ИА «Yakutia24/Якутия24». Элбэх эрэйдээх Бyлyy Эбэ Хотун икки кытыллара ниэп-гаас туhугар сыбыытыыр геологическэй эспэдииссийэлэр ыырдарынан буолбуттара ыраатта. Бултуур, балыктыыр, сир астыыр сирдэрбит кыччаатар кыччаан иhэллэр. Байанайдаах хара тыабыт тобус-толору кэлии киhи, вездеход, быыска, боруопул, баахталар, скважина yyттyyр былаhааккалара. "Тэмэлдьигэн-вертушкалар" онтон-мантан сыбыытыыллар. Мин олорор Мииринэйим оройуонугар 11 ниэп-гаас тэрилтэтэ сабардыыр.

Олор истэригэр - " Мирныйнефтегаз", "Сюльдюкарнефтегаз", ООО " Недра", " Иркутская нефтяная компания", " Ростовнефтегаз", "Роснефть", " Дулисьма", Газпромгеологоразведка", " Газпром-Бурение", "Сургутнефтегаз", "Эвенкия-нефтегаз". Ыаллыы сытар Сунтаар Куокунутугар - Быйакы yрэх баhыгар "Газпром" чинчийэр-тургутар учаастак тэрийдэ. Ону алы гыммыттыы, Куокуну олохтоохторугар анаан кулууптарыгар мунньах ыыппыта буолбуттар.
Санатан эттэххэ, бу иккис мунньахтара.
Онтон туох да оруннаах быhаарыы олохтоох дьон туhугар сырдык элээн кыламнаабата.
Мииринэйгэ 2015 сыллаахха ахсынньыга "Сургутнефтегазтар" мунньахтарыгар сылдьыбытым. Онно бу хампаанньа эдэр испиэстэрэ Саха сирин билбэттэриттэн, онорбут барыллара букатын "сиикэйиттэн" бэркиhээбитим.
2016 сыл муус устарыгар "газпромнар" иккис кyннээ5и мунньахтарыттан Мииринэй оройуонун дьаhалтатын чиновниктара миигин тахсарбын модьуйбуттара.
Ол оннугар "Мирнинский рабочий", " Алмазнай кыраай" тэлэбиидэнньэ кэрэспэндьиэннэрин мунньахтарга толорутук сырытыннарбыттара, Таас-Yрэххэ вертолетынан илдьитэлээбиттэрэ.
Саамай абакката диэн, "Газпром" yлэhитэ мин тyлyпyеммyн хантан эрэ "булан", хабыр тылларынан кэпсэппитэ. Арассыыйа суруналыыстары харыстыыр холуобунай сокуонугар сигэммиппэр, кэпсэтии сурулла турарын эппиппэр эрэ, арыычча уоскуйбута.
Аны сатаатахха, бу ниэп геологтара элбэхтэрэ бэрт эбит. Холобур, Yehээ-Бyлyy улууhун сиригэр "Восточно-Сибирская геолого-техническая компания" геологтарын этэрээтэ олохсуйбута ыраатта. Бу дьон Тонгуо yрэх баhыттан Сиинэ баhыгар тиийэ сирдэри чинчийэллэр эбит. Горнай улууhун "Роснефть", Кэбээйи улууhун "Газпром" геологтара тургуппуттара быданнаата.
Олорбуппут сыччах. Дьэ хайдах кэм олохтоох дьонно саба "халыйан" иhэрэ биллибэт.

Станислав Алексеев. Мииринэй - Бyлyy - Дьокуускай.

Обсуждение

Хомойбут:
06.04.2017 11:25

Оттон биhиги - Саха сиригэр олохтоох дьон, Россия гражданнара ыраас ууга уонна ыраас эйгэ дуолугар, чуумпуга Конституционнай бырааптаах этибит дии? Баар суох ыраас yрэхтэрбитин., тыаларбытын, харчы сии, байа кэлбит дьон туhугар хаhаанны диэри туран биэрэбитий? Ханна баалларый бэйэбит региональнай былааспыт, дьокутааттарбыт ?!

Category: Земля. Недра | Views: 1176 | Added by: uhhan1

Total comments: 0

Only registered users can add comments.
[ Registration | Login ]

Сонуннар күннэринэн

« Муус устар 2017 »
Бн	Оп	Сэ	Чп	Бт	Сб	Бс
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

Көрдөө (поиск)

Атын сирдэр

Create your own site

Ааҕыылар

Баар бары (online): 3

Ыалдьыттар (гостей): 3

Кыттааччылар (пользователей): 0