Бу сир талбата (меню)
News topics
Политика.Митинги. Пикеты. Партии [900]
Мысли. Думы.Мнения, обсуждения, реплика, предложения [261]
Суд-закон.МВД.Криминал [1279]
Право, закон [323]
Экономика и СЭР [839]
Власть Правительство Ил Тумэн [1207]
Мэрия, районы, муниципалитеты [398]
Мега пректы, планы , схемы ,программы. ВОСТО [215]
Сельское хозяйство,Продовольствие. Охота и рыбалка [553]
Энергетика, связь, строительство.транспорт, дороги [154]
Коррупция [862]
Банк Деньги Кредиты Ипотека Бизнес и торговля. Предпринимательство [291]
Социалка, пенсия, жилье [276]
ЖКХ, строительство [132]
Образование и наука. Школа. Детсад [215]
Люди. Человек. Народ. Общество [221]
АЛРОСА, Алмаз. Золото. Драгмет. [669]
Алмазы Анабара [161]
http://alanab.ykt.ru//
Земля. Недра [240]
Экология. Природа. Стихия.Огонь.Вода [375]
СМИ, Сайты, Форумы. Газеты ТВ [154]
Промышленность [43]
Нефтегаз [284]
Нац. вопрос [284]
Соцпроф, Совет МО, Общ. организации [65]
Дьикти. О невероятном [183]
Выборы [661]
Айыы үөрэҕэ [92]
Хоһооннор [5]
Ырыа-тойук [22]
Ыһыах, олоҥхо [102]
Култуура, итэҕэл, искусство [365]
История, философия [237]
Тюрки [76]
Саха [152]
литература [41]
здоровье [463]
Юмор, сатира, критика [14]
Реклама [7]
Спорт [121]
В мире [86]
Слухи [25]
Эрнст Березкин [88]
Моё дело [109]
Геннадий Федоров [11]
BingHan [4]
Main » 2018 » Олунньу » 9 » Ил Түмэн III ыҥырыытын спикерэ Ньургун Тимофеев төрөөбүтэ 55 сылын туолла
Ил Түмэн III ыҥырыытын спикерэ Ньургун Тимофеев төрөөбүтэ 55 сылын туолла
23:59

Ил Түмэн III ыҥырыытын спикерэ Ньургун Тимофеев төрөөбүтэ 55 сылын туолла

Саха Өрөспүүбүлүкэтин судаарыстыбаннай уонна уопсастыбаннай деятелэ, Саха Өрөспүүбүлүкэтин III ыҥырыылаах Судаарыстыбаннай Мунньаҕын (Ил Түмэн) бэрэссэдээтэлэ, техническэй наука кандидата, Саха Өрөспүүбүлүкэтин норуотун хаһаайыстыбатын үтүөлээх үлэһитэ, «Россия национальнай Олимпа» Бүтүн Россия уопсастыбаннай бириэмийэтин «Сыл спикера» бочуоттаах аатын лауреата, Нам улууһун уонна Өлөөн национальнай оройуонун бочуоттаах гражданина Ньургун Семенович Тимофеев төрөөбүтэ 55 сылыгар аналлаах тэрээһин Нам улууһун киинигэр ыытылынна.

 

Нам улууһун киинигэр өрөспүүбүлүкэтээҕи оҕо спортивнай оскуолатыгар Ньургун Семенович чугас дьоно, алтыспыт доҕотторо, үөлээннээхтэрэ, Ил Түмэн III ыҥырыытын депутаттара, улуус олохтоохторо түмсэннэр кини олорон ааспыт олоҕун, таһаарыылаах үлэтин ахтан-санаан аастылар. Тэрээһин саҕаланыытыгар мустубут дьон кини сырдык кэриэһигэр сүгүрүйэн сүһүөхтэригэр турдулар.

 

Ахтыы киэһэни Нам улууһун баһылыга Александр Атласов иилээн-саҕалаан ыытта. Кини бэйэтин этиитигэр Ньургун Семенович Тимофеев үлэтэ бүүс-бүтүннүү Саха Өрөспүүбүлүкэтин, улууһун бар дьонугар, эдэр кэскилигэр-ыччатыгар анаммытын аҕынна. «Биир дойдулаахпыт, ытыктыыр киһибит туһунан үтүө өйдөбүл биһиги өйбүтүгэр-санаабытыгар өрүү баар», - диэн эттэ.

 

Саха Өрөспүүбүлүкэтин Ил Түмэн Судаарыстыбаннай Мунньаҕын судаарыстыбаннай тутулга, сокуоннаска сис кэмитиэтин салайааччыта Алексей Еремеев биир дойдулааҕа Ньургун Семеновыһынан киэн туттарын эттэ. «Кини Ил Түмэҥҥэ икки төгүл депутатынан талыллан үлэлээбитэ. III ыҥырыылаах Мунньах Бэрэссэдээтэлин быһыытынан парламент сайдыытыгар бэйэтин сүҥкэн кылаатын киллэрбитэ. Ити сылларга өрөспүүбүлүкэбитигэр алмаас хостооһунугар, нефть уонна гаас эйгэлэригэр, социальнай-экономическай сайдыыга үгүс өрүттээх үлэ ыытыллыбыта. Кини дойдутун Намын сирин-уотун, олохтоохторун эрэ туһугар буолбакка, бүтүн өрөспүүбүлүкэ дьонун туһугар долгуйара. Үгүһү толкуйдуура, ыралыыра. Ыччат дьон туһугар, кинилэр инникилэрэ сырдык буоллар ханнык диэн баҕарара. Ол биир туоһутунан спикердыы олорон ыччат парламенын тэрийбитэ буолар», - диэн Алексей Еремеев бэлиэтээтэ.

 

«Ньургун Тимофеев Ил Түмэн иһинэн бэрэстэбиитэллээх уорганнар олохтоох салайыныыларын сэбиэтин тэрийбитэ. Судаарыстыбаннай Мунньах

кини салайар сылларыгар норуокка аһаҕас буолбута. Улуустарга Ил Түмэн күннэрэ ыытыллаллара. Ньургун Семенович дьаһалынан Ил Түмэн пресс-сулууспата тэриллэн үлэтин саҕалаабыта. Пленарнай мунньах кэннэ парламент спикерэ суруналыыстарга анаан пресс-конференция ыытара. Бу оччолорго саҥа көстүү этэ. 2005 сыллаахха Ил Түмэҥҥэ уопсастыбаннай приемнай диэн баар буолбута. Манна нэһилиэнньэ туруорсар боппуруостарынан эрдэ суруйтаран приемҥа киирэрэ», - диэн сис кэмитиэт бэрэссэдээтэлэ эттэ.

 

Салгыы Алексей Ильич Ньургун Семенович айылҕаттан салайар талааннааҕын, уһуну-киэҥи, ырааҕы көрөн толкуйдуурун, биир дойдулаахтарыгар, намнарга өйөбүл-тирэх буолбутун, кини оҥорбут үтүө суола хаһан да умнуллубатын эттэ. Кэнчээри ыччат кини туһунан билиэхтээх, тэлбит суолун, үлэтин холобур оҥостуохтаах диэн түмүктээтэ.

 

"АЛРОСА" акционернай хампаанньа бэрэстэбиитэлистибэтин дириэктэрин солбуйааччы Борис Мордовской Ньургун Тимофеев Саха сиригэр алмаас промышленноһа сайдыытыгар киллэрбит кылаатын бэлиэтээн туран, кини аата иҥэриллибит 91,76 карат ыйааһыннаах алмаас куоппуйатын экспонат быһыытынан улуус баһылыгар Александр Атласовка туттарда.

 

Үтүө киһи туһунан Саха Өрөспүүбүлүкэтин Конституционнай суутун бэрэссэдээтэлэ Александр Ким-Кимэн, Саха Өрөспүүбүлүкэтин муниципальнай тэриллиилэрин Сэбиэтин толорооччу дириэктэрэ Дмитрий Горохов, «АЛРОСА» акционернай хампаанньа бэрэстэбиитэлистибэтин дириэктэрин солбуйааччы Борис Мордовской, Нам улууһун бэтэрээннэрин Сэбиэтин бэрэссэдээтэлэ Михаил Баишев, Нам улууһуттан төрүттээхтэр Дьокуускайга түмсүүлэрин бэрэссэдээтэлэ,Саха Өрөспүүбүлүкэтин II ыҥырыылаах Судаарыстыбаннай Мунньаҕын (Ил Түмэн) депутата Гаврил Местников, Ньургун Семенович эдьиийэ Надежда Иванова уонна да атыттар сылаас тылларынан аҕыннылар. Ньургун Тимофеев аатын үйэтитиигэ үлэни саҕалаабыт Ил Түмэн спикерэ Александр Жирковка махталларын тириэртилэр.

 

Ахтыы киэһэҕэ Нам улууһун уопсастыбаннаһа Ньургун Тимофеев аатын Намҥа баар өрөспүүбүлүкэтээҕи оҕо спортивнай оскуолатыгар иҥэрэри туруорустулар. Мустубут дьон бу этиини өйөөтүлэр.

 

Саха Өрөспүүбүлүкэтин Ил Түмэнин Бэрэссэдээтэлэ Александр Жирков «АЛРОСА» компания салалтатыгар 2017 сыл ахсынньы 19 күнүнээҕи суругар судаарыстыбаннай уонна уопсастыбаннай деятель, Саха сиригэр алмааһы кырыылыыр уонна ювелирнай промышленноһы төрүттээччилэртэн биирдэстэрэ Ньургун Семенович Тимофеев аатын алмааска иҥэрэр туһунан туруорсубута.

 

«АЛРОСА» президенин эбээһинэһин толорооччу Игорь Соболев илии баттааһыннаах бирикээһэ тахсан, Айхаллааҕы хайаны байытар комбинат 8 №-дээх фабрикатыгар «Юбилейнай» трубкаттан 2017 сыл ахсынньы 14 күнүгэр көстүбүт 91,76 карат ыйааһыннаах бөдөҥ алмааска Саха Өрөспүүбүлүкэтин Ил Түмэнин III ыҥырыытын Бэрэссэдээтэлэ Ньургун Тимофеев аата иҥэриллибитэ.

 

Мустубут дьон Александр Окоемов аатынан «Мичээр» Россия образцовай, норуодунай ансаамбылын толоруутугар «Эҕэрдэ үҥкүүтүн», Дмитрий Алексеев аатынан I Хомустаах орто оскуолатын үөрэнээччилэрин толоруутугар литературнай дьүһүйүүнү сэргии көрдүлэр, иһиттилэр.

 

Үтүө киһи аата үйэлэргэ өлбөөдүйбэт. Ньургун Семенович Тимофеев аата, кини сырдык мөссүөнэ үйэ-саас тухары умнуллубат, истиҥ тылынан ахтылла туруоҕа.

 

Ил Түмэн пресс-сулууспата

Category: Власть Правительство Ил Тумэн | Views: 806 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Олунньу 2018  »
БнОпСэЧпБтСбБс
   1234
567891011
12131415161718
19202122232425
262728
Көрдөө (поиск)
Атын сирдэр
Ааҕыылар

Баар бары (online): 7
Ыалдьыттар (гостей): 7
Кыттааччылар (пользователей): 0
Copyright Uhhan © 2024