Бу сир талбата (меню)
News topics
Политика.Митинги. Пикеты. Партии [876]
Мысли. Думы.Мнения, обсуждения, реплика, предложения [215]
Суд-закон.МВД.Криминал [1199]
Право, закон [275]
Экономика и СЭР [797]
Власть Правительство Ил Тумэн [1113]
Мэрия, районы, муниципалитеты [373]
Мега пректы, планы , схемы ,программы. ВОСТО [184]
Сельское хозяйство,Продовольствие. Охота и рыбалка [506]
Энергетика, связь, строительство.транспорт, дороги [130]
Коррупция [833]
Банк Деньги Кредиты Ипотека Бизнес и торговля. Предпринимательство [261]
Социалка, пенсия, жилье [264]
ЖКХ, строительство [129]
Образование и наука. Школа. Детсад [208]
Люди. Человек. Народ. Общество [177]
АЛРОСА, Алмаз. Золото. Драгмет. [649]
Алмазы Анабара [161]
http://alanab.ykt.ru//
Земля. Недра [231]
Экология. Природа. Стихия.Огонь.Вода [345]
СМИ, Сайты, Форумы. Газеты ТВ [129]
Промышленность [43]
Нефтегаз [265]
Нац. вопрос [277]
Соцпроф, Совет МО, Общ. организации [65]
Дьикти. О невероятном [174]
Выборы [640]
Айыы үөрэҕэ [64]
Хоһооннор [5]
Ырыа-тойук [18]
Ыһыах, олоҥхо [89]
Култуура, итэҕэл, искусство [349]
История, философия [203]
Тюрки [76]
Саха [133]
литература [34]
здоровье [427]
Юмор, сатира, критика [11]
Реклама [7]
Спорт [121]
В мире [86]
Слухи [25]
Эрнст Березкин [88]
Моё дело [109]
Геннадий Федоров [11]
BingHan [4]
Main » 2020 » Атырдьах ыйа » 11 » Үүттээх таас
Үүттээх таас
15:05
Үүттээх таас
 
Ааспыт сыл олунньутугар Муомаҕа командировкаҕа сылдьыбытым. Ханна да сырыттарбын, түгэн көһүннэҕинэ, олохтоох түмэллэргэ хайаан да сылдьа сатааччыбын. Ол сиэринэн Улахан Чыыстай сэлиэнньэтигэр баар эбээн устуоруйатын уонна култууратын түмэлигэр сылдьыбытым.

Түмэлгэ араас эспэнээти сэргэ хас даҕаны үүттээх таас баара. Ол таастар тустарынан түмэл үлэһитэ Розалия Дегтярева бу курдук кэпсиир:
– Бу үүттээх эбэтэр атыннык эттэххэ, хайаҕастаах таастар сыталлар. Бу эбээн да саха да дьонугар былыр-былыргыттан улахан туһалаах таас диэн биллэллэр.
Үүттээх таастар тустарынан, быһыта-орута да буоллар, тугу билэрбин кэпсиэхпин сөп. Холобур, кэргэнниилэр олох арахсар турукка киирээччилэр дии. Ону тохтотор, салгыы эйэ дэмнээхтик олороллорун ситиһэр инниттэн кинилэр биир эмэ чугас киһилэрэ кистээн (иккиэннэриттэн) баттахтарын ылар. Ол баттахтары ылан холбуу өрөн, салгыы бииргэ олороллоругар алгыс тылы этэн баран, үүттээх тааһынан аһарыахтаах. Дьэ, оччоҕуна эрдии-ойохтуу дьон уоскуйаллар, эйэлэһэллэр.
Аны муннуҥ хаана олох тохтообот буоллаҕына – уокка ас кээһэҕин, көрдөһөҕүн уонна муннуҥ хаанын үүттээх тааскар таммалатаҕын. Дьэ, оччоҕуна хааныҥ тута тохтуур.
Ынах үүтэ олох кэлбэт буолан хаалааччы. Ону биһиги эмиийэ харар диэн ааттыыбыт. Оччотугар эмиэ Үөһээ Айыылартан көрдөһөҕүн уонна ынаххын үүттээх тааһынан ыыгын. Бу кэнниттэн ынах үүтэ үчүгэйдик кэлэр буолар.
Биһиги олох үтүөрбэт курдук ыалдьыбыт, анараа дойдуга аттанара чугаһаабыт киһини “кута куоппут” диэн ааттааччыбыт. Ону улахан айдарыылаах дьон үүттээх тааһынан кутун хомуйан, киһини чөл оҥорон үтүөрдэллэр үһү диэн баар. Чэ, ити курдук, билэрим диэн.
– Мааҕын өссө саҥа сиргэ туттуллуутун туһунан кэпсээбитиҥ дии.
– Саҥа сиргэ кэлээт, сири-дойдуну үүттээх тааһынан көрдөххүнэ, бу таас эйигин арчылыыр, араҥаччылыыр. Ол иһин билбэт сиргэр-дойдугар тиийэргэр, кыаллар буоллаҕына, үүттээх тааһы илдьэ сылдьаҕын. Сорох дьон төрөөбүт сирдэриттэн өр кэмҥэ тэйэллэр. Ити кэнниттэн дойдугар бараргар үүттээх тааһы булан баран барыахтааххын.
– Розалия Гаврильевна, бэрт үчүгэйдик кэпсиигин дии, оттон бэйэҥ тус олоххор үүттээх тааһы туһаммыт түгэннэрдээххин дуу?
– Тус бэйэм суох, ол эрээри тастыҥ убайым туһаммыта. Кини оҕолоруттан биирдэрэ кэргэниттэн арахсарга туруммут. Төһө эмэ кэпсэтэ, эйэлэһиннэрэ, бэл дьаһалтаҕа да быһаартара сатаабыттар. Өр сыл бииргэ олорбут, оҕолоро үөһэ кылаастарга үөрэнэр ыал. Ону, оттон убайым үүттээх тааһы туһаннаҕа дии. Билигин этэҥҥэ олороллор.
– Ол дьон бэйэлэрэ убайыҥ итинник гыммытын билбэттэр дуо?
– Суох буоллаҕа дии, итинниги чып кистэлэҥинэн, бары сиэри-туому толорон, уокка ас кээһэн, көрдөһөн туран оҥоруохтааххын.
Итинник кэпсээбитэ Улахан Чыыстай кырдьаҕас олохтооҕо Розалия Дегтярева.
Category: Айыы үөрэҕэ | Views: 151 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Атырдьах ыйа 2020  »
БнОпСэЧпБтСбБс
     12
3456789
10111213141516
17181920212223
24252627282930
31
Көрдөө (поиск)
Атын сирдэр
Ааҕыылар

Баар бары (online): 18
Ыалдьыттар (гостей): 18
Кыттааччылар (пользователей): 0
Copyright Uhhan © 2020