Бу сир талбата (меню)
Catalog categories
Норуот эмчиттэрэ [6]
Оһуохай [5]
Итэҕэл [27]
Саха биис уустара [150]
М.Тумус, П. Тараҕай, И. Сулус, В. Майаһа "Саха биис уустара" кинигэ
Олоҥхо [6]
Ыһыах [2]
Сиэр-туом [2]
Ойууннааһын [0]
Айыы үөрэҕэ [17]
Main » Articles » Итэҕэл » Айыы үөрэҕэ

Тэрис. "Барҕа алгыстара" 07
Билбэт тылларгын манна көрөөр: Э.К. Пекарскай тылдьыта
 
 

Барҕа алгыстара

7А1--43
Билии алгыһа

Аан Билгэ,
Бэттэх көрөн
Мичик гын!
Лах!
1
Өй суола арылыннын,
Билии суола тэлэлиннин.
2
Икки тэргэн кулгааҕым
Истэрэ кэҥээтин.
3
Икки уу хараҕым
Көрөрө үксээтин.
5
Эт мэйиим
Билэрэ элбээтин.
6
Орто дойдум
Суолларын тобулуум,
Айыы сирин
Аартыктарын арыйыым.
6
Өйдүүрүм
Үксээн истин,
Билэрим
Дириҥээн истин.
7
Санаам сабаҕаланнын,
Тылым тамахтаннын.
8
Өҥсүүм устун
Үөтүүм уһугуннун.
9
Түөрт дойду
Түөргүтэ буолуум.
Дом!

7А2--44
Бэлиэни таба көрөр алгыс

Бэлиэһит Билгэ,
Бэттэх көрөн
Мичик гын!
Лах!
1
Бэлиэлэри билиим,
Этэр көстүүлэри сэрэйиим.
2
Мээнэнэн көрүмүүм,
Таах истэн кэбиһимиим.
3
Дьүлэй куҥ буолумуум,
Чой орой буолумуум.
4
Этэр көстүүлэри
Таба тутуум,
Бэлиэлэри
Билэр буолуум.
5
Харахпар хатыым,
Кулгаахпар хаалларыым.
6
Өйбөр тутуум,
Долоҕойбор тохтотуум.
7
Ырааҕы
Ыйдаҥардар кыахтаныым,
Дириҥи
Тургутар дьоҕурданыым.
8
Кыраҕы харахтаныым,
Чуор кулгаахтаныым.
9
Айыылартан
Айдарыылаах буолуум.
Дом!

7А3--45
Билгэ Алгыһа

Билгэһит Билгэ,
Бэттэх көрөн
Мичик гын!
Лах!
1
Бэлиэни таба көрөн
Билгэлиир буолуум.
2
Айылҕа хаамыытын
Таайыым,
Күн-дьыл хаамыытын
Өйдүүм.
3
Сиэттиһэр көстүүлэри
Сибикилиим,
Атахтаһар көстүүлэри
Аахайыым.
4
Уруккуну удумаҕалыым,
Кэлэри кэтиим.
5
Көстүү этэрин
Өтө билиим,
Бэлиэ этэрин
Билгэлиим.
6
Таба тутан
Сабаҕалыым,
Утары тутан
Удумаҕалыым.
7
Ыйыллыбыт түмүктэри
Төлөрүтүүм,
Ииччэхтэри-бааччахтары
Сүөрүүм.
8
Үөрэҕим үксээтин,
Сатыырым хаҥаатын.
9
Өйдүүр өйдөнүүм,
Билэр мэйиилэниим.
Дом!

7А4--46
Бит алгыһа

Бит Таҥха,
Бэттэх көрөн
Мичик гын!
Лах!
1
Бити
Бэлиэ оҥостуум
2
Көстөр иһигэр
Көстүбэти көрүүм,
Биллэр иһигэр
Биллибэти билиим.
3
Барыта
Улаҕалааҕын удумардыым
Түөрэтэ
Түгэхтээҕин төлкөлүүм.
4
Уҥа өттүбэр мустубут
Уолдьахтары ундаардыым.
5
Хаҥас өттүбэр мустубут
Халахайдары сылыктыым.
6
Уһун күлүкпүн
Быһа хаамтарымыым
7
Кэтэхпинэн көрүүм,
Көхсүбүнэн сэрэйиим.
8
Битим тардыытынан
Билэр идэлэниим.
9
Тоҕус долоҕойум
Суола тобулуннун.
Дом!

7А5--47
Тойоннуур алгыс

Тойонньут Таҥха,
Бэттэх көрөн
Мичик гын!
Лах!
1
Хараҕым аһылыннын,
Бити бэлиэ гыныым.
2
Этим саастаннын,
Уҥуоҕум куодаланнын.
3
Өттүгүм үүттэннин,
Санным хайаҕастаннын.
4
Үөтүүлээх
Өһүк эттэниим,
Этитиилээх
Ичээн эттэниим.
5
Төбөм оройо төлөрүйдүн,
Кэтэҕим уоллаҕаһа аһылыннын.
6
Этээччилэрим элбээтиннэр,
Кэпсээччилэрим кэлэҕэйдээбэтиннэр.
7
Тылбар киирдиннэр,
Саҥабын салайдыннар
8
Үтүөнү үөтүүм,
Кэрэни кэпсиим.
9
Тойоннуурум
Толору буоллун,
Түөргүлүүрүм
Сөптөөх буоллун.
Дом!

7А6--48
Көрүү алгыһа

Көрбүөччү Дьылҕа,
Бэттэх көрөн
Мичик гын!
Лах!
1
Ичээн эттэниим,
Көрбүөччү харахтаныым.
2
Хараҕым баайыыта
Сөлүөннүн,
Өйүм баайыыта
Өһүлүннүн.
3
Албыны араарыым,
Көлдьүнү көтүтүүм.
4
Ытык этим арылыннын,
Буомча этим уһугуннун.
5
Былыкка олорсуум,
Күлүккэ сөрүөстүүм.
6
Хараҕым уотун быраҕан
Ырааҕы чугуулуум.
7
Ааспыты анаарыым,
Кэлэри кэпсиим.
8
Өйбүнэн өтө көрүүм,
Тылбынан таба этиим
9
Сээркээн Сэһэн
Этэрин истиим.
Дом!

7А7--49
Этиттэрэр алгыс

Сэһэн Дьылҕа,
Бэттэх көрөн
Мичик гын!
Лах!
1
Этэр тылым
Үүннээх-тэһииннээх буоллун.
2
Айыылар мин нөҥүө
Саҥардыннар.
3
Иччилэр мииҥиннэн
Эттиннэр.
4
Айылҕам мииҥиннэн
Айдын.
5
Күн сирэ мииҥиннэн
Көрөр харахтаннын.
6
Орто дойду мин нөҥүө
Истэр кулгаахтаннын.
7
Сэһэним ситэри буоллун,
Толкуйум толору буоллун.
8
Быстыбыты салҕыым,
Алдьаммыты абырыым.
9
Этэр тылым
Иччилэннин.
Дом!
 
Category: Айыы үөрэҕэ | Added by: uhhan (2008-05-17)
Views: 3150 | Rating: 0.0/0 |
Total comments: 0
Only registered users can add comments.
[ Registration | Login ]
Login form
Көрдөө (поиск)
Атын сирдэр
Ааҕыылар

Баар бары (online): 4
Ыалдьыттар (гостей): 4
Кыттааччылар (пользователей): 0
Copyright Uhhan © 2020