Бу сир талбата (меню)
Catalog categories
Норуот эмчиттэрэ [6]
Оһуохай [5]
Итэҕэл [27]
Саха биис уустара [150]
М.Тумус, П. Тараҕай, И. Сулус, В. Майаһа "Саха биис уустара" кинигэ
Олоҥхо [6]
Ыһыах [2]
Сиэр-туом [2]
Ойууннааһын [0]
Айыы үөрэҕэ [17]
Main » Articles » Итэҕэл » Айыы үөрэҕэ

Тэрис. "Барҕа алгыстара" 05
Билбэт тылларгын манна көрөөр: Э.К. Пекарскай тылдьыта
 
 

Барҕа алгыстара

5А1--29
Дьоҕур алгыһа

Аан Суорун,
Бэттэх көрөн
Мичик гын!
Сүлгүр!
1
Улуу Суорун
Аартыга аһылыннын.
2
Бохсуруйан
Бохсуллуубуттан
Босхолонуум.
3
Тыҥабар
Айыы тыына киирдин.
4
Түмүгүм сөлүннүн,
Ийэ кутум
Этитиитэ тилиннин.
5
Киһи биирдээх дииллэр,
Биирим билиннин.
6
Санаам салалталаннын,
Сүрүм сүрүннэннин.
7
Айар өттүгэр
Саҥым тартын.
8
Испэр иҥмит
Идэким билиннин.
9
Дьоҕур суола
Тобулуннун.
Дом!

5А2--30
Батыһыы алгыһа

Төрүт Суорун,
Бэттэх көрөн
Мичик гын!
Сүлгүр!
1
Батыһыыбын батыһыым,
Утумнуурбун булуум.
2
Тыҥабар киирбит тыын
Тымырым устун тарҕаатын.
3
Аймахтарым
Айымньылаах өттүлэрин
Батан сылдьыым.
4
Урууларым
Чулуу дьоҕурдарын
Умсуйан уһуйуллуум.
5
Өбүгэм үтүөтүн
Үксэтиим.
6
Ийэ айылҕам
Испэр иҥэрбитин
Тилиннэриим.
7
Аҕа айылҕам
Анаан кэбиспитин
Сайыннарыым.
8
Удьуорум этэрин
Устун сылдьыым.
9
Бэйэбин булан
Бэрт киһи буолуум.
Дом!

5А3--31
Арыллыы алгыһа

Түһэр Суорун,
Бэттэх көрөн
Мичик гын!
Сүлгүр!
1
Түспүтүм түс буоллун,
Ылбытым алгыс буоллун.
2
Үтүө тылы
Үчүгэйдик өйдүүр
Өйдөөх буолуум.
3
Сайаҕас тылы
Сатаан истэр
Сайда буолуум.
4
Үүннээх-тэһииннээх
Тылы батыһыым,
Үрүҥ күн
Үтүөтүн тутуһуум.
5
Оройум аһыллан истин,
Этим саастанан истин.
6
Суолбун-ииспин
Булан иһиим.
7
Көнөнү өйдүүр
Көрсүө мэйиилэниим.
8
Дьоҕуру сайыннарар
Суолу тутуһуум.
9
Идэ диэки
Эргиллиим.
Дом!

5А4--32
Куулаттарыы алгыһа

Куулаттарар Суорун,
Бэттэх көрөн
Мичик гын!
Сүлгүр!
1
Куулаттарыым холбостун,
Төрүттэниим түмүлүннүн.
2
Испэр иччилэниим,
Таспар дьалыҥнаныым.
3
Томторҕом арылыннын,
Түмүгүм сөлүннүн,
4
Ытык дьонум
Ыйаахтаах тыллара
Ыксаластын.
5
Төрүт дьонум
Төрүт тыллара
Төбөбөр түстүн.
6
Ааттаммат аймахтарым
Харахтарын хатаатыннар.
7
Сурахтаммат урууларым
Санааларын уурдуннар.
8
Этим-сииним
Илбистэннин.
9
Киирэрим киирдин,
Таарыйарым таарыйдын.
Дом!

5А5--33
Салайыныы алгыһа

Үөрэх Суорун,
Бэттэх көрөн
Мичик гын!
Сүлгүр!
1
Мэлдьи үөрэниим,
Мэлдьи эрчиллиим.
2
Ыраахтан төрүттэниим,
Дириҥтэн силистэниим.
3
Этиллиим эттин,
Үөтүллүүм өттүн.
4
Дьүһүйбүттэрин курдук
Дьүһүйүүм,
Үһүйбүттэрин курдук
Үһүйүүм.
5
Эппиттэрин хатылаан
Этэн иһиим,
Саҥарбыттарын хатылаан
Саҥаран иһиим.
6
Үөрэҕи өйбөр түһэриим,
Билиини испэр иҥэриим.
7
Куулаттарыым суолланнын,
Айар илбиһим аартыктаннын.
8
Утумнаан удумаҕалыым,
Ситимнээн өйдүүм.
9
Үөрэҕи баһылаан
Күүстэниим.
Дом!

5А6--34
Уһуйуу алгыһа

Уһуйар Суорун,
Бэттэх көрөн
Мичик гын!
Сүлгүр!
1
Уһуйууну ылыым,
Идэни иҥэриим.
2
Санаам хааччаҕа аһылыннын,
Өйүм күөйүүтэ өһүлүннүн.
3
Майгым барҕаланнын,
Быһыым сабаҕаланнын.
4
Испэр иҥмит күүһүм
Суолун буллун,
Хаабар хаайтарбыт кыаҕым
Аартыгын арыйдын.
5
Билээччи этэрин
Хоту буоллун,
Үөрэхтээх үөтэрин
Хоту буоллун.
6
Ийэ кутум
Иитиитэ тилиннин.
7
Салгын кутум
Салалтатын буллун.
8
Буор кутум
Бодолоннун.
9
Киһи буолбут
Кэскилим ситтин.
Дом!

5А7--35
Идэ алгыһа

Идэ Суорун,
Бэттэх көрөн
Мичик гын!
Сүлгүр!
1
Биирбин булуум,
Идэбин ылыым.
2
Айар албастаныым,
Тутар сатабылланыым.
3
Олоҕу оҥорор
Дьоҕурданыым.
4
Аан дойдуну
Тупсарар талааннаныым.
5
Идэбин
Айыы өттүнэн туһаныым.
6
Куһаҕаҥҥа кубулутумуум,
Мөкүгэ дьүһүйүмүүм.
7
Тарбаҕым алгыстаннын,
Илиим эҕэрдэлэннин.
8
Айбытым үйэлээх буоллун,
Оҥорбутум олохтоох буоллун.
9
Күнүм сирин
Көҕөрдүүм.
Дом!
 
Category: Айыы үөрэҕэ | Added by: uhhan (2008-05-17)
Views: 3560 | Rating: 0.0/0 |
Total comments: 0
Only registered users can add comments.
[ Registration | Login ]
Login form
Көрдөө (поиск)
Атын сирдэр
Ааҕыылар

Баар бары (online): 12
Ыалдьыттар (гостей): 12
Кыттааччылар (пользователей): 0
Copyright Uhhan © 2020