Бу сир талбата (меню)
News topics
Политика.Митинги. Пикеты. Партии [900]
Мысли. Думы.Мнения, обсуждения, реплика, предложения [261]
Суд-закон.МВД.Криминал [1279]
Право, закон [323]
Экономика и СЭР [839]
Власть Правительство Ил Тумэн [1207]
Мэрия, районы, муниципалитеты [398]
Мега пректы, планы , схемы ,программы. ВОСТО [215]
Сельское хозяйство,Продовольствие. Охота и рыбалка [553]
Энергетика, связь, строительство.транспорт, дороги [154]
Коррупция [862]
Банк Деньги Кредиты Ипотека Бизнес и торговля. Предпринимательство [291]
Социалка, пенсия, жилье [276]
ЖКХ, строительство [132]
Образование и наука. Школа. Детсад [215]
Люди. Человек. Народ. Общество [221]
АЛРОСА, Алмаз. Золото. Драгмет. [669]
Алмазы Анабара [161]
http://alanab.ykt.ru//
Земля. Недра [240]
Экология. Природа. Стихия.Огонь.Вода [375]
СМИ, Сайты, Форумы. Газеты ТВ [154]
Промышленность [43]
Нефтегаз [284]
Нац. вопрос [284]
Соцпроф, Совет МО, Общ. организации [65]
Дьикти. О невероятном [183]
Выборы [661]
Айыы үөрэҕэ [92]
Хоһооннор [5]
Ырыа-тойук [22]
Ыһыах, олоҥхо [102]
Култуура, итэҕэл, искусство [365]
История, философия [237]
Тюрки [76]
Саха [152]
литература [41]
здоровье [463]
Юмор, сатира, критика [14]
Реклама [7]
Спорт [121]
В мире [86]
Слухи [25]
Эрнст Березкин [88]
Моё дело [109]
Геннадий Федоров [11]
BingHan [4]
Main » 2016 » Олунньу » 27 » КИИРЭН БИЭРИИ
КИИРЭН БИЭРИИ
11:59
КИИРЭН  БИЭРИИ
Тойон-хотун тумсун дуйдаан
Туһанары сатаабаппын,
Эрбэх үөһэ эргичийэн
Эккэлииртэн сиргэнэбин.


Илья Зверев
 
Сахаларга «киирэн биэрии»,  сохсоҕо, туһахха, тууга киирии диэн өйдөбүллээхпит. Олох соторутааҕыта «Норуот, өйдөн, сохсоҕо кииримэ!» диэн 1 гаа сир туһунан ыстатыйа тахсыбыта. Алдан улууһун Төмтөөн өрүһүгэр караакы диэн көтөр баар. Бочугурастан арыый улахан, наһаа холку көтөрү туһаҕы ураҕас төбөтүгэр иилэн  моонньугар кэтэрдэн сууллары тардан ылаллар. Тиит алын лабаатыгар олорор көтөргө туһаҕы чугаһаттахха төбөтүн бэйэтэ уган биэрэр эбит. Бүттэхпит ол.

Сорохтор биһигини-сахалары караакыга майгыннаталлар. Оттон тууга киирии туһунан мантан аллараа быһаара сатыахпыт. 
Уйбаан Уххан 2014 сыллаахха тахсыбыт кинигэтин ылан эргитэн-урбатан көрөбүн. Хаһыс да төгүлүн. Маннык кинигэ Саха сирин историятыгар тахса илигэ. Кинигэ биир аҥара «Кэм суолугар» диэн ааттаммыт.

Манна Уххан суруналыыс, поэт уонна публицист быһыытынан айымньылара хото киирбиттэр. Кинигэ иккис аҥара «Республика распродана» диэн. Манна «айдааннаах», бобулла-бобулла тахсыбыт матырыйааллар хомуллубуттар. Элбэх эрииринэн, үксүгэр Уххан саайтыгар, тахсыбыт республика экономикатын, инники кэскилин туһунан мунчаардар, үксүгэр дойдубутун кураанахтыыры, аҥаардастыы халыыры бырачыастыыр ис хоһоонноох ыстатыйалар манна бааллар. Геннадий Федоров, Дмитрий Верхотуров, Дормидонт Гуляйпольский, В.Федосеев, Алтан Харах, С.Татаринов, А.Сидоров, Сонор Дотошный, Демьян Штабной итэҕэтиилээх, киһи саллар чахчылардаах суруйуулара бар дьону сөхтөрбүтэ.      
                                                 
Ыстатыйалар кырдьыктаахтар, биһиги албыммытын-түөкэйбитин наһаа аһаҕастык кэпсииллэр диэн былаас сөбүлээбэтэҕэ, куттаммыта. Тугу гыныахха, хайдах буолуохха диэн ыйытык турбута быһыылааҕа. Донуос наада этэ. Манна сөптөөх киһини олус дөбөҥнүк булбуттара. Сотору Саха республикатын прокурора  А.Подласенкоҕа  ДП-1 дьиэтин иһиттэн Айсен Николаев аатыттан Ухханы уодьуганныыр үҥсүү киирбитэ. Тахсыбыт матырааллары ааҕан туран Айсен Николаев 2008 сыл бэс ыйын 4 күнүгэр суруйар: «…Кроме того, прошу принять предусмотренные действующим законодательством меры в отношении владельца сайта, где опубликован указанный материал и возбудить уголовные дела».

Сити кэмтэн сайты бас билээччи Ухханы экстремист, националист, обществоҕа эрэлэ суох киһи диэн оннун буллараары дьыала бөҕөнү тэрийэллэр. Ол иһигэр республикаҕа биллэр, үрдүкү салалтаҕа сылдьар дьон: Грабцевич, Долинин, Брук, Кривошапкин(Быыбар киин хамыыһыйата), Заболев, Потрубейко, Дойников, Михайлова. Кинилэр былаас бары күүһүн туһанан, Штыров баҕатын толорон саба түһэллэр да кыайбаттар. Ыксалтан буолуо, Штыров аһаҕастык ылсар уонна Путин аатыгар Ухханы уодьуганныырга көрдөһөн сурук түһэрэр.  Сонно тута РФ Генпрокуратуратыттан сыалай биригээдэ бэрэбиэркэлии кэлэр да сокуон кэһиллиитин булбат. Ол үрдүнэн Уххантан арахпаттар,  4 сыл кэриҥэ сордууллар уонна, саатыахтарын иһин, аккаастанарга тиийэллэр: 2011 сыл балаҕан ыйын 9 күнүгэр республика прокурора А.Подласенко маннык ис хоһоонноох суругу ыытарга күһэллэр: «Уважаемый Иван Николаевич! В соответствии с ч.1 ст. 136 УПК РФ от имени государства приношу Вам  официальное извинение за причиненный вред в результате незаконного уголовного преследования».            

Уххан кыайбыта. Доруобуйатын айгыратан, ньиэрбэтин бараан, эмсэҕэлээн баран үгүс өйөөччүлэрдээх, өлөр –охтор түгэнигэр өрө тардыһар дьонноох буолан. Олортон норуот бэйиэтэ С.Руфовы, поэт – Омук Уолун, астаапкаҕа олорор полковниктар бөлөхтөрүн, «Кут-Сүр» холбоһугу, бэл Таджиктар, Киргизтар, Казахтар, Татаар-Башкирдар, Ингуштар холбоһуктарын, республика ытыктанар ырыаһыттарын А.Егоровы, С.Васильевы, В.Андросовы, Г.Шахурдинаны  ойуччу тутан бэлиэтэххэ сөп.  Элбэх биирдиилээн дьон суруктара Уххаҥҥа көмө буолбута, күүһүгэр күүс эппитэ. Быраабы көмүскээччи Н.Седалищев, тугу да быраҕан туран, тиһэҕэр тиийэ өйөөбүтэ. Дьон сомоҕолостоҕуна тугу барытын кыайыах курдуга…Итинник түгэҥҥэ кыайтарбыттар сирдээн тимириэхтээхтэрэ да, хомойуох иһин, биһиги дойдубутугар оннук буолбат эбит. Ол кыайтарбыттар дьүһүн кубулуналлар, дьоҥҥо тахсаллар, кинилэр сирэйдэрин утары көрөллөр, туох да буолбатаҕын курдук тутталлар, дьаһайаллар, тыл этэллэр, дьокутаат буолаллар, араас дуоһунаһы сүгэллэр…

Айдааннаах суруйуулартан ордук чорботон Геннадий Федоров «Аллах над Якутией» диэн суруйуутун бэлиэтииллэр. Эттэрин таарыттарбыт үрдүк сололоохтору өһүргэппит дуу, уйаларыгар ууну киллэрбит дуу сорох суруллубуттан бэлиэ тыллары аҕалыым.
        
«Правительство Республики Саха (Якутия) передало в 1988 году АК АЛРОСА крупный пакет акций «Саханефтегаза», чтобы был другой крупный инвестор. Причем передала только на доверительное управление, т.е. этот пакет акций оставался государственной республиканской собственностью». М.Е.Николаев уонна В.М.Власов республиканы салайан олороннор итинник дьаһалынан «Саханефтегаһы» быыһыы сатаабыттар курдук. «В ноябре 2001 года В.Штыров, тогда президент АК «АЛРОСА», решил продать этот пакет «ЮКОСу». Республика (государство) бас билиитин В.Штыров тоҕо чааһынайга атыылыы сатаата? Ити сыл ахсынньыга, Москва көкөттөрө Саха сирин баайын эрэйэ суох ылаары, кинини президент оҥорорго былааннаабыттар, онуоха элбэх харчы наада буолбут. Атыылыыры М.Николаев, В.Власов уонна кинилэр чугас дьонноро, солбуйааччылара утарбыттар да пакет син биир  «ЮКОСка» тиксибит, кини «Саханефтегаз» хаһаайынынан буола түһэр

. Штыров ол атыылыыр дьаһалын арай И.Долинин эрэ өйөөбүт. Штыров президент буолаат кинини утарбыттары барыларын үүртэлээбитэ дэнэр. Арай И.Долинин күннээбит, Москваҕа үчүгэй үлэҕэ тиксибит, дьиэнэн-уотунан хааччыллыбыт. Оттон «Саханефтегаз» «ЮКОСка» тиксибититтэн республикаҕа кэппиэйкэ да киирбэтэх. Халаатахтара, күннээтэхтэрэ ол. Ухханнаах маны дьон билиитигэр таһаарбыт «буруйдаахтар». «ЮКОСтар» бу сылдьан биир улахан алҕаһы оҥорбуттара дэнэр. Ол – «Саханефтегаз» президенинэн А.Максимовы олордуулара.

Олохтоох киһи, норуот дьокутаата диэн туһанаары. «А.Максимов отказался быть марионеткой в руках боссов»ЮКОСа». Не будем судить об истинных мотивах А.Максимова, посмотрим на факт – «Саханефтегаз» начал выпутываться из-под ходорковской кабалы. Причем, самые ценные активы «Саханефтегаза» были постепенно переведены под другие структуры – прежде всего под ОАО «Сахатранснефтегаз», 100% акций которого тогда были в собственности Республики Саха (Якутия)». Итинник ырылыччы сурулла сылдьар.

Оттон бу суруйуу киһи болҕомтотун хайдах тарпат буолуоҕай: «Августе 2007 года компания «Роснефть» приобрела право требования к «Саханефтегазу». Общая сумма составила 2,8 миллиарда рублей. В тот же месяц акционеры «СахаНГ» во главе тем же Штыровым провели закрытое совещание с целью увести активы от кредиторов. Руководителю А.Н.Максимову был предложен специальный план. Через некоторое время Максимов, разобравшись в ситуации, обратился с письмом к Штырову, в котором сообщал о готовяшемся преступлении. В течении двух недель он был уволен со своего поста. Следом начался насильственный отьем бизнеса у Максимова братьями Магомедовыми при помощи Штыроав и МВД».  

Ыстатыйалар, ааттарыттан да тойонноотоххо, элбэх чахчыларга олоҕуран, сытыы тылынан суруллубуттара туһааннаахтары кырдьык да ууга-уокка түһэрбитэ чуолкай. Холобур, «Аллах над Якутией», «Республика распродана», «Якутская земля. Кому она принадлежит?», «Новое предательство Штырова», «Могильших республики», «Царь проиграл поэту», «С приходом Штырова  Якутия растеряла всю свою самостоятельность», «Штыров с Грабцевичем довели республику до банкротства», «Как у субъекта отбирают собственность», «Айсен Николаев пытается скрыть факты коррупции», «Семейные дела кандидата в президенты РС(Я) Айсен Николаева» о.д.а. элбэҕи этэллэр.    
                                
Кинигэҕэ ахтыллар, Штыров куомуннаахтарын Омаровы, Гуцериевы, Магомедовтары, Сафиевы, Бестоловы, Билаловы, Айдаровы, Поляковы онтон да атын үгүстэри манна ырытар көдьүүһэ суох, кинилэр бары кэриэтэ кыраныысса таһыгар куота-саһа сылдьар аатыраллар. Арай биир куомуннааҕа Отар Маргания сибилигин да күннүү сылдьар эбит: Никита Михалков алмаас чочуйар «ЧенПром-Даймонд» фирматын хааччыйар. Бэчээккэ маннык суруллубут: «Михалков через своего давнего приятеля Отара Маргания, который является теневым куратором «АЛРОСА», договорился о прямых поставках драгкамней …». Сахабыт сирин алмааһа биһиэхэ туох да сыһыана суоҕун биир туоһута буолбатах дуо, бу?

Ити туохтан саҕаламмыта кинигэҕэ эмиэ сурулла сылдьар.  «Х. Омаров и О.Маргания с самого начала ставили цель сделать объектом своего рейдерства не только субъект Федерации, но и государственную компанию АК «АЛРОСА», используя  ИГ «АЛРОСА».   Инвестиционнай группа (ИГ) Штыров быһаччы кыттыылаах тэриллибитин туһунан кинигэҕэ баар. Оттон маны туох диигит: «Общество думало, что «плохой» Кудрин якобы хочет забрать АК «АЛРОСА», а «доблестный» А.Штыров ему сопротивляется . Но на самом же деле это было только видимость «борьбы»;  Итини биһиги хантан билиэхпит баарай, В.Штыров республиканы көмүскээн москвалары кытта мөккүһэрин курдук саныыр буоллахпыт. Кыратык уруккуга төнүннэххэ, ити сылларга биһиги И.Шамаев салалталаах куораппыт болуоссаттарыгар миитиннэри, пикеттэри тэрийбиппит, кыһыны, тымныыны аахсыбакка. Тоҥон-хатан миитиннээн кимиэхэ туһалыырбытын билбэт буоллахпыт.

Арай И.Шамаев дьиҥ иһин бэйэтэ билэн эрдэҕэ. Кини биирдэ тоҕо эрэ бэрт суһаллык Москвалаабытыгар биир миитини бэйэм салайан турабын. Билигин кэлэн Штыров оччотооҕу хамаандата миитини куруутун көҥүллүүрүн, Шамаев көҥүлү бэрт дөбөҥнүк ыларын сөҕөбүн.  Кинигэҕэ: «5 ноября 2005 года В.Штыров прилетел из Тель-Авива в Москву. Несколько дней ушло на согласование планов. 7 ноября 2005 года, в годовщину памятной встречи 2001 года в кудринской вилле на Рублевско-Успенском шоссе, А.Кудрин, В.Штыров, О.Маргания и ряд лиц ударили по рукам. И работа закипела. 7 ноября 2005 года В.Штыровым была дана команда организовать сбор подписей в его поддержку…   8 ноября 2005 года В.Штыров подписал секретный протокол по полной сдаче позиций Республики Саха (Якутия) по АК «АЛРОСА».  8 ноября 2005 года была организована республиканская инициативная группа по сбору подписей в поддержку Президента Республики Саха (Якутия) В. Штырова…». 

Буоппус хомуллуутун уонна кистэлэҥ протокол туһунан оччотооҕуга хаһыаттар араастык сырдаппыттара. Оттон биһиги караакы көтөр курдук төбөбүтүн туһахха уган биэрбиппитин  онно да ситэ өйдөөбөтөхпүт… Ол протоколу оҥорсубут Е.Борисов  Ил Түмэн «доппуруостаабытыгар» таһы-быһа мэлдьэһэн кэбиспитэ. «Штыровы кытта консультациялаһан баран» диэн суруйбуттара. Оттон Штыров олох билиммэтэҕэ, буоппус бөҕөнү хомуйтарбыта уонна… иккис болдьоххо олорбута, эмиэ президент буолбута, республиканы салгыы суйдаабыта. Кэлин соҕус Штыров протоколга илии баттаабытын А.Кудрин публика иннигэр этэн биэрбитэ, протоколлара бэчээккэ тахсыбыт диэн буолбута.

«АЛРОСАны» былдьыыр үлэ А.Кудрин туоратыллыбытын да кэннэ тохтооботоҕо, В.Штыров куомуннаахтарын нөҥүө итиннэ салгыы үлэ ыыта, сорудаҕы толоро сылдьыбыта докумуоннартан көстөр. Ол туоһутунан Штыровы солбуйбут уонна кини куурсун салгыам диэбит, онтун бүтүн Саха сирин үрдүнэн иһитиннэрбит Е.Борисов суруга баар. Ол сурукка Е.Борисов 2011 сыл тохсунньу 18 күнүгэр В.Путиҥҥа «АЛРОСА» хампаанньаны аһар сорудаххын толордум диир. Ол аата А.Кудрин кыайтарар, Е.Борисов атын кыайбыт хамаанда сорудаҕын толорор, онтун дакылааттыыр. Түмүгэ биир – республика баайа суох хаалар. Оттон «АЛРОСАны» былдьаһар кэмнэригэр Штыровы хайалара да талбыттарынан хамаандалаабыт курдуктар.  Биһиги буоллаҕына миитиннии, пикеттии сылдьабыт…         
 
      
Оттон, бэйэтэ эппитинии, Штыров куурсун салгыыр Е.Борисов  олох соторутааҕыта Н.Седалищевы Уххан сайтыгар ыстатыйа таһаарбытын суукка үҥүстэ. Николай Иннокентьевич кинини баһааҕырдыбыт үһү, онон чиэһин көмүскүөхтээх эбит.  Сайабылыанньатын бэйэтэ илии баттаан киллэрбэтэх, ханнык эрэ М.Дымнов диэн Москваҕа олорор киһи бооччойбут. Дьикти буолбат дуо?  Эмиэ иккис Чекулаев кэлбит быһыылаах. Туохтан өһүргэммиттэрий?                                                          
Бастакынан, ааспыт 2014 сыллаах быыбар хампаанньатыгар сокуону кэспэтэхпит дииллэр эбит. Итиннэ сокуон хайдах курдук тэпсиллибитин республика барыта көрөн олорбута, арай сууттар сокуону тутуһан кырдьыгы көмүскүүртэн аккаастаммыттара. Хата бу ыытыллар, Н,Седалищевы сууттуур кэмҥэ быыбар «кирэ-хаҕа» эбии арыллара буолуо диэн кэтэһэбит.     

Иккиһинэн, «Горизонт-РТ» хампаанньа атыыламмыт остуоруйата. Е.Борисов ити государственнай хампаанньа Дириэктэрдэрин сэбиэтин баһылыга эбит. 2004 сыллаахха «Горизонт-РТ»  чааһынай тэрилтэҕэ сокуону куруубайдык кэһэн атыыламмыт. Маны сыыһа атыыланна, төннөрүөххэ диэн правительства чилиэттэрэ А.Алексеев уонна Г.Макарова бырачыастаан сурук суруйбуттар. Тэрилтэ атыытыттан республикаҕа соххор солкуобай киирбэтэх, арай салайааччыта В.Вахрамеев суолтатыгар хаайыыга олорон кэлбитин суруйбуттара. А.Алексеев правительства бэрэссэдээтэлин солбуйааччы быһыытынан Е.Борисовка «Горизонт-РТ» тоҕо икки биир ааттаах ООО «ПИТ» тэрилтэлэр ылбыттарын  саарбахтыырын, барыта кистээн оҥоһуллубутун суруйар. Ил Түмэн хонтуруоллуур кэмитиэтэ республика баайын чааһынайга атыылыыр сыыһа, тоҕо маннык оҥоһулунна, төнүннэриэххэ, атыыта республика бюджетыгар киириэхтээх диэн ис хоһоонноох түмүгэ баар. Ол түмүккэ илии баттаабыттартан биирдэстэрэ, билигин Правительства баһылыгын солбуйааччы, П.Алексеев. Кини ол саҕана араспаанньата Лукин эбит.

Били А.Жирков солбуйааччыта О.Макиенко Украинаҕа быһылаан буолбутугао О.Балабкина буола охсубутун курдук. Хаһыаттар суруйбуттарынан. Оттон П.Алексеев төһө да араспаанньатын уларытан Е.Борисовка чугаһаатар түмүк оҥорон илии баттаабытын мэлдьэһэр кыаҕа суох. «Горизонт-РТ» сокуону кэһэн халаммытын туһунан «Якутск вечерний» хаһыат дириҥник ырытан өссө 2008 сыллаахха «Бомба» для Председателя правительства Якутии?» диэн ыстатыйаҕа суруйбута. Онно маннык баар: «Итого 24% акций, проданных частной компании за 24 тысячи рублей, обошлись Якутии, в 546,4 млн. рублей, которых бюджет просто не увидел». Онон ити харчы бюджекка киирбэтэх, ханна барбыта биллибэт. Н.Седалищев маны чуолкайдыырга туруорсарын Е.Борисов сөбүлээбэтэх. А.Алексеевы, эбэтэр «Якутск вечерний» хаһыаты сууттаабатах ээ, кыайыам суоҕа диэтэҕэ дуу?                                         

Үсүһүнэн, Магомедовтарга  гааспытын туран биэрбиппитин сымыйа дииллэр эбит. Ити туһунан суруллан ахан биэрдэ, туоһу да докумуон  толору. Холобур «Якутгазпрому» атыылааһыҥҥа икки «Славия» (икки ООО «ПИТ» курдук) баара суруллар. Уоруйахтар дьону муннарар ньымалара буоллаҕа дуу? Манна Саха сирин баайа чааһынай илиигэ тиксиитэ эмиэ былааннаммыт куомуннаһыы түмүгэ буоларын республика иһигэр саарбахтыыр киһи суоҕа буолуо. В.Штыров куурсун салгыыбын диир Е.Борисов республика гааһа суох хаалыытыгар кыттыгаһым суох диэн дакаастыыра уустук. Кини көмөлөһөөччүтэ Станислав Платонов диэн киһи эрдэ күөһүн өрүнэр, суоһурҕанар курдук, Седалищев дакаастыахтаах диир. Мин Е.Борисов бэйэтэ элбэҕи дакаастыахтаах, ыраастаныахтаах диибин.                               
                                                              Холобур, манныктарга эмиэ хоруй биэрдэҕинэ эрэ дьон астыныа: «Также осталась за кадром информация, опубликованная в газете «Туймаада уоттара» и ряде местных интернет-сайтах. В этих материалах рассказывали об истории с «Торглайном», об уголовном деле, возбужденном против Айсена Николаева и Егора Борисова, а также о подозрительных связях супруги Айсена Сергеевича, как заместителя председателя правления «Алмазэргиэнбанка», с подконтрольными ей кредитными кооперативами»;  «В августе 2008 под федеральным контролем на экс-председателя правительства, а ныне действующего президента РС(Я) Егора Борисова было заведено уголовное дело №49234 по ч. 5 ст.33 и ч. 4 ст.160 за пособничество в растрате, то есть в хищении денежных средств в особо крупном размере».

Бу кэнниттэн Е.Борисов Москва диэки айнныыра наһаа хойдубута диэн кинигэҕэ суруллар. Онно тугу торгуйдаспыттара, туох сиэртибэҕэ бэриллибитэ биллибэт үһү.  Кини Н.Седалищевы суукка биэрэн бэйэтэ тууга киирэн биэрдэ курдук. Бу сууттан сиэттэрэн көмүстэн, чохтон, сурьматтан, Томтор Таас сэдэх минералларыттан, Таалакааннааҕы, Чайыҥдатааҕы гаастан-ньиэптэн  уонна о.д.а. баайбытыттан маппыт остуоруйабыт чуолкайданыан баҕарабыт. Дьон өйдүүрэ буолуо, В.Штыров президент буолаат эргимтэтэ олороругар үлүгэрдээх үпкэ дьиэ туттарбытын (НВК утары турар). Онно биир квартираҕа доҕорун, Ленскэй тимирбитигэр бэриллибит көмөнү уоран сууттаммыт , В.Чуйкону олохтообута.

Биир квартираны эмиэ Мииринэйтэн аҕалыллыбыт В.Грабцевичка биэрбитэ. Ол киһитэ уурайан барарыгар квартиратын 13 мөлүйүөн солкуобайга атыылаан хармааныгар уктан барбытын туһунан сир-буор аннынан син биир иһиллибитэ. Оттон Чуйко уонна да атыттар квартираларын государствоҕа төнүннэрбиттэрэ дуо? Бу ыйытыктарга таарыйа эмиэ хоруй ылыахха баара.  Хоруупсуйаны утары охсуһар «БАТАС» общественнай тэрилтэ «Хаарбах дьиэлэртэн дьону көһөрөр» программа  ситэ үлэлээбэтин, итиннэ бэриллибит миллиардынан үп сүтэн хааларын, отчуокка баар сүүһүнэн ахсааннаах тутуллубут дьиэ дьиҥнээҕинэн суоҕун чуолкайдыырга прокуратураҕа сурук түһэрбитэ уонна эппиэтин күүтэр.

Ити туһунан В.Габышева, В.Мекумянов абаран, сөҕөн суруйбуттара баар. Н.Седалищев итини да, атын да хоруупсуйа боппуруостарын Генпрокуратураҕа ыыппыта тиийбит буолуон сөп. Е.Борисов бу сууттаһыыта  көмүскэнэнэр, хайыҥ охсунар быһыы эбитэ дуу? Ама, Гореваҕа телефоннаатым да барыта мин туспар быһаарыллыа диэн эрэнэрэ буолуо дуо? «Якутск вечерний» хаһыат олунньу 19 күнүнээҕи нүөмэригэр «Глава Якутии решил засудить правозащитника» диэн төбөлөөх суруйуу таҕыста. Е.Борисов онно тыл наһаа көҥүл барда диэбит. Ити үөһээ мин аҕалбыт омсолоох, республикаҕа суоһарыылаах дьайыылары ахтыбытым култуурабыт суох буолан дьоҥҥо биллэн хаалар эбит. Ол тохтууругар эрэнэрин биллэрбит, хоруупсуйа боппуруоһа дьоҥҥо биллиэ суохтаах курдук эппит.

Аппараата уонна көмөлөһөөччүлэрэ дэлби хаайан, тылларыгар киллэрэн Н.Седалищевы сууттуурга санаммыт. Тулалыыр дьоно прессаны хам тутарыгар көрдөһөллөр үһү, ону кини баҕарбат эбит. Баҕардаҕына хам тутуох курдук тылласпыт. Арассыыйаҕа цензура бобуулааҕын, санааны аһаҕастык этэр сокуонунан көҥүллэнэрин бэйэтэ да, ол дьоно да аныаха диэри билбэттэрин курдук тахсар.

Кинигэҕэ журналист В.Нифонтов маннык тыллары суруйбута баар: «Хорошие слова – за последнее время глава Якутии научился говорить много красивых и правильных слов. Но что еще кроме пустого сотрясания воздуха стоит за его словами? На мой взгляд, ничего. Если Егор Борисов в деле борьбы с коррупцией хочет «действовать наступательно и последовательно», то начинать, по моему мнению, ему нужно… с себя».   Бу тыллар 2013 сыллаахха суруллубуттара, онтон сыалай үс сыл ааста, ону көмөлөһөөччүтэ С.Платонов көрөн олорбут, сууттаспакка. Тоҕо?

Иван БУРЦЕВ                  2016 с. Олунньу 26 к.     


 

Общественники: КТО КОГО ИСПОЛЬЗУЕТ?

Воскресенье, 28 Февраля 2016 02:24
Источник: aartyk.ru
      http://aartyk.ru/obshestvo/item/7192-obschestvenniki-kto-kogo-ispolzuet?                                                                                                                                     
Category: Мысли. Думы.Мнения, обсуждения, реплика, предложения | Views: 1862 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Олунньу 2016  »
БнОпСэЧпБтСбБс
1234567
891011121314
15161718192021
22232425262728
29
Көрдөө (поиск)
Атын сирдэр
Ааҕыылар

Баар бары (online): 5
Ыалдьыттар (гостей): 5
Кыттааччылар (пользователей): 0
Copyright Uhhan © 2024