| News topics |
|
Политика.Митинги. Пикеты. Партии
[900]
|
|
Мысли. Думы.Мнения, обсуждения, реплика, предложения
[263]
|
|
Суд-закон.МВД.Криминал
[1281]
|
|
Право, закон
[323]
|
|
Экономика и СЭР
[840]
|
|
Власть Правительство Ил Тумэн
[1208]
|
|
Мэрия, районы, муниципалитеты
[400]
|
|
Мега пректы, планы , схемы ,программы. ВОСТО
[215]
|
|
Сельское хозяйство,Продовольствие. Охота и рыбалка
[557]
|
|
Энергетика, связь, строительство.транспорт, дороги
[155]
|
|
Коррупция
[862]
|
|
Банк Деньги Кредиты Ипотека Бизнес и торговля. Предпринимательство
[293]
|
|
Социалка, пенсия, жилье
[277]
|
|
ЖКХ, строительство
[132]
|
|
Образование и наука. Школа. Детсад
[215]
|
|
Люди. Человек. Народ. Общество
[225]
|
|
АЛРОСА, Алмаз. Золото. Драгмет.
[672]
|
|
Алмазы Анабара
[161]
http://alanab.ykt.ru//
|
|
Земля. Недра
[240]
|
|
Экология. Природа. Стихия.Огонь.Вода
[379]
|
|
СМИ, Сайты, Форумы. Газеты ТВ
[158]
|
|
Промышленность
[43]
|
|
Нефтегаз
[284]
|
|
Нац. вопрос
[284]
|
|
Соцпроф, Совет МО, Общ. организации
[65]
|
|
Дьикти. О невероятном
[183]
|
|
Выборы
[661]
|
|
Айыы үөрэҕэ
[106]
|
|
Хоһооннор
[5]
|
|
Ырыа-тойук
[23]
|
|
Ыһыах, олоҥхо
[106]
|
|
Култуура, итэҕэл, искусство
[366]
|
|
История, философия
[242]
|
|
Тюрки
[76]
|
|
Саха
[159]
|
|
литература
[42]
|
|
здоровье
[468]
|
|
Юмор, сатира, критика
[14]
|
|
Реклама
[7]
|
|
Спорт
[123]
|
|
В мире
[86]
|
|
Слухи
[25]
|
|
Эрнст Березкин
[88]
|
|
Моё дело
[109]
|
|
Геннадий Федоров
[11]
|
|
BingHan
[4]
|
|
|
Main » 2025 » Кулун тутар » 12 » Киһи оҥоруутун, ыйааҕын айааччы таҥаралар Одун уонна Чыҥыс буолаллар.
Киһи оҥоруутун, ыйааҕын айааччы таҥаралар Одун уонна Чыҥыс буолаллар. | 11:15 |
Афанасьев Л.А.-Тэрис «Олоҥхоҕо киһи анала» кинигэтигэр «Дьылҕа кинигэтин» өйдөбүлүн аныгылыы ырытыы
Биллэрин курдук, бүтэһик кэмҥэ, квантовай физика уонна астрофизика билимнэригэр элбэх саҥа уларыйыылар таҕыстылар. Ол уларыйыылары ордук чиҥ, ол, эбэтэр, көстөр-биллэр «классическай» айылҕаны кытта буолбакка, квантовай эйгэ өрүттэрин үөрэтиитин кытта сибээстииллэр.
Тэрис «Дьылҕа кинигэтин» туһунан суруйарыгар үс биһиктэн биирдэригэр бухатыыр таҥхата түһэн Бөҕөлүкээн эмээхсин бигээн ханнык бухатыыр үөскээбитэ биллэр. Оҕо төрөөтө да Таҥха Хаан Тойон таҥаралар бары сүбэлэспиттэрин кэннэ дьылҕатын суруйан кээһэр эбит. Манна көстөрүнэн, бастаан таҥха ханна түһүөн биллибэт, кэлин эрэ оҕо дьылҕатын суруйаллар эбит. Онон, супердетерминизм, аан дойдуга эрдэттэн барыта быһаарыллыыта диэн манна суох, бастаан туох буолуон биллибэт түгэнэ баара көстөр. Итиннэ квантовай суперпозиция бүдүмүк, ол, эбэтэр неопределеннай туруга баара көстөр, өйдөөх өттө одуулуон иннинэ бары суолу барытын илдьэ сылдьар таҥара туруга. Хайдах сатаммытынан төлкөтүн бадахтааһына билбитинэн быһаарыллар. Ити эрэ кэннэ бырагырааммата, дьайыыта, эрдэттэн иитиллибит ис иитиитин батыһар буолар, ханнык айыылартан төрүттээҕинэн, ханнык халлааннартан тардыылааҕынан.
Аны туран, үөһээ дойдуга төрөөбүт бухатыыр аналын дьэҥкэтик билэр, орто дойдутааҕы бухатыыр буоллаҕына, кимтэн эмэ ыйытан, биитэр, кэлин бэйэтэ билэр эбит. Дьиҥинэн, олоҥхолору көрдөххө, Үрүҥ Айыы Тойон биэрэр ийэ куттара бары биир кэмҥэ – сир-халаан айыллар кэмигэр үөскээбит уонна көстөн-биллэн тахсар кэмнэрин кэтэһэ сыталлар буолаллар диир, Тэрис. Ол да буоллар, ийэ куту Үрүҥ Айыы Тойон тута оҥорон биэрэрэ дуу, сир-халлаан айыллыбыт кэмигэр оҥорбутун биэрэрэ дуу, биллибэт, диир. Онон, ити куттар чиҥ айылҕаҕа көстүүлэрэ эмиэ даҕаны кэмэ-кээмэйэ биллибэт. Ити эмиэ, квантовай түөрүйэни кытта силбиһэр, Айыы Үөрэҕэр этиллэринэн толору билиини Үрүҥ Айыы Тойон эрэ илдьэ сылдьар, биһиги ис таайыкпытынан эрэ удумаҕалатыахпытын сөбүн көрдөрөр. Манна, илиҥҥи омуктар итэҕэллэрин өйдөбүллэрин кытта тэҥнээн көрдөххө, каарма, сэт-сэлээн баара биллэр да, төрүөт-содул, ол, эбэтэр причинно-следственнай сибээс соччо-бачча оруолу ооньообот. Тэрис этэр: «Дьылҕабыт айыылартан кэлэр. Ол аата тохсус халаантан кэлэр», диир.
Сорох сүдү бухатыырдар төрөөбүттэрэ ырааппыт эрээри, кэмигэр диэри сир халлаан түгэҕэр тимир ампаарга ап-чарай быанан кэлгиллэн хаалла сыталлар. Бухатыырдар бэйэлэрин кэмнэрин сүрүн соругун толороллор, суоһаабыт абааһылары самнараннар дьоллоох олоҕу оҥоруу буолар. Хас биирдии кэрдии кэм аайы онно тоҕоостоох абааһы үөскээбитин самнара туруохтаахтар. Манна, квантование времени уонна квант процессорного времени диэн өйдөбүл киирэн биэрэр, былаан алгоритмын ситимэ быһынна да, салайыыта атын оннукка майгылыыр ситимҥэ бэриллэр. Атыннык эттэххэ, хас кэм-кэрдии аайы киһи-аймаҕы тургутуу саба салҕанан бара турар уонна анал абааһы уонна кинини самнарар айыы бухатыыра төрүү тураллар диэн. Ити олоҥхо олоҕо бэт кылгас кээмэйдээҕин туоһута буолар, квантовай эйгэҕэ кэми-кэрдиини наардааһын барарын көрдөрөр, оннук эйгэ киһи геннарын тиһиллиитин бытархай усталаах кэмнэрин саҕана үлэлиир. Инньэ гынан, кырдьык, кинигэ аннотациятыгар суруллубутунан, олоҥхо «создано для защиты генетической цельности человека» буолан тахсар, уонна, онно, киһи геннарыгар, мэйиитигэр ааһар сүрэл дьайымалын (духовная деятельность) кытта ситимнээх дьайыктарыттан (операции) үөскүүр.
Тэрис, Айыы өттүн утарар киһи-аймаҕы эһэр тосхоллоох үс абааһы халлааннара баарын ахтар, онно абааһы бырагарааммата үөскүүр диир. Оттон айыы бырагырааммата Айыы дойдутугар үөскүүр уонна Сиэллээх Сиэги Маҥан аартыгынан кэлэр. Дьэ, бу утарыта турар бырагырааммалар хас биирдиилэрэ барыта соҕотох киһи иһигэр буһар буолаллар. Ол иһин айыы бухатыыра аармыйаламмакка эрэ соҕотох сылдьан соҕотох абааһы уолун кытта киирсэр, ол иһин, холобура, Арбаҕастаах Арсан Дуолай оҕонньор икки Адаҕалаах Ала буурай эмээхсин өлбөт үөстээхтэр. Ити барыта киһи иһигэр төрүкү угулла сылдьар майгылара буолаллар. Сырдык уонна хара дьай киирсиилэрэ барыта киһи иһигэр бэйэтигэр барар, халлааннар барылара киһи иһигэр бэйэтигэр саһыарылла сылдьаллар.
Тэрис.
Киһи оҥоруутун, ыйааҕын айааччы таҥаралар Одун уонна Чыҥыс буолаллар.
Кинилэр ахсыс халлааҥҥа олороллор. Былыргыттан бу икки таҥара бииргэ ааттанар идэлээхтэр. Кинилэри биһиги саамай ыраах олорор таҥаралар быһыытынан билинэбит.
Саамай оройго Үрүҥ Айыы Тойон олорор. Онтон аллараа ахсыс халлааҥҥа кинилэр олороллор. Биһиги Одуну уонна Чыҥыһы улахан айыылар быһыытынан билинэбит.
Киһи олоҕо кинилэринэн бүтэр. Ол аата биһиги олохпут ахсыс халлаанынан бүтэр. Онтон үөһэ кыайан тахсыбаппыт. Тоҕо диэтэххэ биһиги өлөр айылҕалаахпыт. Онтон таҥаралар – ол аата айыылар, – өлбөттөр. Кинилэр ол иһин бары тохсус халлаантан төрүттээхтэр.
Норуот кэпсээнигэр этиллэр: алларааҥҥы айыылар бары Үрүҥ Айыы Тойон оҕолоро буолаллар. Ол аата бары тохсус халлааҥҥа төрөөбүттэр. Ол иһин кинилэр өлөр диэни билбэттэр. Онтон алларааҥҥы халлааннарга тоҕо түспүттэрэй? Кинилэр киһи таһымыгар сөп түбэһиэхтээхтэр. Ол иһин алларааҥҥы аҕыс халлаан устун олохсуйбуттар.
Биһи ахсыс халлаантан төрүттээхпит. Тохсус халлаан буолбатах. Киһи айыылартан биир улахан уратыламмыт. Айыылар хаһан да өлбөт буоллахтарына, киһи өлөр. Киһи ийэ кута эрэ үөһэттэн кэлэр. Тохсус халлаантан кэлэр. Ол иһин биһиги айыы айылҕалаахпыт. Биһиэхэ таҥара тыына баар. Ахсыс халлааҥҥа айыллыбыппыт бэлиэтэ диэн буор куттаахпыт. Ити куппут ахсыс халлааҥҥа айыллар эрэ. Кини орто дойдуга түһэн киһи буолар.
Киһи оччоҕо тугунан ахсыс халлааҥҥа тиийэрий?
Биһиги иитиллэр куппут салгын кут дэнэр. Биһиги үөһэттэн айыллыбыт буоллахпытына, салгын куппут аллараттан үөһэ тахсар. Кини итинник тахсан саамай улаатан ахсыс халлааҥҥа тиийэр. Ол аата дьылҕабытын, оҥоһуубутун билэр буолабыт. Үгүс киһи ити халлааҥҥа кыайан тиийбэт. Онон дьылҕатын, оҥоһуутун билбэт.
Ханнык баҕарар киһи дьылҕата ахсыс халлааҥҥа оҥоһуллар. Онон кини олоҕун быата онтон тутулуктаах буолар. Ол гынан баран ол тутулугун сорох киһи олох да билиэ суоҕун сөп. Сорох дьон билэллэр. Ким халлааны толору баһылаабыт ол тутулуга ол халлаантан диибит. Ахсыс халлааҥҥа ким да тиийбэт кэриэтэ. Ол иһин ити халлаантан тутулуктаах диэбэппит. Ол гынан баран кини бастакы төрдө син биир итинтэн тахсар.
Киһи дьылҕатын үксүн өйдөөбөт. Сорох киһи ханнык эрэ бэлиэнэн таайыан сөп. Онтон сорох киһи тугу да билбэт. Ити буолар биһиги ахсыс халлааны баһылыы иликпит. Толору баһылыахпыт дии саныахха да сатаммат. Дьылҕабыт айыылартан кэлэр. Ол аата тохсус халлаантан кэлэр.
Одун киһи оҥоруутун оҥорор. Онтон Чыҥыс киһи ыйааҕын оҥорор. Кинилэр ойуу-бичик халлаан анныгар олоролор диэн ааттанар. Ити хантан кэлэрий? Киһи дьылҕатын от-мас иччилэрэ Ойуу-Бичик оҕолор суруйаллар. Кинилэр суруктара ойуу-бичик буолан окко-маска иҥэр дииллэр. Ити сурук үөһэ тахсан Одун уонна Чыҥыс халлааннара буолар...
|
|
Views: 197 |
Added by: uhhan1
|
|
|
| Ааҕыылар |
Баар бары (online): 62 Ыалдьыттар (гостей): 62 Кыттааччылар (пользователей): 0 |
|
