| News topics |
|
Политика.Митинги. Пикеты. Партии [903]
|
|
Мысли. Думы.Мнения, обсуждения, реплика, предложения [263]
|
|
Суд-закон.МВД.Криминал [1283]
|
|
Право, закон [323]
|
|
Экономика и СЭР [840]
|
|
Власть Правительство Ил Тумэн [1208]
|
|
Мэрия, районы, муниципалитеты [400]
|
|
Мега пректы, планы , схемы ,программы. ВОСТО [215]
|
|
Сельское хозяйство,Продовольствие. Охота и рыбалка [559]
|
|
Энергетика, связь, строительство.транспорт, дороги [156]
|
|
Коррупция [863]
|
|
Банк Деньги Кредиты Ипотека Бизнес и торговля. Предпринимательство [294]
|
|
Социалка, пенсия, жилье [277]
|
|
ЖКХ, строительство [133]
|
|
Образование и наука. Школа. Детсад [216]
|
|
Люди. Человек. Народ. Общество [229]
|
|
АЛРОСА, Алмаз. Золото. Драгмет. [672]
|
|
Алмазы Анабара [161]
http://alanab.ykt.ru//
|
|
Земля. Недра [241]
|
|
Экология. Природа. Стихия.Огонь.Вода [381]
|
|
СМИ, Сайты, Форумы. Газеты ТВ [160]
|
|
Промышленность [43]
|
|
Нефтегаз [285]
|
|
Нац. вопрос [285]
|
|
Соцпроф, Совет МО, Общ. организации [65]
|
|
Дьикти. О невероятном [183]
|
|
Выборы [661]
|
|
Айыы үөрэҕэ [137]
|
|
Хоһооннор [5]
|
|
Ырыа-тойук [23]
|
|
Ыһыах, олоҥхо [109]
|
|
Култуура, итэҕэл, искусство [373]
|
|
История, философия [249]
|
|
Тюрки [76]
|
|
Саха [167]
|
|
литература [45]
|
|
здоровье [469]
|
|
Юмор, сатира, критика [14]
|
|
Реклама [7]
|
|
Спорт [123]
|
|
В мире [86]
|
|
Слухи [25]
|
|
Эрнст Березкин [88]
|
|
Моё дело [109]
|
|
Геннадий Федоров [11]
|
|
BingHan [4]
|
|
|
Main » 2026 » Кулун тутар » 28 » АҺАҔАС СУРУК. Айсен Сергеевич, Олег Олегович !
АҺАҔАС СУРУК. Айсен Сергеевич, Олег Олегович ! | 16:55 |
АҔА БАҺЫЛЫК А.С.НИКОЛАЕВКА УОННА
ТЕЛЕВИДЕНИЕ ТОЙОНО О.О. МАРКОВКА
БАР-ДЬОН ХАҺЫАТА “ТУЙМААДА” НӨҤҮӨ
АҺАҔАС СУРУК.
Айсен Сергеевич, Олег Олегович !
Сакаасчыт уонна ону толорооччу ааттарыгар үгүс түгэнтэн үс суолга эһиги болҕомтоҕутун тардарга холонобун.
БАСТАКЫТА. Телевизорга “АЛРОСА” хампаанньа айылҕаны “харыстыырын” туһунан үүнэ-тэһиинэ суох нүдьү - балай салгымтыалаах арбааһыны хаһыс да ыйын ыыта олороҕут. Бүлүүгэ балык ыаматын ыытар, өрүһү киртиппэт үһү. Тоҕо балык ыаматын ыытарый, онно балык эһиннэ дуо? Соторутааҕыта соҕус Бүлүүгэ балык дэлэйин дакаастыыр курдук этигит. Ууну ыраастатыҥ, оччоҕо Улуу Өлүөнэ, эһигинэ да суох, маанылаах балтыгар - Бүлүүгэ балык арааһын өрө таһааран үөскэтиэ. Билигин Өлүөнэттэн Бүлүүгэ тахса сатыыр балык уутун сирэн төннө турар, ону өйдүүр улахан уустуга суох.
ИККИҺЭ. Бастыҥ ханаалбытыгар ас арааһын астыыры салгыбакка көрдөрөҕүт, түмүгэр “минньигэстик аһааҥ!” диэн буолар. Бу көрдөрөн туран дьону күлүү-элэк гыныы. Биирдэ эмэ маҕаһыыҥҥа, рынокка сылдьыҥ эрэ. Саҥа дьыл иннигэр чыыр балык киилэтэ 1200 солкуобайга тиийэ сырытта, 25 тыһыынча сыаналаах соҕотох тууччах өрө анньыллан турар, ону биир ыйдаах пенсиянан кыайан ылбаккын. Убаһа быара, харта, хаан биир оннук. Эт, арыы сыаната төһө үрдээбитин, муҥ саатар, чаҕардаргытын ыытан билиһиннэриҥ, кэпсээннэрин истиҥ, ол эрэ кэнниттэн “минньигэстик аһыырга” ыҥырыҥ.
ҮСҮҺЭ. Син киһи көрүөх айылаах сорох биэриилэри көрө олордоххуна “Үтээн кэпсээнэ” быһан кэбиһэрэ ыраатта. Булчуттар биир сайын устата 47 тайаҕы, 6 эһэни бултаабыттарын кэпсииллэр. Сайын. Саатар күһүн, эбэтэр кыһын да буолбатах. Итини итэҕэйэр киһи баара буолуо дуо? Орто холуочук, чанчарык тас таҥас, бэргэһэ, сирэй-харах. Биир бөтөстөрө этэрбэһин астаах остуолларын үрдүгэр тутар-хабар. Үүтээни бырылаччы оттон баран суунан-тараанан, тас таҥаһы устан дьоһуннук олорон аһыыр үгэс баара, урукку булчуттарга. Ити – үүтээҥҥэ, аһыыр остуолга туспа ытыктабыл, сиэр-туом бэлиэтэ буолара урут. Этэрбэһи ас үрдүгэр салыбыраппаттара, чэнчистэрэ.
ТҮМҮККЭ
Маннык биэриилэр кимиэхэ аналлаахтара, тугу туһалыыллара буолла? Маны биирдэ эрэ элэс көрдөрөн ааһыы буолбатах, бу - сыҥалыы-сыҥалыы, атын биэриилэри быһан, күүһүлээн туран дьоҥҥо тиэрдэ сатааһын, бэйэ дьонун сэнээһин, туохха да уурбат буолуу муҥутуур көстүүтэ. Маннык быһыы бары араҥаҕа, ол иһигэр былааска, кулуттуйуу (нууччалыыта – холуйства) көрүҥүн быһыытынан дириҥник киирбитин туоһута буолбатах дуо? Манна сакааһы биэрээччи уонна ону толорооччу норуот иннигэр эппиэтинэскитин умнуо суохтааххыт. Омсолоох быһыы наһаа элбээтэ, олортон муҥ саатар бу үс ахтыллыбыты дьон туһугар туоратаргытыгар этии киллэрэбин. Норуот эһиэхэ туох да куһаҕаны оҥорбот, төттөрүтүн моонньугар сүгэр, тус дохуоккутун үрдэтэр, ол иһин эһиги өттүгүтүттэн үтүө харда баар буолуохтаах.
Дьокуускай куорат кырдьаҕас олохтооҕо Иван Бурцев.
Тохсунньу 9 күнэ, 2021 с.
ЭБЭН ЭТИИ: Бу суруйуу “Туймаадаҕа” бэчээттэммитэ 5 сыл кэриҥэ буолла. Ол кэннэ туох эмэ уларыйыы таҕыста дуо? “Үүтээн кэпсээнэ” аҕыйахтык тахсар, бэйэ бодотун тардыннылар курдук: этэрбэстэринэн астаах остуолларын үрдүнэн далбаатамматтар; Балык ыаматын, ороскуотун кэрэйбэккэ, өрүскэ ыыталлара хаһыакка да, тэлэбиисэргэ да көстөр. Арай Бүлүүгэ балык элбээбэт, уутун сирэр быһыылаах; “Минньигэстик аһааҥ!” биэрии өссө сатайда. Олохпут хаачыстыбата тупсубутун туоһулуур дьүһүммүт быһыылаах. Ас сыаната ол кэмтэн хас эмэ төгүл үрдээбитин, үрдүү турарын санаан ылыахха баара. Баһаарга таба тыла 4 тыһыынчаҕа атыыланар. Атыны этэ да барбаппын. Тыа сиригэр маҕаһыынтан анал тэтэрээккэ суруйан аһы иэс ылаллара билигин да баарын кэпсииллэр. Ити кыһалҕа тохтообутун эрэ кэннэ тэлэбиисэргэ тахсан дэлэй аһы астыахха сөбө. Оччоҕо эрэ сакаасчыт да, ону толорооччу да суобаһа чөл буолуо этэ.
Иван БУРЦЕВ. Кулун тутар 28 күнэ, 2026 с.
|
|
Category: Политика.Митинги. Пикеты. Партии |
Views: 28 |
Added by: uhhan1
|
|
|
| Ааҕыылар |
Баар бары (online): 8 Ыалдьыттар (гостей): 8 Кыттааччылар (пользователей): 0 |
|
