киирэбит. Кытайы киллэрэн эрэллэр. Сир баайын- дуолун харыыта суох хаһыы, хоро таһыы, онтон биһиги төһө тииһинэбит? Нолуоктан босхолуубут. Рента сокуонун ылымматахпыт. Сокуоммутун, бырааппытын тойоторбут, дьокутааттарбыт барытын туран биэрбитэрэ дии. Билигин статуспут олох да аллараа түстэ, түһүө.
-Коррупция утары охсуһабыт диэн этэҕит, ол кыайтарар кыахтаах дуо?
Россия былааһа коррупция тутуллаах. Корумпированнай идеология, политика, экономика барыта. Өтөрүнэн кыайтарбат күүс. Дьон норуот билиитигэр таһаарыы, онон утары охсуһуу буоллаҕа, норуот санаатын уларытыы, онон быыбардарга саҥа дьону талааһын, нэһилиэк депутаатыттан, баһылыгыттан, президиэҥҥэ тийэ.
Маны тылбаастаан кыбытыаххын соп урут суруллубута:
Уххан, каков итог правления Штырова?
Штыров и его команда- распродала все крупные активы республики,
- Штыров сдал «АЛРОСА»,
- Штыров сразу после сдачи «АЛРОСА» пытался прикрыться сбором подписей с требованием назначить его на второй срок,
- Штыров внес почти полтысячи поправок в Конституцию республики, убрав оттуда все ценное, вплоть до понятия «суверенитет»,
- Штыров полностью выхолостил Ил Тумэн, превратив некогда сильный парламент в заурядный отдел своего аппарата,
- Штыров вытеснил из политической и экономической жизни сотни наиболее патриотично настроенных людей, среди которых были даже люди, которые еще вчера искренне заблуждались, поддерживая Штырова, а потом осознали свою трагическую ошибку.
Каков же главный итог Штырова ? К сожалению, деятельность Штырова на посту Президента Якутии с 2002 по 2010 годы привела к значительному ухудшению жизни населения и крайне негативным результатам во многих сферах жизни.
Таким образом, основными результатами деятельности Штырова стали:
-нарушение международных норм и конституционных прав на достойную жизнь и свободное развитие,
-значительное ухудшение жизни населения и усиление социальной напряженности;
-ущемление интересов населения республики при приватизации, увод активов из собственности республики;
-критическое снижение влияния республики на общественно-политические и социально-экономические процессы;
-негативные последствия институциональных преобразований системы государственного управления (содействие лишению суверенитета, содействие чрезмерной централизации распорядительных государственных функций);
-подавление свободы мысли и слова;
-преследование лиц, критикующих на законных основаниях властные структуры и реализующие свое право на управление делами государства.
В отношении всех, кто выступил против произвола и беззакония, Штыров выбрал линию агрессивного прессинга на основе внепроцессуального применения правоохранительных органов и неконституционных методов. Изощренное подавление Штыровым гражданских прав и свобод направлено не только на деятельность конкретных лиц, но и стало своеобразной «профилактикой» выражения объективного отношения общества к происходящим событиям.
Необходимо отметить, что за время противостояния у нас появилось много единомышленников и последователей, истинных патриотов Якутии разных национальностей, объединившиеся в деле создания достойных условий жизни и восстановления справедливости. Фактором объединения выступил противостояние власть предержащим, находящихся в оппозиции многонациональному народу республики и его интересам.
28.07 2014
|
|
Category: Коррупция |
Views: 7 |
Added by: uhhan1
|
|
|
| Ааҕыылар |
Баар бары (online): 5 Ыалдьыттар (гостей): 5 Кыттааччылар (пользователей): 0 |
|
