Алроса газовай активтарын Новатэк диэн Минхельсон олигарх бас билэр тэрилтэтигэр атыылаабыт, ол харчытынан Алроса Нюрба баар долябытын атыыл - 22 Февраля 2018

Main » 2018 » Олунньу » 22 » Алроса газовай активтарын Новатэк диэн Минхельсон олигарх бас билэр тэрилтэтигэр атыылаабыт, ол харчытынан Алроса Нюрба баар долябытын атыыл

Алроса газовай активтарын Новатэк диэн Минхельсон олигарх бас билэр тэрилтэтигэр атыылаабыт, ол харчытынан Алроса Нюрба баар долябытын атыыл	13:27
Алроса газовай активтарын Новатэк диэн Минхельсон олигарх бас билэр тэрилтэтигэр атыылаабыт, ол харчытынан Алроса Нюрба баар долябытын атыылаһан ылар буолбут, маны ааҕан баран маннык түмүккэ кэллим. Былыр былыргаттан сахалар бэйэбитин дьаһанан олоруохпутун баҕарар норуот быһыытынан биллэбит, Аммосов, Ксенофонтов, Ойуунускай, Барахов үлэ бөҕө ыытан 1922 сыллаахха автономия буолбуппут, 1927 сыллаахха ити дьоммут союзнай республика оҥоро сатаабыттара, ол содула репрессия буолар. 1992 сыллаахха Николаев туспа дьаһанан олорор суверенитет оҥостобут, сиртэн хостонор баайбыт, ол эбэтэр алмаз 20%, көмүс 11,4% саха сиригэр хааларын туһунан илии тутуһабыт, 1992-2002 сылга диэри бэйэбитин көрүнэн олорбуппут, социальнай объект бөҕөтө тутуллубута, үөрэх, наука, медицина, тыа хаһаайыстыбатын сайыннарыыга сүҥкэн үлэлэр ыытыллыбыттара, дьэ онтон 2002 сылтан Штыров Путины кытта Саха сирин хостонор баайын барытын Путин доҕотторугар атыылаан, бу биһиги чулуу уолаттарбыт олохторун ууран туран оҥорбут үлэлэрин 4 сыл иһигэр имири эһэн, күн бүгүн биир да хостонор сир баайын бас билбэт норуота оҥордо. Миллиардынан хостонор сир баайын барытын саха сириттэн таһаара олорон дотация биэрэллэр, ол дотацияларын отчет бөҕө оҥорон, көмүскээн кэлэр Борисов, биһиги былыргы уолаттарбыт, өбүгэлэрбит, саха норуотун чулуу өйдөөх уолаттарбыт үлэлэрин имири сотон олорор дьон буоллубут, кэлэр кэнэҕэски ыччакка тугу хаалларабыт? Саха сайдарыгар, сиртэн хостонор баайыгар сытар, промышленность, тыа хаһаайыстыбата сайдарыгар биһиэхэ харчы уонна өйдөөх, сахалары түмэр, чаҕылхай киһи наада. Холобура биһиэхэ сиртэн хостонор баайбыт 20% хаалара буоллар, биһиги бэйэбит газ хостуо этибит, бэйэбит, алмаас, сурьма, көмүс, уран, нефть, таас чох хостоон эргиниэ этибит, оччоҕо биирдэ сайдыы барар, сахалар сайдыбатыннар, биһигиттэн тутулуктаах буоллуннар диэн, биһиги көмүс, алмаас, нефть, газ хостуур тэрилтэлэрбитин эстилэр, Нижне-Ленскайы Алмазы Анабара күүстэринэн холбоон, онтон Алмазы Анабара Алросаҕа сыбаатылар, нефть, газ хостуур тэрилтэбитин ННГК Саханефтегаз банкрот оҥордулар, лицензиятын, газ хостуур сирбитин дагестаннарга атыылаатылар, таас чох хостуур тэрилтэбитин Мечел ылла, нефть хостуур лицензияны Сургутнефтегазка атыылаатылар, сахалар турбабытын тутан хааллыбыт. Көмүс хостуур тэрилтэбитин Полюс золото компания атыылаһан ылла, сурьма хостуур Сарылаах сурьма, Звезда тэрилтэни Геопромайнинг диэн Поваренкин олигарх атыыласпыта. Билигин Сахатранснефтегаз бэйэтэ газ хостуон үбэ тиийбэт, гааһы барытын дагтартан атыылаһан олоробут. Дьэ арай сиртэн хостонор баайбыт 20% хаалара буоллар, биһиги тэрилтэ тэринэн, үптээн, сиртэн хостонор баайбытын бэйэбит хостуо этибит, оччоҕо үлэ миэстэтэ тахсан, кэлэр үп саха сиригэр хаалан, сайдыы барыа этэ. Атын норуот сайдарын туһугар атын омук кыһаллыа суоҕа, кэлэр кэнэҕэски ыччакка сиилэтэр, үөҕүллэр норуот буолаары гынныбыт. Хамсааһын таһааран урукку суверинитеппытын сөргүтэр, уонна Россияны кытта саҥа соглашения түһэрсэр кэм кэллэ диибин. Куорат киһитэ.
Category: Мысли. Думы.Мнения, обсуждения, реплика, предложения \| Views: 1331 \| Added by: uhhan1

Total comments: 0

Only registered users can add comments.
[ Registration | Login ]

Сонуннар күннэринэн

« Олунньу 2018 »
Бн	Оп	Сэ	Чп	Бт	Сб	Бс
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28

Көрдөө (поиск)

Атын сирдэр

Create your own site

Ааҕыылар

Баар бары (online): 1

Ыалдьыттар (гостей): 1

Кыттааччылар (пользователей): 0