«Мантан инньэ улуус баһылыктара, дьаһалталар салайааччылара тыа хаһаайыстыбатын проблемаларын быһаарыыга көхтөөхтүк, дьайыылаахтык кыттыахта - 16 Декабря 2010

Main » 2010 » Ахсынньы » 16 » «Мантан инньэ улуус баһылыктара, дьаһалталар салайааччылара тыа хаһаайыстыбатын проблемаларын быһаарыыга көхтөөхтүк, дьайыылаахтык кыттыахта

«Мантан инньэ улуус баһылыктара, дьаһалталар салайааччылара тыа хаһаайыстыбатын проблемаларын быһаарыыга көхтөөхтүк, дьайыылаахтык кыттыахта	19:18
Тыа хаһаайыстыбатын өйөбүлүгэр сорох государственнай боломуочуйалар олохтоох бэйэни салайыныы органнарыгар бэриллиэ 16.12.2010 13:28 \| Автор: Кыым.ру \| Ахсынньы 15 күнүгэр Ил Түмэн XXIII уочараттаах пленарнай мунньаҕар депутаттар «Тыа хаһаайыстыбатын өйөбүлүгэр сорох государственнай боломуочуйалары Саха Республикатын муниципальнай оройуоннарын уонна куораттааҕы уокуруктарын олохтоох бэйэни салайыныы органнарыгар биэрии туһунан» сокуону бүтэһиктээх ааҕыыга ылыннылар. Ил Түмэн депутаттарыгар Саха сирин бырабыытылыстыбатын вице- премьера Айаал Степанов уонна Ил Түмэн аграрнай политикаҕа уонна тыа сиригэр кэмитиэтин бэрэссэдээтэлэ Дмитрий Наумов дакылааттаатылар. Айаал Степанов этэринэн, бу докумуон республика президенэ Егор Борисов Ил Түмэҥҥэ туһаайбыт анал этиитин олоххо киллэрии чэрчитинэн Саха сиригэр тыа хаһаайыстыбатын сайыннарыыга уонна өйөөһүҥҥэ туһуланан оҥоһулунна. Сокуон ылылыннаҕына, боломуочуйалар 2011 сыл тохсунньутун 1 күнүттэн республика түөрт муниципальнай тэриллиилэригэр, 2012 сыл тохсунньутун 1 күнүттэн онтон атын муниципальнай тэриллиилэргэ барыларыгар бэриллиэхтэрэ. Сыл аайы Саха сирин бырабыыталыстыбатынан уочараттаах уонна былааннаммыт кэмҥэ, республика социальнай-экономическай сайдыытын барыллааһынын бигэргэтии чэрчитинэн, уһулуччу суолталаах бородууксуйа көрүҥнэрин уонна өҥөлөрүн оҥорууга тустаах сорудахтар муниципальнай тэриллиилэргэ барыларыгар тиэрдиллэллэр. Манна даҕатан эттэххэ, билигин республика бюджетыттан государственнай өйөбүл оҥоһуллар ситимигэр муниципальнай тэриллиилэр кыттыылара көрүллүбэт. Федеральнай сокуон этэринэн, олохтоох суолталаах боппуруостарга сэлиэнньэлэргэ тыа хаһаайыстыбатын оҥорон таһаарыытын сайыннарыыга уонна тыа хаһаайыстыбатын бородууксуйатын ырыынагын кэҥэтиигэ көмөлөһүү эрэ киирэр. Манан сибээстээн, бу көрүллэр сокуон барыла тыа хаһаайыстыбатын улуустарын олохтоох бэйэни салайыныы органнарын эппиэтинэстэрин үрдэтии уонна кинилэр тыа хаһаайыстыбатын бородууксуйатын оҥорон таһаарыыны миэстэтигэр быһаччы кыттыыларын хааччыйыы инниттэн оҥоһулунна. Бу сокуон барыла 13 ыстатыйаттан, 3 сыһыарыыттан турар. Докумуон былааннанар сылга муниципальнай тэриллии субвенциятын кээмэйэ тыа хаһаайыстыбатын производствотын (сүөһүнү иитиини, үүнээйини үүннэриини, хотугу сир төрүт салааларын) өйөөһүн субвенциятыттан турар. Ол кээмэйэ Саха Республикатыгар тыа сирин социальнай-экономическай сайдыытын республикатааҕы тустаах тосхолунан ууруллубут үп кэриҥиттэн таһаарыллан быһаарыллар, ыйыллыбыт хайысхалары, республика тыа хаһаайыстыбатын уопсай көрдөрүүлэригэр киирэр муниципальнай тэриллии өлүүтүн (сүөһү төбөтүн, ыһар сири, балыктааһын, түүлээҕи бэлэмнээһин кэриҥнэрин) өйөөһүҥҥэ үс кэнники сыл орто көрдөрүүлэригэр олоҕуран оҥоһуллар. Онтон кэлэр сылларга үс кэнники сыл көрдөрүүлэрэ намтыыр (улаатар) түгэнигэр муниципальнай тэриллии субвенциятын кээмэйэ эмиэ аччыыр (улаатар), былаанныыр сылга Саха Республикатын государственнай бюджетынан көрүллүбүт үбү учуоттаан туран. Өскөтүн, отчуоттуур сылга муниципальнай тэриллиинэн МТ уонна тыа хаһаайыстыбатын министиэристибэтин икки ардыларынааҕы сөбүлэһиинэн олохтоммут субвенцияны туһаныы тустаах көрдөрүүлэрэ ситиһиллибэтэх боллахтарына, министиэристибэ отчуоттаах финансовай дьыл кэнниттэн кэлэр сылга субвенция кэриҥин сарбыйар туһунан быһаарыыны ылынар. Бырабыыталыстыба бэрэссэдээтэлин солбуйааччыга Айаал Степановка депутаттар Зоя Корнилова, Александр Жирков, Семен Олесов, Альбина Поисеева боломуочуйалары биэрэр тэрээһиннэри үбүлүүр, улуустар бу боломуочуйалары ыларга төһө бэлэмнээхтэрин туһунан уонна судьуйалар боломуочуйаларын тохтотор туһунан ыйыттылар, чуолкайдастылар. Саха Республикатын президенэ Егор Борисов, сокуон барылын көҕүлээччи буоларын быһыытынан, бу сокуон сорох боломуочуйалары биэрэри көрөрүн бэлиэтээтэ. «Мантан инньэ улуус баһылыктара, дьаһалталар салайааччылара тыа хаһаайыстыбатын проблемаларын быһаарыыга көхтөөхтүк, дьайыылаахтык кыттыахтара», - диэтэ Егор Борисов. Сокуон барылын дьүүллэһиигэ республика народнай депутаттара Александр Жирков, Семен Олесов, Иван Слепцов, Зоя Корнилова, Сергей Сюльскай, президент уонна правительство администрациятын государственнай-правовой боппуруостарга департаменын салайааччыта Сардаана Гурьева, премьер Галина Данчикова кытыннылар. Куоластааһын түмүгүнэн сокуон бүтэһиктээх ааҕыыга ылылынна. Тыа хаһаайыстыбатын производствотын өйөөһүҥҥэ сорох государственнай боломуочуйаны ылбыт бастакы түөрт муниципальнай тэриллиилэр истэригэр Нам, Чурапчы, Ньурба уонна Эдьигээн улуустара киирдилэр. Ил Түмэн пресс-сулууспата
Views: 1538 \| Added by: uhhan2

Total comments: 0

Only registered users can add comments.
[ Registration | Login ]

Сонуннар күннэринэн

« Ахсынньы 2010 »
Бн	Оп	Сэ	Чп	Бт	Сб	Бс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Көрдөө (поиск)

Атын сирдэр

Create your own site

Ааҕыылар

Баар бары (online): 2

Ыалдьыттар (гостей): 2

Кыттааччылар (пользователей): 0