|
|
Main » 2009 » Кулун тутар » 24 » Сааскы санаалар
Сааскы санаалар | 13:53 |
Уххан
(Сааскы санаалар.)
Саас кэллэ
Саас кэллэ,
эппэр-сииммэр
саас эбилиннэ.Саас кэллэ,
санныбар өссө биир
хаар уулла.
Саас кэллэ,
аламай күнүм
арылы сырдыгарСаас кэллэ,
Аҕа Халлаан
айар тыыныгар
Саас кэллэ,
сүрэхпэр иэйии
имэҥирэ иитиллэр.
Саас кэллэ,
дууһабар санаа
дьалыҥыра тыллар.
Саас кэллэ,
тоҥмут ирэр,
утуйбут уһуктар
Саас кэллэ,
Туох барыта
үүнэр, үөскүүр
Саас кэллэ,
Айылҕа тыынар тыына
илэ дьэ тиллэр
Саас кэллэ,
Саас кэллэ…
Сааһын куруук тылла
Сааһын куруук тылла
Саҥалыы көрүҥ олоҕу,
Хоһуттан, саҥаттан табылла,
Кэхтибэт кэрэттэн саҕылла!
Сааскы санаа арылхай
Харах саатар чаҕылхай.
Үөрэ-көтө уулла мичилийэ
Сүттэ кыһыммыт мэлийэ.
Ууллар хаарым күлүм-аллар
Тула өттүм мичик-аллай.
Сыккыс уута сыһыгырыыр,
Күрүлгэн күлэн күһүгүрүүр.
Хайдах үөрүөм суоҕай?!
Харалдьыкка ньургуһун,
Харахтарбар мандар уруһуй,
Хампа күөҕүнэн уунар уруй!
****
Көрүүй ол барахсаны..
Көрүүй ол барахсаны,
Чооруос чобуоххайбыт
Кыһыл туоһахта төбөтүн
Кылахачыта чуочайбыт.
Туллук үөрэ туругурбут
Үрүҥ көмүс солотуу
Үргүөрүнэн үөрдээри
Үөрдүһэн үөмэхтэспит.
Халлааҥҥа хара тураах
Хааҕыргыыра да хайҕаллаах.
Сахсырҕа да сааҕыныыра
Саныахха кытта астык.
***
Саас эйигин саҥаттан айда!
Күн күлэр, Сир ийэ иэрийэр
Таммах түһэр, чопчу мичилийэр,
Чалбах эмиэ күлэр
Элэккэй-эйэҕэстэй!
Сайан киирэр сайаҕастай
Сааскытыйыы саймаархай
Амарах дууһа аһаҕастай
Дуоһуйар сүрэх аламаҕай.
Күн иэдэспин сыллыыр
Хатыҥҥа ымыы ыллыыр
Хайдах үөрүөм суоҕай?!
Харалдьыктаах халдьаайыбар
Сааскы тиллии салаллан
Сайан тийэн кэлбититтэн!
Сааһын куруук тылла
Саҥалыы көрүҥ олоҕу!
Сааһын куруук тиллэ
Саҥалыы тыллыҥ олоххо!
Сааһы кытта тэҥҥэ тиллэ
Сайдар санаа кэллэ илэ.
Тыллыҥ, үүнүҥ сайда!
Саас эйигин, саҥаттан айда!
|
|
Views: 712 |
Added by: uhhan
| Rating: 0.0/0 | |
| Total comments: 3 | |
0  
СААС Саас тургэн тэтиминэн, Эдэрдии, тыынар-тыллар, Элэктиир, кулэр-уерэр. «Эккирэт!»,- диирдии суурэр. Кун тыгара кэрэтин! Саас кэлэрэ уеруутун! Халлаан куех ырааhыгар,
Куерэйэ кетер - дьол!
Кун сылаас суhумугар,
Куустаран, ирэр - дьол!
Кун тыгара кэрэтин!
Саас кэлэрэ уеруутун! Саас аайы сацаттан
Ньургуhуну керебун.
Саас аайы сацаттан
Олох кэрэтин ейдуубун.
Кун тыгара кэрэтин!
Саас кэлэрэ уеруутун! |
0 1
Убейсобакин (2009-03-24 00:39)
Сайтик сделан очень профессионально, и легко им пользоватся. То, что мне нужно. И многим другим. Респект!
|
|
|
|
|
|
| Ааҕыылар |
Баар бары (online): 14 Ыалдьыттар (гостей): 14 Кыттааччылар (пользователей): 0 |
|
