Бу сир талбата (меню)
News topics
Политика.Митинги. Пикеты. Партии [900]
Мысли. Думы.Мнения, обсуждения, реплика, предложения [261]
Суд-закон.МВД.Криминал [1279]
Право, закон [323]
Экономика и СЭР [839]
Власть Правительство Ил Тумэн [1207]
Мэрия, районы, муниципалитеты [398]
Мега пректы, планы , схемы ,программы. ВОСТО [215]
Сельское хозяйство,Продовольствие. Охота и рыбалка [553]
Энергетика, связь, строительство.транспорт, дороги [154]
Коррупция [862]
Банк Деньги Кредиты Ипотека Бизнес и торговля. Предпринимательство [291]
Социалка, пенсия, жилье [276]
ЖКХ, строительство [132]
Образование и наука. Школа. Детсад [215]
Люди. Человек. Народ. Общество [222]
АЛРОСА, Алмаз. Золото. Драгмет. [669]
Алмазы Анабара [161]
http://alanab.ykt.ru//
Земля. Недра [240]
Экология. Природа. Стихия.Огонь.Вода [376]
СМИ, Сайты, Форумы. Газеты ТВ [154]
Промышленность [43]
Нефтегаз [284]
Нац. вопрос [284]
Соцпроф, Совет МО, Общ. организации [65]
Дьикти. О невероятном [183]
Выборы [661]
Айыы үөрэҕэ [92]
Хоһооннор [5]
Ырыа-тойук [22]
Ыһыах, олоҥхо [102]
Култуура, итэҕэл, искусство [365]
История, философия [237]
Тюрки [76]
Саха [152]
литература [41]
здоровье [463]
Юмор, сатира, критика [14]
Реклама [7]
Спорт [121]
В мире [86]
Слухи [25]
Эрнст Березкин [88]
Моё дело [109]
Геннадий Федоров [11]
BingHan [4]
Main » 2015 » Бэс ыйа » 4 » Үөһээ Бүлүү республика урбаанньыттарын ыҥырар
Үөһээ Бүлүү республика урбаанньыттарын ыҥырар
20:41

Үөһээ Бүлүү республика урбаанньыттарын ыҥырар

Үөһээ Бүлүү республика урбаанньыттарын ыҥырар Четверг, 04 Июня 2015 12:39
Илин эҥэр, киин улуустарга аатырбыт атыыһыт, меценат, попечитель Руслан Еремеевич ФЕДОТОВ Бүлүү сүнньүн улуустарыгар туһаайан, Үөһээ Бүлүүгэ кииннээн, тыа хаһаайыстыбатыгар аналлаах техника,  саппаас чаастарын  атыылыыр эргиэн паркатын  тэрийэн үлэлэппитэ иккис сайыныгар барда.

От-мас үлэтэ дьыл кэмиттэн тутулуктаах буолан, эргиэн киинэ сайынын эрэ үлэлээн кэллэ. Сир тыырыллыыта, атыыланар табаары харайар ыскылаат, кыһыҥҥы өттүгэр оттук, уот-күөс боппуруоһа  кытаанах. Илин эҥэртэн үлэни-хамнаһы ууна сылдьан быһаарсара эмиэ сыанан аҕаабат. Итинник түгэннэри улуус баһылыга Владимир ПОСКАЧИН өйдүүрэ уонна урбаанньыттарга хайа кыалларынан көмө-тирэх буоларга дьулуһар.

-          Руслан Еремеевич ФЕДОТОВ курдук улахан урбаанньыт Үөһээ Бүлүүгэ кэлэн үлэ-хамнас тэрийэн эрэриттэн биһиги улаханнык  үөрэбит. Бүлүү улуустарыгар холоотоххо, Үөһээ Бүлүү биир да промышленнай производство суох. Дьоммут тыа хаһаайыстыбатыттан уонна бюджет тэрилтэлэригэр үлэлээн айахтарын ииттинэллэр.  Онон ФЕДОТОВ курдук урбаанньыттар кэлэн үлэ миэстэтин таһаараллара, улууһу сайыннараллара биһиэхэ олус наада. Ыҥырыы таһаарыахпытын баҕарабыт, Бүлүү сүнньүгэр сытар улуустары аһынан-үөлүнэн, табаарынан  хааччыйар баҕалаах, производствоны тэрийэр соруктаах  урбаанньыттары Үөһээ Бүлүүгэ кэлэн кииннэнэн үлэлээҥ диэн. Дьаһалта сир учаастага тыырыытын, коммунальнай кыһалҕаны быһаарсалларыгар кыах баарынан күүс-көмө буолуохпут диэн эрэннэрэбит, - диэн Владимир Семенович республика урбаанньыттарыгар “Аартык.ру” нөҥүө илдьиттиир.

Сайынны биир күн - кыһыҥҥы тоҕус хонугу аһатарын быһыытынан, саха дьоно кылгас сайыннарын саппаас чаас көрдөһөргө бараабат курдук дьаһана сатыыллар. Саас эрдэттэн оттуур тэриллэрин көрүнэн, дьаһанан кэбиһиэхтэрин баҕараллар. Бүлүү улуустара абына-табына олохсуйбут,  суол-иис  уустук нэһилиэктэрэ аат ааттаан Аллараа Бэстээххэ, Дьокуускайга тиийэн кэлэллэрэ харчытыгар да, айаныгар да охсуулаах. Ылбыт тэриллэрин дьиэлэригэр тиэрдиэхтэригэр диэри орускуоттара хас да бүк үрдүүр. Онон Сунтаар, Ньурба, Бүлүү улуустарын олохтоохторо Руслан ФЕДОТОВ маҕаһыына төгүрүк сыл үлэлиэҕин баҕараллара кэмэ суох. Өҥөйө сытар Үөһээ Бүлүүгэ кииннэнэн тыраахтыр, массыына, от охсор, ат тэрилэ, сыарҕа, онно сапчааһа атыыланар буолбута тыа киһитигэр улахан абырал буолла. ФЕДОТОВ бэйэтэ да эргиэнин киинин төгүрүк сыл үлэлэтиэн эмиэ баҕарар. Ону баһылык: “Төгүрүк сыл эргинэр киин тэрийэр буоллаҕына, биһиги ону өйүүбүт эрэ”, - диэн этэр.

-          100 тыһыынча нэһилиэнньэлээх Бүлүү улуустарыгар - Үөһээ Бүлүү айан аартыгын ортото, онон урбаанньыттар биһиэхэ кииннэнэн үлэлэрин тэрийэллэрэ  саамай сөп. Билигин Дьокуускайы, Үөһээ Бэстээҕи кытары улахан араастаһыыта суох сыана аска-үөлгэ олохсуйда. Онон дьон киин куоракка айанныы сатаабакка, бэлиэр мантан кэлэн ыйдааҕы астарын хаһаанар буолан эрэллэр, - диэн баһылыгы солбуйааччы Спиридон БОРБУЕВ кэпсиир.

Үөһээ Бүлүүгэ 2018 сылга Манчаары оонньуулара – Саха сирин норуоттарын спартакиадата ыытыллыахтаах. Элбэх объект тутуллуохтаах. Ол быыһыгар,  бу сотору автовокзал дьиэтэ тутуллан үлэҕэ киириэхтээх. Манна айан дьонун сынньатар, аһатар сиртэн саҕалаан диспетчерскэй киин, араас улуустарга, нэһилиэктэргэ  айанныыр маршрутнай таксилар үлэлэрин сүрүннүүр үлэ-хамнас барыаҕа диэн былаанныыллар.

“Олохтоох урбаанньыттар атын сиртэн урбаанньыттар кэлэллэрин күнүүлүө суохтара дуо?” - диэн ыйытыыга Спиридон БОРБУЕВ: “Күрэстэһииттэн сайдыы барар, киһи итинтэн саллыа-куттаныа суохтаах. Ону сэргэ биһиги улууспутугар дьоҕус, орто урбаан олус тарҕана, сайда илик. Ырыынак баар, ким үлэлиир баҕалаах киһиэхэ олус үчүгэй усулуобуйа баар. Урбаан сайыннаҕына – үлэ миэстэтэ тахсар, нэһилиэнньэ дьарыктаах буолар. Оттон ыал ийэтэ-аҕата үлэлээх эрэ буоллаҕына ыал, нэһилиэк, улуус олоҕо тупсар.

-          Оттон криминаллар сүгүннээбэттэр диэн кэпсииллэр дии, ол хайдаҕый? – сураһабыт. Ону:

-          Соруйан күүркэтии  баар курдук. Күнүүлэһии.  Ханнык баҕарар улууска, сиргэ итириктиир дьон баар. Биир киһи – бүтүн улуус буолбатах. Арыгылаан баран улаханнык ким хаһыытаабыта быраапсай буолбат. Онон ким кэлэн үлэлиэн баҕарар дьоҥҥо баһаалыста ааммыт аһаҕас, кэпсэтиигэ бэлэммит. Быһа дьаһалтаҕа кэлэн билсиэхтэрин сөп. Урбааны сайыннарарга, улууһу биир улахан бизнес-инкубаторга кубулутарга, инвестиционнай боппуруостары дьаһайарга улуус баһылыгын солбуйааччыта баар буолла. Урут, экономика өттүгэр эппиэттиир солбуйар баһылык билигин бизнес-структуралары кытары үлэни эмиэ хонтуруоллуоҕа,- диэн Спиридон БОРБУЕВ кэпсиир.

Онон Саха сирин урбаанньыттара, дьыалаҕытын-куолугутун Бүлүү улуустарыгар туһаайыаххытын баҕарар буоллаххтына, Үөһээ Бүлүү дьаһалтатын кытары сибээскэ тахсаргытын кэтэһэллэр.

***

Игорь Тарабукин,

“Аартык.руга” анаан.

Источник: aartyk.ru
 
Category: Банк Деньги Кредиты Ипотека Бизнес и торговля. Предпринимательство | Views: 1605 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Бэс ыйа 2015  »
БнОпСэЧпБтСбБс
1234567
891011121314
15161718192021
22232425262728
2930
Көрдөө (поиск)
Атын сирдэр
Ааҕыылар

Баар бары (online): 5
Ыалдьыттар (гостей): 5
Кыттааччылар (пользователей): 0
Copyright Uhhan © 2024