| News topics |
|
Политика.Митинги. Пикеты. Партии
[900]
|
|
Мысли. Думы.Мнения, обсуждения, реплика, предложения
[263]
|
|
Суд-закон.МВД.Криминал
[1280]
|
|
Право, закон
[323]
|
|
Экономика и СЭР
[839]
|
|
Власть Правительство Ил Тумэн
[1207]
|
|
Мэрия, районы, муниципалитеты
[400]
|
|
Мега пректы, планы , схемы ,программы. ВОСТО
[215]
|
|
Сельское хозяйство,Продовольствие. Охота и рыбалка
[555]
|
|
Энергетика, связь, строительство.транспорт, дороги
[155]
|
|
Коррупция
[862]
|
|
Банк Деньги Кредиты Ипотека Бизнес и торговля. Предпринимательство
[291]
|
|
Социалка, пенсия, жилье
[277]
|
|
ЖКХ, строительство
[132]
|
|
Образование и наука. Школа. Детсад
[215]
|
|
Люди. Человек. Народ. Общество
[224]
|
|
АЛРОСА, Алмаз. Золото. Драгмет.
[670]
|
|
Алмазы Анабара
[161]
http://alanab.ykt.ru//
|
|
Земля. Недра
[240]
|
|
Экология. Природа. Стихия.Огонь.Вода
[377]
|
|
СМИ, Сайты, Форумы. Газеты ТВ
[158]
|
|
Промышленность
[43]
|
|
Нефтегаз
[284]
|
|
Нац. вопрос
[284]
|
|
Соцпроф, Совет МО, Общ. организации
[65]
|
|
Дьикти. О невероятном
[183]
|
|
Выборы
[661]
|
|
Айыы үөрэҕэ
[93]
|
|
Хоһооннор
[5]
|
|
Ырыа-тойук
[23]
|
|
Ыһыах, олоҥхо
[102]
|
|
Култуура, итэҕэл, искусство
[365]
|
|
История, философия
[239]
|
|
Тюрки
[76]
|
|
Саха
[153]
|
|
литература
[42]
|
|
здоровье
[465]
|
|
Юмор, сатира, критика
[14]
|
|
Реклама
[7]
|
|
Спорт
[123]
|
|
В мире
[86]
|
|
Слухи
[25]
|
|
Эрнст Березкин
[88]
|
|
Моё дело
[109]
|
|
Геннадий Федоров
[11]
|
|
BingHan
[4]
|
|
|
Main » 2015 » Бэс ыйа » 3 » Тыа сирин ким көмүскүөй?
Тыа сирин ким көмүскүөй? | 14:31 |
Тыа сирин ким көмүскүөй?
19.05.2015 сыл Дьокуускайга СР Ил Дархана Е.А.Борисов туруорсуутунан РФ аграрнай партия киин кэмитиэтэ Башмачникованан дьаһайтаран уочарата суох партийнай конференцияны ыыттаран ЯРО РПП АПК бэрэссэдээтэлин хаттаан талларда. Конференцияны ыытарга СР аграрнай партиятын бырабылыанньатын сэбиэтэ күһэллэн 35 делегаты таларга уураахтаабыта. Саха республикатын Ил Дархана бу сааскыттан аграрнай партияны былдьаһан кириэмил чиновниктарыттан саҕалаан сокуону, партия устаабын бардырҕаччы кэһэн, админстративнай ресурсаны туһанан үкчү били быыбарыгар курдук, идэтинэн олус күүскэ ороосто.
Дьиҥэр салалтаны талыы партия Устаабын быһыытынан олохтоох бастакы сүһүөх тэрилтэлэр этиилэригэр олоҕуран ыытыллыахтаах этэ. Оннук биир да этии киирбэтэҕэ. Оттон РФ ФС уонна политическай партиялар туһунан сокуон этэринэн общественнай тэрилтэлэр уонна партиялар тэрээһин боппуруостарыгар, кинилэр ыытар үлэлэригэр ханнык да таһымнаах судаарыстыба муниципалитет дуоһунастаах дьоно уонна сулууспалаахтара орооһоллоро РФ ФС-ар бобулларын туһунан ааспыт ыстатыйаларбар быһаарбытым. Онон бу дьаһал төрдүттэн сокуоннайа суох олоххо киирдэ.
Ыйтан ордук кэм устата правительство үлэһиттэрэ, улуустар, нэһилиэктэр баһылыктара, тыа хаһаайыстыбатын министерствота көмүһү көрдүүр курдук дьаныһан туран бэйэлэрин киһилэригэр куоластыыр 35 делегаты көрдөөтүлэр. Үгэстэринэн делегаттары бэйэлэрин диэки куоластатаары баары-суоҕу барытын солотуулаах солотугар тиийэ эрэннэрбиттэрэ иһиллэр. Үөһэ санаппытым курдук бу сокуону эргиччи өттүнэн кэһэр тэрээһин үлэлэр. Норуот этэр тылын санаатын, тугу туруорсарын тууйуу.
Олору да, атын делегаттары да, хайа да диэки хамсаппат гына конференция кэмигэр хонтуруол чиновниктар өттүлэриттэн кытаанах буолла. Едиинэй Россия ПП Саха сиринээҕи салаатын политсоветын чилиэнэ, Тыа хаһаайыстыбатын министрэ А.Е.Артемьев конференция ыытыллар саалатыгар олорон, бэйэтэ этэринэн, конференцияттан үүрүллэн тахсан баран хаһыа да буолан аттынааҕы хоско олорон конференция бара турар саалатыгар киирэр-тахсар делегаттары сокуону кэһэн туран кини эппит киһитигэр куоластыырга быыстала суох ыҥыра-кэпсэтэ, орооһо олордо.
Тыа хаһаайыстыбатын министрэ, Ил Дархан уонна кини админстрациятын уонна правительствотын дьаһалын толорон Единэй Россия ПП чилиэнэ А.Е.Артемьев илэ бэйэтинэн туох баар үлэтин ыһыы туһунан, үүтүн харчытын нэһилиэнньэҕэ тиэрдии курдук сүрүн
үлэтин быраҕан ыйтан ордук улуустары кэрийэн олох да атын аграрнай партияҕа делегат сүүмэрдээн халыҥ хамаандатын үүрбэ курдук үүрэ сылдьан сүүрдэ-көттө. УСХ үлэһиттэрэ үгүстэрэ эмиэ едиинэйдэр, үлэлэрин-хамнастарын умнан аграрнай партияҕа кинилэр эппит киһилэригэр куоластыыр киһини көрдөөн дьиҥэр аграрнай партиялар олохтоох бастакы сүһүөх тэрилтэлэрэ ыытыахтаах үлэлэринэн дьарыктанан сокуону кэһэн туран утуйар уулара уйгуурда.
Билигин ааҕааччы сыанабылыгар аграрнай партия салалтатын уларытар кэпсэтииттэн бастаан талыллыахтаах саҥа салалтаны өйөөбүт дьону, оттон дьиҥнээх норуот туһатыгар тыл эппит дьон этиилэриттэн быһыта тардыым:
Н.Н.Попов Дьокуускай куораттан делегат, политсовет чилиэнэ, тыа хаһаайыстыбатын министрин бастакы солбуйааччынан үлэлии сылдьыбыт, бу партияны салайа сылдьан партияны кыайан регистрациялаппатах дьиҥнээх буруйдаах бэйэтэ оҥорбут сыыһатын, алҕаһын олоччу көннөрбүт саҥа быыбардаммыт Валерий Николаевичка бэйэтин буруйун түһэрэн тыл эттэ.
Олег Петрович Марков ФАПК Туймаада үлэһитэ делегат:--Директорын А.Г.Васильев автобиографиятын, кини улууска баһылыктаабытын, депутааттыы сылдьыбытын балачча уопутурбутун арбаан кыһаллан-мүһэллэн билиһиннэрдэ.
Алексей Алексеевич Попов аграрнай партия Намнааҕы отделениятын сэкэрэтээрэ, делегат:--А.Г.Васильевка куоластаабатахпытына салалта субсидиябытын биэриэ суоҕа,--диэн делегаттары куттаан дуу, салалтаҕа албыннаһан дуу? ыарахан туруктаах тыа хаһаайыстыбатын үлэһиттэрин таҥнаран тыл эттэ.
Константин Егорович Тимофеев “Агропродукт” генеральнай директора Үөһээ Бүлүүттэн бырабылыанньа чилиэнэ делегат:--Дэриэбинэ дьонун курдук үлэлээтибит. Докуменнары Ефремов ситэтэ суох толордо, регистрацияны кыайан ааспата, диэн В.Н.Ефремов иннинэ үлэлээбит Н.Н.Попов СР аграрнай партиятын салайа олорон оҥорбут алҕаһынан ол алҕастары туораппыт В.Н. Ефремовы сирэй-харах аста, эбиитин бу киһиттэн аһара улаханнык хомойон А.Г.Васильевы таларга, диэн тыл эттэ.
Николай Иванович Алексеев Чолбон СХПК директора:--Үөһээ Бүлүүтээҕи аграрнай партия улуустааҕы сэкэрэтээрэ В.Н.Ефремовы утаран эмиэ салалта туруорбут кандидатын хайҕаан санаатын эттэ.
Влалимир Григорьевич Афанасьев Бүлүүттэн делегат, СХПК менеджерэ:--Үүт харчытын үрдэттилэр, 80 бааһынай грант ылла үчүгэй буолан эрэбит, диэтэ. Норуокка ЕР ПП бу дьыалаҕа дьаһалымсыйар, диигит даҕаны тыа сиригэр аптарытыата төрүт түстэ.
Кини тылын ким да истибэт. Салалтаны утарар олох сатаммат онон А.Г. Васильевка куоластыахха, диэн делегаттары аһаҕастык ыҥырда.
А.Г.Васильев бырабылыанньа чилиэнэ: Мин талылыннахпына партия документациятын бары ирдэбилгэ сөп түбэһэр гына үлэлэһиэм, партия чилиэннэрин эбии киллэриигэ үлэни ыытыам,--диэн ис сүрэҕиттэн эрэннэрдэ.
В.Н.Ефремовы аграрнай партия конференциятынан сокуоннайдык талыллыбыт киһини сокуон бары ирдэбилин тутуһан алта делегат тыл эттэ.
В.Н.Ефремов ЯРО Аграрнай партия Саха сиринээҕи салаатын бэрэссэдээтэлэ Дьокуускай куораттан делегат: Миигин манна РФ аграрнай партия киин кэмитиэтин рекомендациятынан сэтинньи 28 күнээҕи конференциятыгар сокуоннайдык талыллыбытым. Миигин ким да киин кэмитиэт да, маннааҕы аграрнай партия салаата даҕаны дуоһунаспыттан суутунан да, конференцияннан да уһулуохтааҕар дьөрү ханнык да боппуруос турбатаҕа. Минюстиция этиилэрин олоччу толорбуппут. Болдьоҕун аһарбыппытыгар суутунан сэрэтиллибиппит, ыстарааптаммыппыт. Онон регистрациялыыллара эрэ хаалбыта эрээри аны докумены туттарыы болдьоҕун аһардылар, диэн куоһур туттан сокуоннайа суох конфенренция оҥоттордулар. Онон мин бэйэм кандидатурабын бу быыбарга туруорабын.
В.Н.Черноградскай ЯРО ВПП АПР бырабылыанньатын чилиэнэ, делегат:--Конференциянан сокуоннайдык анаммыт киһи баарын үрдүнэн сокуону кэһэн туран мунньахтыыбыт. Муҥ саатар аграрнай партия бырабылыанньатын сэбиэтэ ылыммыт сокуоннай уураахтарын толорботубут. Саха сиригэр тыа сирэ көмүскэллээх буоларыгар, инникитин торумнууругар партияҕа эрэ тирэҕирэн ситиһэр кыахтаах. Партияны тэрийии элбэх үлэни, учуоту хонтуруолу ирдиир, ол үлэлэр бу аҕыйах кэм иһигэр система быһыытынан тэриллэн үлэ саҕаламмытын бары биллигит, көрдүгүт-иһиттигит. Билиҥҥи партия иһигэр буола турар процесс бу үөһээттэн партия ис тутулун уларытыыга, саха дьоно салгыы бэйэтин бэйэтэ салалларын суох оҥоруу.--диэн конференция ыытылларын бырачыастаан олохтоохтук тыл эттэ.
А.Н.Иванов полит сэбиэт чилиэнэ делегат Монреаллааҕы Олимпийскай оонньуулар үрүҥ көмүс призера: Биһиги норуоппут интэриэһин, чиэһин үрдүктүк тутан, норуот интэриэһигэр үлэлиир партияны тэрийиэхтээхпит. Чиновниктарга тобуктуу сылдьар, дьон норуот кыһалҕатын кыайан туруорсубат партияны тоҕо тэрийиэхтээхпитий? Ону бу конференцияҕа сыыһа быһаардахпытына бу партиябыт эмиэ едиинэй курдук чиновниктар партиялара буолуо. Ол инниттэн урут талбыт лиидэрбит ханнык да сокуоннары кэһиини, буруйу оҥорууну таһаарбата ону уларытар сыыһа,--диэн чахчы сиэрдээх тылын иһитиннэрдэ.
Сыромятников И.Д. бырабылыанньа чилиэнэ, Ньурба улууһуттан делегат: 2013 сыл Н.Н.Попов бэрэссэдээтэл этэ. Быыбар кэмигэр харчы бөҕө угуллубута. Ол очуоттаммата. Харчы ханна барда? Ил Түмэн быыбарыттан Николай Николаевич алҕаһынан уһуллубуппут.
Онтон ыла бу кэм устата ким хайдах үлэлээтэ? Н.Н.Попов балыыһаҕа сыппыта. Быыбар үлэтигэр улаханнык кыттыспатаҕа. А.Г.Васильевы быыбар кэмигэр мунньахха, атын тэрээһин үлэлэргэ даҕаны биирдэ да көрбөтөҕүм. Арай быыбар кэмигэр плакакка эрэ баара. Соҕотох В. Н. Ефремов үлэлээн докумеҥҥа баар бары сыыһалары алҕастары туоратта. Ил Түмэн быыбарын кэмигэр 2013 сыл балаҕан ыйыгар партия 2000 чилиэннээҕэ. Аграрнай партия Фелеральнай реестрыгар 2014 сыл саҥатыгар 680 чилиэн баара. Кулун тутар 2015 сыл 1318 чилиэн баар. Партия үлэтин ис туругун бэрээдэктээтэ. Дьону кытары исполком тэрийэн үчүгэй баҕайытык үлэлээтэ. Конференциянан талыллан баран үс ый иһигэр 700 чилиэни эбии партияҕа үүннэрдэ. Тоҕо уонна туох сыыһатын иһин ууратыллан кини дуоһунаһа тугу да гымматах партиятын, норуотун туһугар үлэлээбэтэх киһиэхэ бэриллиэхтээҕий?
Мэҥэ Хаҥалас бааһынайа И.П. Федоров политсовет чилиэнэ делегат:--Бааһынайдар, тыа хаһаайыстыбатын үлэһиттэрин интэриэһин көмүскүүр партия баар буолуохтаах. Тыа сиригэр дьон норуот олоҕо аһара айгыраата. Ол инниттэн сааһын тухары үлэһит киһи кыһалҕатын өйдүүр, туруорсар киһини уларытарга оһуобай кыһалҕа баарын көрбөппүн, Кини партийнай да өттүнэн, гражданин да быһыытынан ханнык да буруйа сэмэтэ суох--диэн В.Н.Ефремов кандидатуратын өйөөн тыл эттэ.
М.А.Протодьяконов ЯРО ВПП АПР исполкомун салайааччыта делегат: -- Олох, үлэ сокуонунан оннооҕор спорт күрэхтэһии быраабыланан салайтарар. Сокуон уонна быраабыла тутуһуллубатаҕына, кэһилиннэҕинэ мөккүөр, ирсээн, туруга суох олох, ыһыллыы-хайдыһыы тахсар. Бу түгэҥҥэ партия тэрээһин үлэтигэр салалта өттүттэн кэлтэччи орооһуулар таҕыстылар. Политическай партиялар дьыалаларыгар былаас орооһуо суохтааҕа.
Партиялаахтар бэйэлэрэ кандидат туруорар бырааптарын былдьаттылар. Минюстиция СС салаата О.В.Романова былаас баҕатын санаатын толорон араас сылтах булан мэһэйдэстэ. Дьиҥинэн барыта суутунан быһаарыллыбыта. Регистрациялыыра эрэ хаалбыта. Былаас өттүттэн атаҕар тура сатыыр партияны бу үһүстээн суулларыы.
Дьыала А.Г. Васильевы талыыга буолбатах, бу ЕР ПП уонна чиновниктар ЯРО ВПП АПР-ны былаас хонноҕун анныгар укта сатааһына. Маны утарбатахпытына дьиҥ тыа сирин олохтоохторун көмүскүүр буолбакка былаас толорор уорганын оҥорон таһаарыы буолуо. Бу дьону кулуттуйууга кубулутуу. Бэйэбит бырааппытын
көмүскүүр, үлэһит киһи интэриэһин туруорсар иһин В.Н.Ефремов туһугар куоластыаҕыҥ.
Ньургун Пинигин Мэҥэ Хаҥалас улууһун мунньаҕын депутата, ЯРО ВПП АПР сэбиэтин бэрэссэдээтэлин солбуйааччы. Мэҥэттэн делегат:--Аграрнай партия аналынан тыа киһитин, норуот кыһалҕатын туруорсар күүстээх буолуохтаах. Биһиги кадр боппуруоһугар аһара мөлтөөтүбүт. Төрүөтэ оҕону оскуолаҕа чиэһинэй, кырдьыксыт буол, диэн үөрэтэбит. Олоххо салалтаны утарыма үрүҥү хара, хараны үрүҥ диэ, диибит. Бүгүн манна эмиэ оннук хартыына көстөр. Ол иһин инники олоҕу сайыннарар кырдьыксыт салайааччылары кыайан ииппэтибит. Салгыы аграрнай партия салалтата уларыйара сыыһатын туһунан тыл эттэ.
Куоластааһын түмүгэр 15х17-ҕэ былааһы өйөөн тыл эппит дьон баһыйан Ил Дархан быһаччы хонтуруолугар сылдьар Туймаада ФАПК салайааччыта А.Г.Васильев аграрнай партия салайааччытынан талылынна. Маны салалта туһатыгар аграрнай партияны үһүстээн суулларыы курдук дьон сыаналаата.
Бастаан А.Н.Жирков салайааччылаах аграрнай партия тэриллэн баран аҕыйах депутааты Ил Түмэҥҥэ таһаарбыта оттон Единэй Россияҕа аграрнай блок быһыытынан холбоһон баран тыа сирин олох да умнан кэбиспитэ. Норуотун тыа хаһаайыстыбатын үлэһиттэрин ыраастык таҥнарбыта.
Иккиһин ааспыт Ил Түмэн быыбарыгар аграрнай партия салайааччыта Н.Н.Попов партийнай дьыаланы билбэт буолан оҥорбут алҕаһынан Ил Түмэн быыбарыттан СР ПП үҥсүүтүнэн уһуллан турар. Ол түмүгэр парламеҥҥа биэс сыл устата тыа сирин интэриэһин көмүскүүр депутат суох.
Үсүһүн эмиэ аграрнай партия урукку лиидэрэ Н.Н.Попов оҥорбут, сокуоҥҥа эппиэттээбэт бытархай алҕастара туоратыллыбытын үрдүнэн ону туһанан бу партияны салалта кытаанах хонтуруолугар киллэрэн, этэр курдук тыа сирин олохтоохторун көмүскүүр партияны чиновниктар бэйэлэрин хармааннарыгар уктубут курдук сананнылар.
Бу конференцияҕа көрүллүөхтээх саха дьонун инники олоҕун дьылҕатын таарыйар иккис сүрүн боппуруос көрүллэрэ бэбиэскэҕэ киирбитэ. Ол Саха сирин территориятыгар химическай собуоттар ханнык да көрүҥүнэрин тутууну утарар уураах таһааран атын партияларга, общественнай тэрилтэлэргэ туһаайан ыҥырыы таһаарыахтаахтара. Ону партия саҥа салалтата биллэр биричиинэнэн бу боппуруоһу көрөрү бириэмэтин биллибэт кэмҥэ көһөрдүлэр. Конференцияҕа химическай собуоттар киһи доруобуйатыгар, айылҕаҕа буортутун туһунан иһитиннэрии оҥоро кэлбит Иван Степановы ФАПК Туймаада охраната А.Г.Васильев дьаһалын толорон аан айаҕыттан
үүрдүлэр. Бу норуот интэриэһин, инники кэскилин таарыйар сүрүн боппуруоһу көрүүнү туох санааттан туораппыттара сэрэйиллэр.
Сыыһабытын алҕаспытын, араас балыыҥкабытын дьоҥҥо кэпсиэхтэрэ,--диэн көҥөннөхтөрө суруналыыстары эмиэ итинник А.Г.Васильев дьаһалынан аан айаҕыттан үүрдүлэр.
Дьиҥэн сэтинньи 28 күнүгэр уонна ахсынньы 24 күннэригэр 2014 сыллаахха аграрнай партия саха сиринээҕи салаата бэйэтин конференциятынан В.Н.Ефремовы бэрэссэдээтэлинэн уонна саҥа сэбиэт састаабын, ревизионнай хамыыһыйаны талбыттара. Республика баһылыга Е.А.Борисов бу талаллыбыт дьон испииһэгин көрөн баран админстрациятын уонна тыа хаһаайыстыбатын министрин “хонтуруоллаабатаххыт”,--диэн мөҕөн, сэмэлээн бу салалтаны устан партияны былаас илиитигэр былдьаан ыларга сорудах биэрэр. Онно тутуһар төрүөтүнэн саҥа талыллыбыт бэрэссэдээтэл минюст управлениятыгар саҥа салайааччы буолбутун туоһулуур докумуону уонна сайабылыанньаны биэрии болдьоҕун хойутатан тиксэрбитэ буолбут.
Партия бастакы лиидэрэ бэйэтин иннинээҕи лиидэр туох баар алҕастарын туораппытын, ыстарааптаммыттарын үрдүнэн үс ыйга регистрациялыыры тохтоторго быһаарыы таһаарар. Ол кэмҥэ Москваҕа хаста да тиийэн тыа хаһаайыстыбатын министрэ А.Е.Артьемев, Ил Дархан админстрациятын баһылыга Ю.С.Куприянов кэлин Ил Дархан Е.А.Борисов илэ бэйэтинэн кириэмилтэн өйөбүл көрдөөн аграрнай партия киин сэбиэтин бэрэссэдээтэлин О.В. Басмачникованы кытта көрсөн саха сиригэр уочарата суох конференцияны ыытттарарга уонна бэйэлэрин киһилэрин А.Г.Васильевы туруорарга кэпсэтии, туруорсуу бөҕөтүн ыыттылар.
Ол түмүгэр “Устранение замечаний минюста”,--диэн бэбиэскэлээх уочарата суох конференция ыыттарарга дьаһал уонна “Соглосовать кандидатуру А.Г.Васильева наделить полномиями председателя ЯРО ВВП АПР”,--диэн быһаарыыны О.В.Башмачникованан ыыттараллар. Манна партия устаабын быһыытынан бастакы сүһүөх тэрилтэлэрэ даҕаны, бырабылыанньата, сэбиэтэ, бастакы сүһүөх тэрилтэлэрэ даҕаны бу кандидатураны туруорбатахтара.
Маннык сокуону бардырҕаччы кэһиилээх норуоту балыйыылаах, атаҕастааһыннаах, сэнээһиннээх, быыбардары норуот хайдах сыаналыырый? Итиччэтигэр күндү ааҕааччыам бу А.Г.Васильев дьиҥнээх тыа сирин дьонун партиятын итэҕэлин ылыа дуо?
Тыа сириттэн тахсыбыт аграрнай партия чилиэттэрэ бэйэлэрин партияларын, бааһынайдар бэйэлэрин салайааччыларын ханнык да харчыга, көмүскэ, солотуулаах солоҕо атыылаабатылар, атастаспатылар. Мин биир бэйэм олус күүстээх обработканы барбыт бу талыллыбыт отут биэс делегат “Ураа”,--хаһыытаабытынан үгэһинэн сүүс бырыһыан салалта эппит киһитигэр куоластыа, дии санаабытым.
Бу конференцияҕа киһи астына көрөрө дьон-сэргэ уһуктан утары саҥарар, бэйэтин санаатын, дьон-сэргэ кыһалҕатын этэр буолан эрэрэ чаҕылхайдык көһүннэ. Бэл дуоһунастаах дьон салалтаны утары саҥарар буолбуттарын истэн үөрдүм. Ити аата норуот мөлтөх туруктаах олоҕун чэпчэтиэн баҕалаах дьон баар буолан эрэллэр. Дьон көҥүл санаалаах, айар-тутар көҥүл өйдөөх буолуохтаах. Салалта сүрүн соруга ону сайыннарыыга үлэлиэхтээх. Былааһы былдьаабыт курдук сананнылар эрээри хотторууга тэҥнээх кыайыы буолла. Ити бу конфенренция сүрүн кыайыыта. Бар дьонум аграрнай партия тула өссө күүскэ түмсүөҕүҥ. Салалта алҕастарын ыйар биир сомоҕо күүс төһөнөн элбиир, улаатар да биһиги кыайыыбыт, төрүт олохтоох үлэһит дьон олоххо инники сайдыыбыт төрдө ол буолуо.
Арамаан Дьөгүөрэп
|
|
Category: Политика.Митинги. Пикеты. Партии |
Views: 1398 |
Added by: uhhan1
|
|
|
| Ааҕыылар |
Баар бары (online): 98 Ыалдьыттар (гостей): 98 Кыттааччылар (пользователей): 0 |
|
