Бу сир талбата (меню)
News topics
Политика.Митинги. Пикеты. Партии [781]
Мысли. Думы.Мнения, обсуждения, реплика, предложения [146]
Суд-закон.МВД.Криминал [1061]
Право, закон [226]
Экономика и СЭР [701]
Власть Правительство Ил Тумэн [906]
Мэрия, районы, муниципалитеты [319]
Мега пректы, планы , схемы ,программы. ВОСТО [135]
Сельское хозяйство,Продовольствие. Охота и рыбалка [425]
Энергетика, связь, строительство.транспорт, дороги [106]
Коррупция [744]
Банк Деньги Кредиты Ипотека Бизнес и торговля. Предпринимательство [201]
Социалка, пенсия, жилье [230]
ЖКХ, строительство [121]
Образование и наука. Школа. Детсад [185]
Люди. Человек. Народ. Общество [113]
АЛРОСА, Алмаз. Золото. Драгмет. [577]
Алмазы Анабара [156]
http://alanab.ykt.ru//
Земля. Недра [209]
Экология. Природа. Стихия.Огонь.Вода [281]
СМИ, Сайты, Форумы. Газеты ТВ [89]
Промышленность [42]
Нефтегаз [222]
Нац. вопрос [242]
Соцпроф, Совет МО, Общ. организации [63]
Дьикти. О невероятном [159]
Выборы [581]
Айыы үөрэҕэ [6]
Хоһооннор [5]
Ырыа-тойук [16]
Ыһыах, олоҥхо [73]
Култуура, итэҕэл, искусство [313]
История, философия [155]
Тюрки [75]
Саха [102]
литература [29]
здоровье [359]
Юмор, сатира, критика [11]
Реклама [6]
Спорт [117]
В мире [75]
Слухи [25]
Эрнст Березкин [88]
Моё дело [109]
Геннадий Федоров [11]
Main » 2016 » Балаҕан ыйа » 17 » Саха Копернига
Саха Копернига
09:32
Саха Копернига

1543 с. Нюрнберга Польша астронома, механига, математига, экономиһа Николай Коперник «Халлаан сфералара эргийиилэрин туһунан» (лат. De revolutionibus orbium coelestium) диэн кинигэтэ бэчээттэнэн тахсыбыта. Кини орто үйэлэрдээҕи күн, ый, сулустар сири тула эргийэллэр диэн былыргы таҥара үөрэҕин төрдүттэн утарбыта. Бу кинигэ билим бастакы өрөбөлүүссүйэтин оҥорбута диэн билиниллэр.
Ойуун инженериятын үһүс кинигэтэ

Ааспыт нэдиэлэҕэ Новосибирскайга сылдьан, Саха сиригэр да, Новосибирскайга да киэҥник биллэр биир дойдулаахпытын, атомщик учуонай И.Е. Максимовтыын Новосибирскайдааҕы университекка буолбут “Доруобай буоларга кыһалын” (Постарайся быть здоровым) диэн Сибиир ойууна, норуот эмчитэ А.Герасимов, культурология дуоктара, профессор В.Ромм уонна биһиги эмиэ биир биллиилээх киһибит, философия билимин хандьытаата В.И. Оконешников суруйбут үһүс кинигэлэрин сүрэхтэниитигэр сырыттыбыт. Бу үс ааптардар ойуун инженериятын туһунан номнуо үһс кинигэлэрин суруйан таһаардылар. Бу кинигэлэринэн “Ойууннааһын инженерията” диэн серия олохтообуттар.

Бастакы кинигэлэрэ “Ойууннааһын инженерията” (Инженерия шаманизма) икки сыллааҕыта тахсан, соҕуруу билим эйгэтигэр улахан сенсация буолбут. Иккис кинигэлэрэ “Кыаллыбаты эмтээһин” (“Лечение невозможного”) диэн 2015 с. тахсыбыта. Саҥа кинигэ бастакы сµрэхтэниитэ Красноярскайга буолбут. Сµрэхтэниини Красноярскай кыраай баһылыгын В.Толоконскай кэргэнэ, медицина билимин дуоктара, академик В.П. Казначеев үөрэнээччитэ, Красноярскайдааҕы “Киһи института” региональнай уопсастыбаннай тэрилтэ салайааччыта Н.Толоконская иилээн-саҕалаан ыыппыт. Кинигэ ааптардара Красноярскай губернаторын дьиэтигэр түһэн күндүлэнэн-мааныланан сылдьыбыттар.

Кинигэ сүрэхтэниитэ атырдьах ыйын 31 кµнµгэр “Киһи институтун” саҥа киэҥ-куоҥ дьиэтигэр “Возможности саморегуляции организма” диэн кэмпириэнсийэ кэмигэр тэриллибит. Толоконская 30 киһилээх анал бөлөҕү тэрийэн бэйэлэринэн кэлэн биэрбит ойууттарынан диагноз туруортаран, эмтэтэн кыахтарын биир нэдиэлэ устата үлэлэтэн чинчийбит. Ол туһунан кини “Казначеевские чтения” диэн билим үлэлэрин хомуурунньугун 2016 с. үһүс нүөмэригэр: “Целую неделю шли консультации и приёмы пациентов Василием Ивановичем. 31 августа в помещении красноярского центра РОО «Институт Человека» прошла конференция. В рамках неё состоялась презентация третьей книги серии «Инженерия шаманизма».

Название книги «Постарайся быть здоровым» напрямую соответствовало теме конференции. На заседаниях выступали Н.П. Толоконская, В.В Ромм, В.И. Оконешников и многочисленные пациенты, прошедшие диагностику и лечение у якутского целителя. Сказать, что практические занятия и сама конференция понравились, значит — ничего не сказать. Встречи, консультации, диагностика и лечение, материалы книг перевернули представление участников о современной науке, о способностях народных целителей и шаманов, о возможностях человеческого организа в саморегуляции здоровья”, - диэн суруйар. Саҥа кинигэ Новосибирскайга сүрэхтэниитигэр В.Ромм “биһиги ыксаабаппыт, үлэбитин кэҥэтэн, оҥорон иһиэхпит. Бу уруккута билим сымыйаргыыр, киэр илгэр эйгэтигэр киирэн истэххэ, букатын ураты өй-санаа, билии арыллар. Копернигы кинигэтин кэнниттэн 400 сыл өйдөөбөтөхтөрө. Билигин билим сайдыылаах, онон биһигини 100 сылынан өйдүөхтэрэ” диэн бу үлэ далааһына кэҥээн иһэрин биллэрдэ.

Ити этэрэ оруннаах. Бу дьон үһүөн Аан дойдутааҕы Славянскай академия академиктара. Билигин Арассыыйа, нуучча омук аан дойдуга тахсарга бэйэтин ураты суолун-ииһин көрдүүр кэмэ. Кинигэ сүрэхтэниитин биллиилээх академик В.П. Казначеев уола Аан дойдутааҕы Славянскай академия Арҕаа Сибиирдээҕи салаатын бэрэсидьиэнэ, медицина билимин дуоктара,
профессор С.В. Казначеев тус бэйэтинэн да кэлэн ыыппыта элбэҕи этэр. В.Ромм бастакы кинигэбитин ойууттар эрэ интэриэһиргээбэтэхтэрэ, физиктэр ортолоругар эмиэ улахан сэҥээрии тахсыбыта диэн кэпсээтэ. Саха сиригэр, Новосибирскайга, Барнаулга, Томскайга, Бийскайга Новосибирскай академгородогун учуонайдара кыттыылаах көрсүһүүлэр, кэмпириэнсийэлэр ыытыллыбыттар.

Ити кинигэҕэ бэчээттэммит физик үөрэхтээх Оконешников ойуун көрүүтүгэр олоҕурбут аныгы билим тылынан эҥкилэ суох быһаарыллар, ханан да “тэстибэт” систиэмэлээх гипотезата билиҥҥи баар ядернай физика өйдөбүлүн барытын түөрэ тоҕо тэбэн таһаарар. Ойуун инженерията ядернай физиканы эрэ хаппат, тула өттүттэн астрономия, астрофизика, медицина уо.д.а билимнэринэн хайыҥ охсунар.

Профессор Ромм бу кинигэлэртэн саҕалаан, ойуун инженериятын сабаҕалааһыннарын боруобалыырга, бэрэбиэркэлииргэ, инструментальнай чинчийиилэри оҥоруу боппуруоһа таҕыста диэтэ. Ол аата биһиги Оконешниковпыт аан дойду айыллыытын, тутулун көрүүтэ аныгы билим өссө үрдүк таһымҥа таһаарар, киһи аймах атом кистэлэҥэр киириитин өссө дириҥэтэр. Боростуой дьон, оскуолаҕа, үрдүк үөрэххэ үөрэппиппит таһымынан, атомтан, электронтан ордук кыра баарын билбэппит, өйдүү сатыырга да уустук курдук. Оттон аан дойду айыллыытын кистэлэҥин билэргэ аныгы билим, аан дойду судаарыстыбалара улахан интэриэстээхтэр.

Инньэ гынан, 1960 с. Англия П.Хиггс диэн учуонайа сабаҕалаабыт, билиҥҥитэ саамай кыра, Таҥара частицата диэн ааттанар бозону көрөөрү аан дойду барыта кыттыһан, 3,2-6,4 млрд дуоллар икки ардынан сыаналаах адроннай коллайдеры туппуттара. Онтуктара да ити таһымҥа туох буоларын көрөргө-билэргэ ситэтэ суох диэн, салгыы супер коллайдеры тутаары харчы көрдүү сылдьаллар. Ромм этэринэн Оконешников түөрүйэтин чахчыта, бэл аҕыйах бырыһыана да дакаастанаҕына, билиҥҥи билим аан дойдуну, куйаары көрүүтүн үгүс өттө түөрэ эргийэн уларыйыан, киһи үөйбэтэх-ахтыбатах, олох фантастическай технологиялара аан дойду олоҕор киириэхтэрин сөп.
Олоҥхо уонна ядернай физика Омос көрүүгэ ити этиллибити киһи итэҕэйиэ суоҕун курдук.

Сорох хой баһын туойуу, сахаҕа сыһыана суох диэн сөп. Ол эрээри, Оконешников ити аан дойду устун киэҥник атыллаан баран эрэр түөрүйэтэ олоҥхобут кистэлэҥин арыйарынан, сахалар биир улахан киэн туттуубут буолара саарбаҕа суох. Ааптардар кинигэҕэ “В инженерии шаманизма” была представлена предположительная модель Мироздания в шаманском видении. Эти глубинные знания тысячелетиями передавались в устной манере от шамана к шаману, были заложены в якутском героическом эпосе “Олонхо...Они обобщены и поэтически зашифрованы” диэн суруйбуттар.

Олоҥхобутугар саха дьоно түһээн да баттаппатах ядернай физикабытын сайыннарар кыах саһа сылдьыбыт буолан тахсар. Былыргы дьыллар мындааларын уҥуоргу өттүгэр кистэммит үөрэхпитин Оконешников өһүлэн омук учуонайдара билиниилэригэр таһаарбыта норуоппут сөҕүмэр ситиһиитэ буолара чахчы. Ким да шарлатаннааһын, хойгур тойук диэбэт. Өссө ыйытыаҕы баҕарыллар - ханнык атын омуктар эпостарыгар аан дойду, куйаар айыллыыта, тутула поэзия тылынан кистэнэ сылдьарый?

Профессор киһи ити биһиги истэ үөрэммит, улахан суолта уурбат “тҕус хаттыгастаах халлааммытыгар олоҕуран: “Мироздание имеет девятинебесное строение. Это мы называем Универсум... если считать по всем 9 небесам, только обычных вселенных 10845. Весь этот Универсум построен Творцом на единой жесткой криссталической решетке - Эфире” диэн кэпсии турарын, аудиторияҕа мустубут Новосибирскай учуонай аймаҕын бэрэстэбиитэллэрэ сэҥээрэн истэ олороллоруттан сахаҕынан чахчы киэн туттан бараҕын. Билимҥэ төнүннэххэ, сыыстарбат буоллахпына, билиҥҥитэ аныгы билим харах ыларынан көстөр биир вселеннайы билинэр. Оттон соторутааҕыта үөскээбит квантовай физика “струналарын түөрүйэтэ” 10500 вселеннай баар диир.

Билиҥҥитэ билим куйаар туһунан чуолкай көрүүтэ суох. Эппиэт “0” уонна “бесконечность” икки ардыгар сытар дииргэ тиийиллэр. Универсум киэҥ киэлитин иһигэр туран анаардахха, Айбыт Айыыларбыт хайдахтаах курдук соҕүмэр дириҥ билиилэрэ олоҥхобутугар кистэнэ сылдьар эбитий диэн чахчы сөҕөҕүн. Онон Оконешников олоҥхо төрдүн сыыппаранан хасыһан, киһи көрбөтүн мэйиитин күүһүнэн арыйан “тус хаттыгастаах халлааммытын” аныгы билим туонатын саҥа түөрүйэтэ оҥорон сааһылаан таһаарбыта бэйэтэ айылҕа, олох дьиктитэ.

Кини түөрүйэтин Славянскай академия ылынан аан дойду билимин таһымыгар таһаарар күүс буолбута улахан кэрэхсэбиллээх. Олоҥхоҕо сүдү күүс кистэнэ сылдьар диэн улуу өйдөөхтөрбүт былыр-былыргыттан этэллэрин билэбит. Кэнэҕэскитин кини түөрүйэтэ дакаастанан, билим билниитигэр киирдэҕинэ кэлэр көлүөнэлэр “Василий Иванович Оконешников олоҥхо биир улахан кистэлэҥин аныгы билим тылынан саҥардан норуотугар туоҕунан да кэмнэммэт сөҕүмэр улахан үтүөнµ оҥорбута” диэн суруйуохтара. Олоҥхобутун аан дойдуга таһаарыахха диибит.

Ол эрээри омуктары күүспүтүнэн күһэйэн кэнсиэргэ көрдөрөн таһаарбаппыт. Фольклор ханна баҕарар баар, ким да өйдүө суоҕа, Африкаҕа негрдар үҥкүүлэрин, ырыаларын үйэбитигэр өйдөөбөппүт курдук. Олоҥхо саханы аатырдыан сөп, өскөтүн Оконешников курдук өһүлэн, кистэлэҥнэрин биир-биир таһааран истэхпитинэ.

Сахатон - олох төрдө

Олоҥхону ядернай физика таһымынан ааҕан, Оконешников билиҥҥи атом тутулун түөрүйэтин төрдүттэн уларытар. Протоннары, нейтроннары, электроннары, барионнары сотон, өссө нуучча улуу учуонайа Д.И. Менделеев тыыннааҕар өтө көрөн эппит “ньютонийын” киллэрэр. Ньютонийы Оконешников тоҕус кварк-антикварк пааралартан турар диэн этэр, итилэр эргийэр орбиталарын быһааран көрдөрөр.

Учуонай дьон этэринэн, ити биир өттүнэн атом тутулун өйдөөһүнү судургутутар курдук эрээри, үлэтин көрүүнү уустугурдар. Водород атомын үөскэҕэ (ядрота) Оконешниковынан 729 ньютонийтан турар. Бу атом үөскэҕин универсальнай единицата. Кини бу единицатын Сахатон диэн ааттыыр. Оконешников саҥа гипотезатын туһунан биир дойдулаахпыт атомщик учуонай И.Е. Максимов маннык суруйар: “Разработка уникальна своей дерзостью ломки общепринятых представлений, научной обоснованностью новой модели Мироздания и смелостью приложения к практике исцеления. Я решил выразить свое восприятие этой, поистине сумашедшей попытки земляка в меру своего понимания и в ракурсе научно-популярного толкования технаря.

Из истории штурма тайн атома вспомнил слова Нильса Бора по поводу выдвижения “принципа неопределенности” Вернера Гейзенберга (1927) Он сказал: “Это, конечно, сумашедшая теория. Однако она недостаточно сумашедшая для того чтобы быть правильной теорией”. Эти слова можно отнести к теории В.Оконешникова.

Ее “сумашествие” состоит в том, что в предложенной модели ум и память выводится буквально за пределами мозга – “костяной коробки” (как вразился А.Е. Кулаковский) и эту теорию мало кто понимает. Но все деликатно притворяются, что понимают. Некоторые оппоненты на этом уровне даже отвергают”.
Технология, билим сайдыытынан, ойуун инженериятыгар ахтыллар то±ус кварк-антикварк паараттан турар ньютонийи көрөр прибор 50 сылынан айыллыан сөп эбит.

(Салгыыта бэчээттэниэ) Владимир Степанов. Кыым. 15.09.16
 
Category: История, философия | Views: 570 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Балаҕан ыйа 2016  »
БнОпСэЧпБтСбБс
   1234
567891011
12131415161718
19202122232425
2627282930
Көрдөө (поиск)
Атын сирдэр
Ааҕыылар

Баар бары (online): 8
Ыалдьыттар (гостей): 8
Кыттааччылар (пользователей): 0
Copyright Uhhan © 2018