| News topics |
|
Политика.Митинги. Пикеты. Партии [902]
|
|
Мысли. Думы.Мнения, обсуждения, реплика, предложения [263]
|
|
Суд-закон.МВД.Криминал [1283]
|
|
Право, закон [323]
|
|
Экономика и СЭР [840]
|
|
Власть Правительство Ил Тумэн [1208]
|
|
Мэрия, районы, муниципалитеты [400]
|
|
Мега пректы, планы , схемы ,программы. ВОСТО [215]
|
|
Сельское хозяйство,Продовольствие. Охота и рыбалка [559]
|
|
Энергетика, связь, строительство.транспорт, дороги [156]
|
|
Коррупция [863]
|
|
Банк Деньги Кредиты Ипотека Бизнес и торговля. Предпринимательство [294]
|
|
Социалка, пенсия, жилье [277]
|
|
ЖКХ, строительство [133]
|
|
Образование и наука. Школа. Детсад [215]
|
|
Люди. Человек. Народ. Общество [227]
|
|
АЛРОСА, Алмаз. Золото. Драгмет. [672]
|
|
Алмазы Анабара [161]
http://alanab.ykt.ru//
|
|
Земля. Недра [240]
|
|
Экология. Природа. Стихия.Огонь.Вода [381]
|
|
СМИ, Сайты, Форумы. Газеты ТВ [160]
|
|
Промышленность [43]
|
|
Нефтегаз [285]
|
|
Нац. вопрос [285]
|
|
Соцпроф, Совет МО, Общ. организации [65]
|
|
Дьикти. О невероятном [183]
|
|
Выборы [661]
|
|
Айыы үөрэҕэ [133]
|
|
Хоһооннор [5]
|
|
Ырыа-тойук [23]
|
|
Ыһыах, олоҥхо [109]
|
|
Култуура, итэҕэл, искусство [372]
|
|
История, философия [248]
|
|
Тюрки [76]
|
|
Саха [167]
|
|
литература [45]
|
|
здоровье [469]
|
|
Юмор, сатира, критика [14]
|
|
Реклама [7]
|
|
Спорт [123]
|
|
В мире [86]
|
|
Слухи [25]
|
|
Эрнст Березкин [88]
|
|
Моё дело [109]
|
|
Геннадий Федоров [11]
|
|
BingHan [4]
|
|
|
Main » 2026 » Тохсунньу » 12 » А Л Ҕ А С Т А Р
А Л Ҕ А С Т А Р | 14:15 |
А Л Ҕ А С Т А Р
Хомойуох иһин, суруналыыс суруйуутугар, ону таһаарааччыга да сыыһа-халты туттуу баар буолар. Суруналыыс оннооҕор буукубаны көтүппүтэ эбэтэр буукуба атынынан солбуллан хаалбыта (опечатка), тыл бэлиэтэ сыыһа туттуллубута кинини хомотор. Суруйуутугар эппиэттээхтик сыһыаннаһар киһи итинниги бытаххай диэбэккэ ыарыылаахтык ылынар. Оттон обургу сыыһа таҕыстаҕына ааҕааччы иннигэр көннөрүнэр төлөрүйбэт иэһэ дии саныыбын.
Мин Интернет ситимигэр ааспыт сыл ахсынньы 12 күнүгэр “Штыровшина” диэн суруйууну таһаартарбытым. Онно “Жизнь Якутска” (4-11. 12.2025) хаһыакка сигэнэн, Штыров Дьокуускайга олорбут квартиратын 450 мөл. солкуобайга атыылыы сатыыра сурулунна диэбитим. Дьиҥинэн, 450 мөлүйүөҥҥэ буолбакка, баара-суоҕа 45 мөлүйүөҥҥэ атыылыыр эбит. Сыыһа көрбүппүн, ону билинэргэ тиийэбин. Билигин ырыаһыт Долина квартиратын 112 мөл. солкуобайга атыылыыра бүтүн Арассыыйаны долгутта, онно холоотоххо Штыров квартиратын сыаната кыра, оҕо оонньуута буолар. Төһө да алҕас суруйдарбын хаарбах дьиэҕэ олорор бэтэрээннэри син биир саныыбын, тэҥнээн көрөбүн. Штыров квартирата судаарыстыба суотугар тутуллубатаҕа буолуо дуо, хайдах ону талбыттарынан атыылыыллар диэн мунаарыы эмиэ баар. Республикабытыгар 45 мөлүйүөҥҥэ атыылаһар киһи көстүө дуо? Саарбахтыыбын. Арай алмаастаах, көмүстээх, ньиэптээх, гаастаах, чохтоох баай Саха республиката атыылаһар ини.
“Кырдьыксыт киһи суруга” диэн матырыйаалбын тохсунньу 6 күнүгэр ыыппытым. Манна М.Николаев үһүс болдьоххо быыбарга кыттарын утары турбуттар тустарынан суруллубута. Тэрээһиннээх утары турууга биир саамай “дьаарайдарын” ааттыырбар В.Филиппов оннугар В.Илларионов диэн кээспиппин. Киэҥ нэлэмэн Саха сиригэр В.Илларионов хас эмэ баара буолуо, хайалара да бэйэлэригэр ылымматтарыгар көрдөһөбүн.
Ити ыстатыйам иннинэ “Штыров уонна Магомедовтар” суруйуубун Интернеккэ таһаарбыттар. Көрбөтөҕүм. Аахпыт киһи кэпсээнинэн бүтэһик, түмүк лоскуй киирбэтэх. Аатырар Интернет да хорсуна “оҥоойугу ортотунан” эбит. Онно маннык суруллубута:
“ Медиктэрбит Украина сэриитигэр оһолломмут 4000 ыччаты эмтээтибит диэн телевизорга биллэрбиттэрэ. Илии-атах бысталаммыт, тэһитэ ытыллан киһи аатыттан ааспыт бастыҥ ыччаттарбыт ыар дьылҕалара буоллаҕа... Оттон хас тыһыынча ыччаппыт сэрии толоонугар бадарааҥҥа тэпсиллэн хаалбыта, өлбүтэ уонна тиэллэн кэлбитэ биллибэт. Үс оҕотун сүтэрбит дьиэ кэргэн кытта баар. Бу трагическай, киһи үөрбэт, траур биллэрэн ийэлэр, аҕалар, эдэр огдооболор, оҕолор харахтарын уутунан сууна олорор кэмнэригэр “Кини кимий?” диэн шоуну Георгий Белоусов ыытта. Шоуга кыттар дьоммут күлүү-үөрүү, алларастаһыы, ыстаҥалаһыы, өрүтэ ыстаныы, ытыстарын таһыныы, ырдьаҥнаһыы. Онно бааллара Сахаайа, кини эрэ Бурнашов, бэл билгэһит Тускул, о.д.а. Тэрийбит Георгий Белоусов, онно кыттыбыттар суобастарыгар буоллаҕа, бу шоу...”
Эппитим курдук, ити бүтэһик лоскуй таһаарыыга киирбэтэх. Кэлин, оҕолорбут уот ардах ортотугар, буулдьа аһылыга да буолан сыттахтарына буолуо, хас да итинник шоу таҕыста быһыылаах. Бүгүн тохсунньу 8 күнэ, кырыыстаах каникул саҕаланыаҕыттан былаһын тухары итинник - телевизоры холбоо эрэ – ханнык да миэрэ, сиэр-туом суох. Ол да буоллар, манна эмиэ алҕаһаабытым буолуо дуо? Георгий Белоусов хара күүһүнэн тэрээһинэ буолбатаҕа буолаарай, хамнастаах киһи үөһэттэн дьаһалы толорон эрдэҕэ, инньэ диэн үлэтиттэн уһуллуо, сиир килиэбэ суох хаалыа дуо?
Иван БУРЦЕВ 08.01.2026с
|
|
Category: СМИ, Сайты, Форумы. Газеты ТВ |
Views: 43 |
Added by: uhhan1
|
|
|
| Ааҕыылар |
Баар бары (online): 4 Ыалдьыттар (гостей): 4 Кыттааччылар (пользователей): 0 |
|
