27.05.2016 15:34
ИА «Yakutia24/Якутия24». Сунтаар улууhа кыhалҕалаахтык олороро кистэл буолбатах. Барыта «туймуу»: авиация, эмп-том эйгэтэ, айан суола... Промышленнай оройуоннарга, федеральнай ааттаах аэропортка, нефтебазаларга сyрyн аартыгы - Оччугуй Ботуобуйаны туоруур күргэни, бүттүүн норуотунан бырабыытылыстыбаттан туруорсан, тyргэнник туталларын ситиhиэххэ дии сатаабытым. «Ээх» диэччилэр бааллара да, дьыалатыгар – салалта «кымаардаабата»...Понтон суох кэмигэр, икки улуус кыраныыссалаhар үрэхпитин – Оччугуй Ботуобуйаны түөрэккэй тыынан, сүүрүккэ эрийтэримээри, бэрт кутталынан туорууллар.

Ити эрэ буолбатах. Мииринэйтэн Сунтаардыыр айан суолун ниэп-гаас геологическэй тэрилтэлэрин ыарахан уйуктаах массыыналара yлтy «нээллээн» кэбиспиттэрэ. Суолбут – «хааhы да саламаат»! Айан суолун кэбилээбиттэригэр, ниэптээньиктэри ким да эппиэккэ тарпата! Быйыл соннук быhыы хатыланар түгэнигэр, «Бүлүү» федеральнай суол алдьархайдаах оборчо буолар кутталлаах. «Оптимизация» диэн ааттаан, Сунтаар тэрилтэлэрин Мииринэй уонна Ньурба куораттарыгар холботолооhун бара турар. Ол курдук биир кыахтаах баан филиала Ньурба куоратыгар баар офиска холбонор. Сунтаарга кирэдьииттээх-иэстээх дьон, эмээхсинниин-оҕонньордуун былаастык каартанан туттарга кyhэллэн эрэллэр.Сатаатахха, кэммиэрчэскэй бааннар терминаллара уонна банкоматтара дэриэбинэлэргэ мэлигир, Сунтаар сэлиэнньэтигэр биир-икки сиргэ эрэ бааллар. Муниципальнай пассажирскай оптуобус кыаммат. Ыарахан сыаналаах таксилаах, Бүлүү Эбэни туоруурдаах, хаайтарыылаах дэриэбинэлэр дьонноругар – бу олус эрэйдээх.
Улуус кииниттэн ыраах сытар нэhилиэктэргэ эмп-том тиийбэт, хааччыйыы соччото суох. Холобур, Сунтаартан 150 биэрэстэ ыраах сытар кырыыба дэриэбинэ – Бүлүүчээн дьоно биир хаа эмп атыылаhар туhугар, эмиэ таксинан Сунтаардыахтарын наада. Массыыната суох киhиэхэ Сунтаарга олорор ыарахан.
Улуус кииниттэн, холобур, баара эрэ 35 биэрэстэлээх Сардаҥа сэлиэнньэтигэр айанныыргар, Сунтаар таксистара 2.000 -2.500 солк(!) ирдииллэр. Туhугар, эрэйдээх дьон, хайыахтарай, баар суох харчыларын ууран биэрээхтииллэр. Сунтаар улууhун балыыhатын иккис уочаратын туппакка дьаалатынан хааллардылар. Дьон ыксаан, ыарахан ыарыhахтарын Мииринэй балыыhатыгар кыл-тыынынан тириэрдэр.
Оттон атын улуус дьонун эмтииргэ, медицинскэй страховкалааhын да бэрээдэгинэн, Мииринэй оройуоннай балыаhата, тустаах боломуочуйата суох. Бу манна бырабыытылыстыба, дьокутааттар уонна уопсастыба туhугар «ыалдьааччылар» туох дииллэрэ буолла?!

Станислав Алексеев. Мииринэй куорат.

Обсуждение

Bad roads:
27.05.2016 16:00

Не было бы у наших слуг народа трайбализма, уж как-нибудь продвинули бы дело. Сунтар в немилостях от господ в Якутске. И за что они так мерзко и гнусно мстят Сунтару не могу разуметь.

Марк:
27.05.2016 19:26

Кырдьык, Сунтаар улууhун постепенно радербани гынаары сорунан эрэллэр быhыылаах. Сунтарга, оройуон киинигэр самостоятельнай тэрилтэ Сунтарцеолит эрэ. Ростелеком -филиал эрэ, Мирнэйгэ бас бэринэр, Узел связи-Почта кылаабынай хонтуоралара Мирнэйгэ баар. ЭнергетиканыЗЭС Мирнэй бас билэр. Олус куhа5ан. Урут ВЭСкэ баара ордук этэ. Судмедэкспертсл ужба Нюрба5а баар. Билигин Розсельхозбан Сунтаарга сабылынна. Туох эмит боппуруоска биитэр кредити саппыккын туоhулуур печаттаах документ ыла Ньурба5а айанныыгын. Барыта негатив, барыта куhа5ан!

Category: Мэрия, районы, муниципалитеты | Views: 1317 | Added by: uhhan1

Total comments: 0

Only registered users can add comments.
[ Registration | Login ]

Сонуннар күннэринэн

« Ыам ыйа 2016 »
Бн	Оп	Сэ	Чп	Бт	Сб	Бс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Көрдөө (поиск)

Атын сирдэр

Create your own site

Ааҕыылар

Баар бары (online): 1

Ыалдьыттар (гостей): 1

Кыттааччылар (пользователей): 0