| News topics |
|
Политика.Митинги. Пикеты. Партии
[900]
|
|
Мысли. Думы.Мнения, обсуждения, реплика, предложения
[261]
|
|
Суд-закон.МВД.Криминал
[1279]
|
|
Право, закон
[323]
|
|
Экономика и СЭР
[839]
|
|
Власть Правительство Ил Тумэн
[1207]
|
|
Мэрия, районы, муниципалитеты
[398]
|
|
Мега пректы, планы , схемы ,программы. ВОСТО
[215]
|
|
Сельское хозяйство,Продовольствие. Охота и рыбалка
[553]
|
|
Энергетика, связь, строительство.транспорт, дороги
[154]
|
|
Коррупция
[862]
|
|
Банк Деньги Кредиты Ипотека Бизнес и торговля. Предпринимательство
[291]
|
|
Социалка, пенсия, жилье
[276]
|
|
ЖКХ, строительство
[132]
|
|
Образование и наука. Школа. Детсад
[215]
|
|
Люди. Человек. Народ. Общество
[221]
|
|
АЛРОСА, Алмаз. Золото. Драгмет.
[669]
|
|
Алмазы Анабара
[161]
http://alanab.ykt.ru//
|
|
Земля. Недра
[240]
|
|
Экология. Природа. Стихия.Огонь.Вода
[375]
|
|
СМИ, Сайты, Форумы. Газеты ТВ
[154]
|
|
Промышленность
[43]
|
|
Нефтегаз
[284]
|
|
Нац. вопрос
[284]
|
|
Соцпроф, Совет МО, Общ. организации
[65]
|
|
Дьикти. О невероятном
[183]
|
|
Выборы
[661]
|
|
Айыы үөрэҕэ
[92]
|
|
Хоһооннор
[5]
|
|
Ырыа-тойук
[22]
|
|
Ыһыах, олоҥхо
[102]
|
|
Култуура, итэҕэл, искусство
[365]
|
|
История, философия
[237]
|
|
Тюрки
[76]
|
|
Саха
[152]
|
|
литература
[41]
|
|
здоровье
[463]
|
|
Юмор, сатира, критика
[14]
|
|
Реклама
[7]
|
|
Спорт
[121]
|
|
В мире
[86]
|
|
Слухи
[25]
|
|
Эрнст Березкин
[88]
|
|
Моё дело
[109]
|
|
Геннадий Федоров
[11]
|
|
BingHan
[4]
|
|
|
Main » 2015 » Кулун тутар » 7 » СР Судаарыстыбаннай мунньаҕын депутата Алина Винокурова
СР Судаарыстыбаннай мунньаҕын депутата Алина Винокурова | 15:09 |
СР Судаарыстыбаннай мунньаҕын депутата Алина Винокурова
СР Судаарыстыбаннай мунньаҕын историятыгар саамай эдэр дьахтар депутат Алина Винокуровалыын кэпсэттим. Кинилиин мин кыра оҕо сааспыттан бииргэ улааппыппыт. Күн бүгүнүгэр диэри бииргэ сылдьар дьүөгэм. Онон кинини уонна кини төрөппүттэрин чугас доҕотторун үчүгэйдик билэбин. Кини Намҥа бэйэтин тула эдэр ыччаттары балачча күүскэ түмтэ. Кини аҕата предприниматель буолан кыра сааһыттан бииргэ төрөөбүттэринээн араас үлэни толорон үлэ-хамнас ортотугар улааппыта. Үлэ кинигэтэ эмиэ оскуолаҕа үөрэнэ сырыттаҕына арыллыбыта. Онон дьүөгэлэригэр холуйдахха үлэҕэ-хамнаска эрдэттэн эриллэн оскуола сааһыттан бэйэтэ туһунан көрүүлээх араас идеяларынан өрүү баай буолара. Аны ийэтэ дуобакка спорт маастара, Нам улууһун ытык киһитэ Розалия Николаевна уһуйан оскуолаҕа сылдьан дуобакка Россия спордун маастарыгар кандидат буолбута. Кэлэн иһэр аан дойдутааҕы дьахталлар күннэринэн ыйыппыт боппуруостарбар эппиэтин таһаарабын.
Алина эн “Эдэр фермер” диэн сылын аайы республикаҕа ыытыллар дьыалабыай оонньуу автораҕын. Билигин эн Саха сирин эдэр ыччатын бүтүн Россия эдэр ыччаттарын форумугар таһаарбытыҥ туһунан кэпсээ эрэ.
--Бу дьыалабыай оонньуу быйыл биһиги республикабыт оччотооҕу президенэ, билигин Ил Дархана Е.А.Борисов көҕүлээһининэн үһүс төгүлүн ыытыллыа.
Оттон Саха сирин эдэр ыччата сылын аайы Алтаайыскай кыраайга Барнаул куоракка ыытыллар бүтүн Россиятааҕы форумҥа быйыл хамаанданан иккис төгүлүн кытынныбыт. Бу форумҥа Россия бары республикаларыттан уонна кыраайдарыттан Россия саамай талааннаах эдэр ыччаттара сүүмэрдэнэн кэлэн кытталлар. Билигин бастыҥ идеялаах бырайыактар олоҕу, үлэни-хамнаһы хамсатар үйэтигэр олоробут. Онтон олоҕу сайдыыны иннин диэки хаамтарар саамай бастыҥ бырайыак үлэһит эдэр ыччакка баар.
Аҥаардас бу форумҥа кыттыыны ылбыт ыччаттар бэйэлэрин бырайыактарын атыттарга билсиһиннэрэри таһынан кинилэртэн олус элбэххэ үөрэнэн сайдан кэлэллэр. Россия бастыҥ ыччаттарын кытары илии тутуһан билсэн ыырдара кэҥиир. Ол иһин бу хамсааһын Саха сирин ыччаттарыгар туһалааҕын учуоттаан мин үлэлиир тэрилтэм Алмазы Анабара генеральнай директора Матвей Николаевич Евсеев биһигини көҕүлээтэ уонна үбүнэн көмөлөстө. Миигин кытары сылдьыбыт эдэр ыччаттар ол иһин саамай сөпкө Матвей Николаевичка махтаннылар.
Бу тэрээһиҥҥэ биһиги тэрилтэбититтэн Ил Түмэн депутата Марианна Анатольевна Магомедова, Алмазы Анабара генеральнай директорын солбуйааччы Владимир Николаевич Черноградскай биһиэхэ көмө буолар элбэх үтүө дьыаланы оҥордулар. Маны таһынан улууспут салалтата күүс көмө буолбута. Ол түмүгэр Саха сирин ыччаттара Россия бастыҥ ыччаттарын кэккэтигэр сылдьан ыччат бүтүн Россиятааҕы форумугар кыттыыны ылан чахчы астынан, дуоһуйан кэллилэр.
-- Сөп оччоҕо эһиил эмиэ кыттар буоллаххыт дии?
-- Эһиилги форумҥа эрдэттэн оҥостон бэлэмнэммит бастыҥ үлэлээх ыччаттары сүүмэрдээн кыттыыны ылыахпыт. Бу мин депутатскай үлэм таһынан
общественнай үлэ быһыытынан сылын аайы республикабыт бастыҥ ыччаттарын күүһүн кыаҕын сайыннарыыга кыттыыны ылар үлэм буолар.
-- Нам эдэр ыччаттара эн эдэр ыччатын кытары эн былааннаах үлэни тиһигин быспакка ыытаҕын.
Биллэн турар бастакы саҕалааһын ыарахаттара элбэх. Миигин кытары үлэлиир ыччаттар Нам улууһун тэрилтэлэригэр, салалта уорганнарыгар үлэлии сылдьаллар. Ол иһигэр тус бэйэлэрин дьыалаларын тэрийэн предпринимательствоҕа бастакы хардыыны оҥорбут ыччат кэккэтэ эмиэ халыҥыы, үүнэ турар. Биһиги хас биирдиибит бастакы хардыыларбытын бары сүбэлэһэн оҥорор буолан бэйэ-бэйэбитигэр көҕүтүһэбит. Инники былаанар соруктар да биһиэхэ бааллар онтон төһөтүн олоххо киллэрэрбитин күн дьыл көрдөрөн иһиэҕэ. Онно барытыгар мин үлэлиир тэрилтэм Анаабыр Алмаастарын салалтата, улууһум салалтата, СР туһааннаах министерстволара үлэлиир ыччаттарга өйөбүл буолууларыгар анал этиилэри, туруорсуулары депутат быһыытынан туруорсабын уонна саҥаттан саҥа кыһалҕалары быһаарыыга этиилэри бэлэмниибин. Онон эппитим курдук инники сыал-сорук былаан үлэ-хамнас элбэх.
-- Дьиэ кэргэниҥ оҕолоруҥ туһунан билсиһиннэриэҥ этэ дуо?
-- Кэргэним, Александр Сергеевич дьиэтээҕи олохпор, үлэбэр-хамнаспар, оҕолорбун иитэрбэр мин саамай бастыҥ эрэллээх көмөлөһөөччүм. Кыыспыт Регина Нам орто оскуолатыгар бэһис кылааска үөрэнэр. Оскуола бастыҥ үөрэнээччитэ, спортсменката быһыытынан биллэр. Ренат быйыл бастакы кылааска дьарыктанар. Кырабыт Айхал детсатка сылдьар. Кинилэри кытары ордук элбэхтик мин ийэм дьарыктанар.
-- Кэлэн иһэр аан дойдутааҕы дьахталлар күннэринэн тугу этиэҥ этэй?
-- СР дьахталларын бука барыларын кэлэн иһэр аан дойдутааҕы бырааһынньыктарынан эҕэрдэлиибин. Кинилэр тус олохторугар үлэлэригэр-хамнастарыгар үгүс ситиһиилэри, дьолу-соргуну, таптыыр уонна таптатар кэргэн, күн күбэй ийэ, эбээ, эдьиий, балыс буолалларыгар баҕарабын.
Татьяна Михайлова.
|
|
Category: Власть Правительство Ил Тумэн |
Views: 1454 |
Added by: uhhan1
|
|
|
| Ааҕыылар |
Баар бары (online): 10 Ыалдьыттар (гостей): 10 Кыттааччылар (пользователей): 0 |
|
