Өрөспүүбүлүкэбитигэр Онкология киинэ тутуллара олус суолталаах уонна тыҥаан турар боппуруос дии саныыбын.

Билигин бу диспансер сүрүн бырааһынан Лена Николаевна Афанасьева үлэлиир. Мин кинини букатын эдэр исписэлиис сылдьан Онкология киинин туруорсарын саҕаттан билэбин. Мунньахтарга сылдьан көрсөбүт. Лена Афанасьева бу боппуруоһунан бэрт өрдөөҕүттэн уонна ыкса ылсан дьарыктанар.

Кини билигин Дьокуускайга олорон бүттүүн өрөспүүбүлүкэбит олохтоохторун доруобуйатын туһугар үлэлиир, улуустарга искэн ыарыытын туругун эҥкилэ суох билэр. Кини баччааҥҥа диэри оҥорон кэлбит үлэтинэн, дьулуурунан-дьоҕурунан бэйэтин кыаҕын-таһымын толору көрдөрбүт эрэллээх киһи.

Кини курдук толкуйдаах, ырааҕы көрөр, боппуруоһу сөптөөхтүк туруорар уонна үөскээбит уустуктары туоратар дьоҕурдаах дьону биһиги хайаан да өйүөх, көмөлөһүөх тустаахпыт.
За врача, за Лену Афанасьеву! http://uhhan.ru/news/2020-09-07-17318