| News topics |
|
Политика.Митинги. Пикеты. Партии
[900]
|
|
Мысли. Думы.Мнения, обсуждения, реплика, предложения
[261]
|
|
Суд-закон.МВД.Криминал
[1279]
|
|
Право, закон
[323]
|
|
Экономика и СЭР
[839]
|
|
Власть Правительство Ил Тумэн
[1207]
|
|
Мэрия, районы, муниципалитеты
[398]
|
|
Мега пректы, планы , схемы ,программы. ВОСТО
[215]
|
|
Сельское хозяйство,Продовольствие. Охота и рыбалка
[553]
|
|
Энергетика, связь, строительство.транспорт, дороги
[154]
|
|
Коррупция
[862]
|
|
Банк Деньги Кредиты Ипотека Бизнес и торговля. Предпринимательство
[291]
|
|
Социалка, пенсия, жилье
[276]
|
|
ЖКХ, строительство
[132]
|
|
Образование и наука. Школа. Детсад
[215]
|
|
Люди. Человек. Народ. Общество
[221]
|
|
АЛРОСА, Алмаз. Золото. Драгмет.
[669]
|
|
Алмазы Анабара
[161]
http://alanab.ykt.ru//
|
|
Земля. Недра
[240]
|
|
Экология. Природа. Стихия.Огонь.Вода
[375]
|
|
СМИ, Сайты, Форумы. Газеты ТВ
[154]
|
|
Промышленность
[43]
|
|
Нефтегаз
[284]
|
|
Нац. вопрос
[284]
|
|
Соцпроф, Совет МО, Общ. организации
[65]
|
|
Дьикти. О невероятном
[183]
|
|
Выборы
[661]
|
|
Айыы үөрэҕэ
[92]
|
|
Хоһооннор
[5]
|
|
Ырыа-тойук
[22]
|
|
Ыһыах, олоҥхо
[102]
|
|
Култуура, итэҕэл, искусство
[365]
|
|
История, философия
[237]
|
|
Тюрки
[76]
|
|
Саха
[152]
|
|
литература
[41]
|
|
здоровье
[463]
|
|
Юмор, сатира, критика
[14]
|
|
Реклама
[7]
|
|
Спорт
[121]
|
|
В мире
[86]
|
|
Слухи
[25]
|
|
Эрнст Березкин
[88]
|
|
Моё дело
[109]
|
|
Геннадий Федоров
[11]
|
|
BingHan
[4]
|
|
|
Main » 2013 » Муус устар » 13 » Киһи табаарыстарын ыарахан кэмигэр билэр дииллэрэ кырдьык эбит, мин доҕотторум элбэхтэрин бу кэмҥэ сөҕө-үөрэ биллим, итэҕэйдим.
Киһи табаарыстарын ыарахан кэмигэр билэр дииллэрэ кырдьык эбит, мин доҕотторум элбэхтэрин бу кэмҥэ сөҕө-үөрэ биллим, итэҕэйдим. | 09:29 |
Махталбын тиэрдэбин!
Соторутааҕыта араас СМИ-лэргэ төлөбүрдээх бүөрү көһөрүү эпэрээссийэтигэр көмөҕө наадыйар Раиса Васильева туһунан матырыйаал тахсыбыта. Ол кэнниттэн биһиэхэ бу соторутаҕыта Раиса Николаевна үөрэн-көтөн киирэ сырытта. Кини суругун хайдах баарынан тиэрдэбит.
"Мин, Васильева (Михайлова) Раиса Николаевна Новосибирскайга баран оҥотторуохтаах төлөбүрдээх эпэрээссийэҕэ кыайан үп-харчы булуом суоҕа диэн куттана саныырым. Боростуой поликлиника медсиэстэрэтигэр, билигин өссө үлэлээбэккэ олорор инбэлииккэ биир мөлүйүөн икки сүүс солк. булар хантан кыаллар үһүнүй диэн салла саныырым. Онтум бу икки ый устата доҕотторум-табаарыстарым, бииргэ үлэлиир дьонум, үтүө санаалаах дьон көмөлөрүнэн эпэрээссийэҕэ ирдэнэр сууманы булбуппуттан, эпэрээссийэлэнэр кэмим чугаһаан биэрбитинэн атаҕым сири билбэт буола үөрэ сылдьабын.
Онон миэхэ көмөлөспүт туох баар доҕотторбор, оскуолаҕа бииргэ үөрэммит оҕолорбор, төрөөбүт дойдум – Сунтаар оройуонун Элгээйи нэһилиэгин олохтоохторугар, бары көмөнү оҥорбут үтүө санаалаах дьоҥҥо барҕа махталбын тиэрдэбин.
Махтал тылларын тиэрдиэхпин баҕарабын Сунтаардар итэҕэйэр, эрэнэр Ил Түмэҥҥэ аксакал дьокутааппытыгар Александр Сергеевич Уаровка – миигин, боростуой киһини аҕалыы эйэҕэстик, элэккэйдик көрсөн, кэпсэтэн, кыһалҕабын өйдөөн көмөлөспүтүгэр, Кэбээйиттэн төрүттээх Ил Түмэн дьокутаата, үтүө-эйэҕэс майгылаах Оксана Александровна Винокуроваҕа, норуокка биллэр меценат Михаил Ильич Эверстовка – кэлэр-барар айаным ороскуотугар диэн харчы биэрбиттэригэр, Ил Түмэн "Биир ньыгыл Арассыыйа” фракциятын салайааччыта, дьокутаат Александр Павлович Морозкиҥҥҥа –үтүө санаатынан салайтаран, бэйэтин тус хармааныттан кырата суох сууманы биэрэн, көмөлөспүтүгэр.
Биллэн турар, махтанабын, миигин, 30 сылтан тахса медицинаҕа үлэлээбит киһини өйөөн-өйдөөн, көмө оҥорбут доруобуйа харыстабылын миниистирэ Александр Васильевич Гороховка. Маны кытта барҕа махтал тылларын этэбин үлэлиир 3№-дээх поликлиникам сэбиэдиссэйигэр, СР Эмчиттэрин уопсастыбаннай палататын салайааччыта, олоххо сүрдээх көхтөөх, ону кытта аһыныгас, аламаҕай санаалаах Светлана Николаевна Давыдоваҕа, урут үлэлии сылдьыбыт Элгээйи учаастактааҕы балыыһам дириэктэрэ үтүө санаалаах киһи Светлана Пантелеймоновна Конобуловаҕа, Якутскай куораттааҕы тохтобула суох үлэлиир ООО "Все№32” стоматология коллективигар, ону кытта медицина эйгэтигэр бииргэ үлэлээбит уонна үлэлии сылдьар бары биир идэлээхтэрбэр – биир күннээҕи хамнастарын хомуйан, ботуччу үп хомулларыгар бастакы олугу уурбуттарыгар.
Туспа махталбын тиэрдэбин "Аһымал аахсыйатын” тэрийбит Элгээйи нэһилиэгин дьаһалтатын эдэр эрчимнээх баһылыгар Гавриил Леонидович Яковлевка, кини солбуйааччыта Олег Августинович Поповка, социальнай үлэһит Надежда Геннадьевна Яковлеваҕа, ону кытта Элгээйи нэһилиэгин баҕа өттүнэн көмө оҥорбут бары тэрилтэлэригэр уонна олохтоохторугар. Биэнсийэлэрин аҥардыытын биэрэн көмөлөспүт биир дойдулаахтарбар, үтүө санаалаах ытык кырдьаҕастарга ытыктабыллаах Алексей Прокопьевич Ивановка, Нина Афанасьевна Герасимоваҕа, Зоя Петровна Тимофееваҕа, Фатима Ивановна Тимофееваҕа. Маны кытта Элгээйиттэн төрүттээх "Мария” парикмахерскай дириэктэрэ Октябрина Степановна Парниковаҕа барҕа махталбын тиэрдэбин.
Киһи табаарыстарын ыарахан кэмигэр билэр дииллэрэ кырдьык эбит,
мин доҕотторум элбэхтэрин бу кэмҥэ сөҕө-үөрэ биллим, итэҕэйдим.
Ордук бииргэ үөрэммит дьүөгэлэрбэр, доҕотторбор, үөлээннээхтэрбэр Платонова Марина Спиридоновнаҕа, Герасимова Нина Моисеевнаҕа, Кривошапкина Наталья Григорьевнаҕа, Иванова Венера Алексеевнаҕа, Ляшеев Петр Николаевичка, Иванов Иван Ивановичка махтанабын – кинилэр сүүрэн-көтөн, сүбэлээн-амалаан, көх-нэм буолан миэхэ көмөлөспүттэригэр.
______________________________________________________________________ Киһи онтон мэктиэтигэр ыарыытын да умнар, үтүөрбµт курдук чэпчиир, инникигэ итэҕэлэ ордук күүһүрэр эбит. Онон бука бары көмөлөспүт дьоҥҥо туох-баар үчүгэйи, доруобуйаны, дьолу-соргуну баҕарабын. Дьиэ кэргэҥҥит бары доруобай, дьоллоох буоллун!
Васильева Раиса Николаевна
|
|
Category: Социалка, пенсия, жилье |
Views: 1528 |
Added by: uhhan1
|
|
|
| Ааҕыылар |
Баар бары (online): 3 Ыалдьыттар (гостей): 3 Кыттааччылар (пользователей): 0 |
|
