Бу сир талбата (меню)
News topics
Политика.Митинги. Пикеты. Партии [900]
Мысли. Думы.Мнения, обсуждения, реплика, предложения [261]
Суд-закон.МВД.Криминал [1279]
Право, закон [323]
Экономика и СЭР [839]
Власть Правительство Ил Тумэн [1207]
Мэрия, районы, муниципалитеты [398]
Мега пректы, планы , схемы ,программы. ВОСТО [215]
Сельское хозяйство,Продовольствие. Охота и рыбалка [553]
Энергетика, связь, строительство.транспорт, дороги [154]
Коррупция [862]
Банк Деньги Кредиты Ипотека Бизнес и торговля. Предпринимательство [291]
Социалка, пенсия, жилье [276]
ЖКХ, строительство [132]
Образование и наука. Школа. Детсад [215]
Люди. Человек. Народ. Общество [221]
АЛРОСА, Алмаз. Золото. Драгмет. [669]
Алмазы Анабара [161]
http://alanab.ykt.ru//
Земля. Недра [240]
Экология. Природа. Стихия.Огонь.Вода [375]
СМИ, Сайты, Форумы. Газеты ТВ [154]
Промышленность [43]
Нефтегаз [284]
Нац. вопрос [284]
Соцпроф, Совет МО, Общ. организации [65]
Дьикти. О невероятном [183]
Выборы [661]
Айыы үөрэҕэ [92]
Хоһооннор [5]
Ырыа-тойук [22]
Ыһыах, олоҥхо [102]
Култуура, итэҕэл, искусство [365]
История, философия [237]
Тюрки [76]
Саха [152]
литература [41]
здоровье [463]
Юмор, сатира, критика [14]
Реклама [7]
Спорт [121]
В мире [86]
Слухи [25]
Эрнст Березкин [88]
Моё дело [109]
Геннадий Федоров [11]
BingHan [4]
Main » 2018 » Бэс ыйа » 11 » Ил Түмэн үөрэх сокуонугар уларытыылары утарда
Ил Түмэн үөрэх сокуонугар уларытыылары утарда
19:06

Ил Түмэн үөрэх сокуонугар уларытыылары утарда

Норуот депутаттара Саха Өрөспүүбүлүкэтин Ил Түмэнин XXXVII уочараттаах мунньаҕар «Россия Федерациятын үөрэх туһунан» Федеральнай сокуоҥҥа уларытыыны киллэрэр туһунан» (Россия Федерациятын норуоттарын тылларыттан уонна Россия Федерациятын састаабыгар киирэр өрөспүүбүлүкэлэр судаарыстыбаннай тылларыттан төрөөбүт тылы үөрэтэр өттүнэн) федеральнай сокуон барылын сүнньүнэн Саха Өрөспүүбүлүкэтин Ил Түмэнин уурааҕын барылын ырыттылар.

Бу сокуон барылын Россия Федерациятын Судаарыстыбаннай Думатын депутаттара оҥорбуттар.

 

Сокуон барылыгар төрөөбүт тыллары үөрэтии баҕа өттүнэн буолуохтаах диэн суруллар. Онон төрөөбүт тыл предметэ факультатив таһымыгар түһэн хаалар куттала үөскүүр.

 

Саха Өрөспүүбүлүкэтин Ил Түмэнин наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар кэмитиэтин бэрэссэдээтэлэ Антонина Григорьева сокуон барылын быһаарыы суругар Россия норуоттарыгар төрөөбүт тылы үөрэтэргэ төрөппүт ханнык тылы талан кумааҕыга сайабылыанньа суруйбутунан оҕо үөрэниэхтээҕин туһунан этиллэрин бэлиэтээтэ.

Бу сокуон барыла үгүс киһини, төрөппүттэри, учууталлары, ордук саха тылын учууталларын, уопсастыбаннай тэрилтэлэри долгутта. Норуот депутаттара сокуон барылын хас да төгүл көрдүлэр, үөрэттилэр, ырыттылар. Ыам ыйын бүтүүтэ Ил Түмэҥҥэ «Төрөөбүт тыллары сайыннарыыны уонна харыстааһыны сокуон өттүнэн хааччыйыыга этиилэр тустарынан» төгүрүк остуолга төрөөбүт төрүт тыл дьылҕатын туһугар долгуйар дьон сааланы толору мустан санааларын эппиттэрэ. Норуот, уопсастыбаннас, көҥүл түмсүүлэр Ийэ тылы харыстааһыҥҥа миитин тэрийбиттэрэ.

 

Ил Түмэн пленарнай мунньаҕар норуот депутаттара Егор Жирков, Иван Шамаев, Виктор Губарев, Владимир Федоров, Петр Аммосов, Евгения Михайлова, Жанна Егорова, Марфа Филиппова, Алиш Мамедов, Юрий Николаев сокуоҥҥа итинник уларыйыылар киирэллэрин утаралларын, суһаллык көннөрүүлэри оҥорон Судаарыстыбаннай Думаҕа докумуону ыыта охсор туһунан санааларын эттилэр.

 

Ил Түмэн Бэрэссэдээтэлэ Александр Жирков бу улахан сэрэхтээх федеральнай сокуон барыла оҥоһуллубутун, кини сүрүн балаһыанньалара ылылыннахтарына төрөөбүт тылы үөрэтиигэ эбии ыарахаттары үөскэтэр кыахтаахтарын анаан бэлиэтээтэ. Бу федеральнай сокуон барылын Судаарыстыбаннай Думаҕа баар бары фракциялар бэрэстэбиитэллэрэ – Биир

Ньыгыллар, Сиэрдээх Россиялар, Коммунистар уонна ЛДПР-дар кыттыһан оҥорбуттарын этэн туран, Александр Жирков Ил Түмэн бары фракциялара бэйэлэрин биир партияларын кытта үлэлэһэллэригэр, Саха Өрөспүүбүлүкэтин Ил Түмэнин этиитин туруулаһалларыгар ыҥырда.

 

Ил Түмэн спикерын этиитинэн, Россия Федерациятын Судаарыстыбаннай Думатыгар Ил Түмэн туруорсуутун тириэрдэр, хамыыһыйаларга үлэлиир сорудах сис кэмитиэт бэрэссэдээтэлэ Антонина Григорьеваҕа, 2004 сыллаахха Россия Федерациятын Президенэ Владимир Путин быыбарыгар итэҕэллээх киһитэ, 2012 сыллаахха ыытыллыбыт Владимир Путин быыбарыгар Саха сиринээҕи штаб салайааччыта, I-кы ыҥырыылаах Судаарыстыбаннай Дума депутата Егор Жирковка, Судаарыстыбаннай Дума депутата Галина Данчиковаҕа сүктэрилиннэ. Бу туһунан суругу Ил Түмэн спикерэ Судаарыстыбаннай Дума депутатыгар Федот Тумусовка эмиэ ыытта. Судаарыстыбаннай Думаҕа сокуон барылын дьүүллэһиигэ Александр Жирков эмиэ кыттыаҕа.

 

«Саҥа сокуон барыла элбэх утарсыыны көрсүөҕэ, ордук национальнай өрөспүүбүлүкэлэртэн. Өйөөччүлэр да аҕыйаҕа суох буолуохтара. Онон, сокуону төрөөбүт тылбыт туһатыгар, аҕыйах ахсааннаах омуктар тылларын мэктиэлиир гына хайысхалыырга үлэлиэхтээхпит», - диэтэ Александр Жирков.

 

Ил Түмэн Бэрэссэдээтэлин дьаһалынан Ил Түмэҥҥэ эмиэ сокуону кытта үлэлэһэр бөлөх тэрилиннэ. Бу бөлөххө Антонина Григорьева, Егор Жирков, Иван Шамаев, Евгения Михайлова уо.д.а депутаттар киирдилэр.

 

 

Ил Түмэн пресс-сулууспата

Category: Власть Правительство Ил Тумэн | Views: 1110 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Бэс ыйа 2018  »
БнОпСэЧпБтСбБс
    123
45678910
11121314151617
18192021222324
252627282930
Көрдөө (поиск)
Атын сирдэр
Ааҕыылар

Баар бары (online): 1
Ыалдьыттар (гостей): 1
Кыттааччылар (пользователей): 0
Copyright Uhhan © 2024