Бу сир талбата (меню)
News topics
Политика.Митинги. Пикеты. Партии [890]
Мысли. Думы.Мнения, обсуждения, реплика, предложения [250]
Суд-закон.МВД.Криминал [1238]
Право, закон [316]
Экономика и СЭР [824]
Власть Правительство Ил Тумэн [1177]
Мэрия, районы, муниципалитеты [392]
Мега пректы, планы , схемы ,программы. ВОСТО [207]
Сельское хозяйство,Продовольствие. Охота и рыбалка [540]
Энергетика, связь, строительство.транспорт, дороги [144]
Коррупция [849]
Банк Деньги Кредиты Ипотека Бизнес и торговля. Предпринимательство [284]
Социалка, пенсия, жилье [274]
ЖКХ, строительство [131]
Образование и наука. Школа. Детсад [211]
Люди. Человек. Народ. Общество [206]
АЛРОСА, Алмаз. Золото. Драгмет. [658]
Алмазы Анабара [161]
http://alanab.ykt.ru//
Земля. Недра [240]
Экология. Природа. Стихия.Огонь.Вода [365]
СМИ, Сайты, Форумы. Газеты ТВ [149]
Промышленность [43]
Нефтегаз [276]
Нац. вопрос [283]
Соцпроф, Совет МО, Общ. организации [65]
Дьикти. О невероятном [182]
Выборы [652]
Айыы үөрэҕэ [77]
Хоһооннор [5]
Ырыа-тойук [22]
Ыһыах, олоҥхо [101]
Култуура, итэҕэл, искусство [358]
История, философия [223]
Тюрки [76]
Саха [144]
литература [38]
здоровье [460]
Юмор, сатира, критика [13]
Реклама [7]
Спорт [121]
В мире [86]
Слухи [25]
Эрнст Березкин [88]
Моё дело [109]
Геннадий Федоров [11]
BingHan [4]
Main » 2013 » Муус устар » 21 » - Сымыйа! Барыта сымыйа! Киинэ хаһан да бэйэтин орускуотун сабыммат! Ити түөрт бытыылка иһэн баран устубуттара КИИНЭ диэн ааттаммат - оҕо оо
- Сымыйа! Барыта сымыйа! Киинэ хаһан да бэйэтин орускуотун сабыммат! Ити түөрт бытыылка иһэн баран устубуттара КИИНЭ диэн ааттаммат - оҕо оо
18:29
 "Дьикти саас" киинэни президентэн ураты хас киһи көрдө?
Воскресенье, 21 Апреля 2013 09:07
Дьикти саас политикаҕа эрэ буолбакка, култуура эйгэтигэр эмиэ буолар.
Муус устар 17 күнүгэр, президент Егор БОРИСОВ В.С.Яковлев-Далан "Дьикти саас" айымньытын матыыбынан уһуллубут киинэ артыыстарын уонна режиссерун кытары көрүстэ.
Көрсүһүүгэ Егор Афанасьевич 10-с кылааска үөрэнэ сырыттаҕына, кылааһын салайааччыта Василий Семенович Яковлев - Далан бу сэһэнин бүтэрбитин туһунан кини аҕынна.
***
"Дьикти саас" киинэ былырыын уһуллубута. Режиссер Никита АРЖАКОВ киинэлэрэ бэйэлэрэ туспа тыыннаах, киһини толкуйдатар, дьикти абылаҥнаах буолаллар. Сахалыы киинэ уһуллар эрээри, соҕотох идэтийбит режиссербут, үрдүк таһымнаах киинэлэри устар кыахтаах билиҥҥитэ бу биир эрэ режиссердаахпыт. Хомойуох иһин, "Дьикти саас" прокатка дьылҕата эмиэ аатыныын дьүөрэ буолбута.
Бу кыһын премьерэтэ диэн ааттаан "Сахафильм" быыкаай саалатыгар тэриллибитэ. Түөрт эрэ көрөөччүлээх! Үс-түөрт киһи мунньуста түһээт аҕыйах хонук иһигэр "киинэ" устан сардырҕатан баран, айдаан-куйдаан реклама бөҕөтө буолан Дьокуускай улахан кинотеатрдарынан ыһан кэбиһэр. Оттон НАЦИОНАЛЬНАЙ КИИНЭ КОНЦЕРНЫН сайыны быһа түбүктээх үлэтин түмүгэ, ИДЭТИЙБИТ АРТЫЫСТАР ООННЬУУР, ААН-ДОЙДУ КИИНЭ ИСКУССТВОТЫГАР БИҺИРЭНЭР ХАРТЫЫНАЛАРЫ УСТАР РЕЖИССЕР ҮЛЭТЭ - тыаһа-сыма суох кытаанах олбохтоох быыкаай саалаҕа "киэҥ көрөөччү дьүүлүгэр" тахсыбыта.
***
Дьокуускайга үс улахан кинотеатр баар: "Киин", "Лена" уонна "Синемацентр". Тоҕо бу театрдар "Дьикти саас" премьератын көрдөрбөтөхтөрөй?
Александр ДАНИЛОВ "Киин" кинотеатр салайааччыта:
- "Сахафильм" салалтатын кытары кэпсэтии бара сылдьыбыта. Үс улахан кинотеатрдар бары биир күн улахан премьерэ оҥоруохпут диэн буолбута, ол иннинэ киинэни атын ким да көрдөрүө суохтааҕа. Ону баара, кэпсэтии барбытын, илии охсуһуллубутун кэннэ, "Лена" кинотеатр продюсера Георгий Николаев төлөпүөннээн баран "Сахафильм"  "Дьикти сааһын" нэдиэлэ иннинэ бэйэтин саалатыгар көрдөрөн эрэр диэн эппитэ. Оннук сыыһа буоллаҕа. Дуогабардастыҥ да, дуогабарыҥ ис хоһоонун тутуһуохтааххын. Ол иһин үс кинотеатр "Дьикти сааһы" көрдөрөртөр аккаастанан кэбиспиппит, - диир.

Онон, хойутаан ба буоллар, кулун тутарга, "Синемацентр" аҕыйах күн "Дьикти сааһы" көрдөрөн ылбыта. Көрөөччү саалаҕа тобус-толоруттан сылыктаатахха, хартыына көрөөччүгэ тиийбит.
***
Киинэ орускуотун сабынна дуо?  

Степан СИВЦЕВ - ДОЛЛУ, "Сахафильм" АУ дириэктэрэ:
- Сымыйа! Барыта сымыйа! Киинэ хаһан да бэйэтин орускуотун сабыммат! Ити түөрт бытыылка иһэн баран устубуттара КИИНЭ диэн ааттаммат - оҕо оонньуута! "НТВ"га Саха сиригэр киинэ индустрията сайдар диэн сымыйанан этэллэр! Үспүкүлээссийэ! Киин сайдарыгар саамай кырата 40-50 мөл.дуоллар угуохха наада. Миниистир Барыыһап "Чыҥыс Хаанын" төһө дуолларга устубутай? Барыһа ханна баарый?! Мин бу киинэ искусствотын эйгэтигэр 15 сыл үлэлээтим. Барыыһап кыыһа Башарин туһунан документальнай киинэ устарыгар 2 мөлүйүөнү көрөллөр, оттон "Дьикти саас" УУС-УРАН киинэҕэ 800 тыһ. эрэ биэрэллэр. Мин өрүү кырдьыгы этэбин. Ол иһин миигин сөбүлээбэттэр. Киинэни биир эрэ режиссер оҥорбот. Хамаанда оҥорор, ону улуу Спилберг кытары билинэн турар. Биһиэхэ режиссеру эрэ өрө туталлар. Мин ааппын ахтыбаттар, онтон наһаа хомойобун. Хаһаайыстыбанньык киинэ устарга сүрүн киһи: устар сири бэлэмнээн, киинэ реквизиттэрин булан, көстүүмнэрин тиктэрэн, астарын аһатан, дьону кэмигэр таһан-аҕалан - барытын быһаарыахха наада! Доруобуйабын онно сиэтим. Ким эрэ үөһээ тыынан, сулустары одуулуур кэмигэр - Ыстаппаан барытын тэрийиэхтээх!!! Мин "Сахафильмҥа" кэлэрбэр биир хоско симиллэн олорор этилэр, "Алеша Романов" диэн сурук эрэ сытара. Бүттэ! "Чыҥыс Хааны", ээ туй-сиэ, "Тыгын Дарханы" устарга билигин эрдэ! Глобализация бара турар! Гаврил Протодьяконов туһунан Сталинград сэриитигэр артиллеристаабыт саха буойунун туһунан киинэ устуохха наада! Хантан мин танка ылабын?! "Беларусьфильмнары", "Мосфильмы" кытары устуохха наада...
***
...Уопсайынан, республика култууратыгар соччо бөрүкүтэ суох тыын халыйбыта култуураттан-искусствоттан ыраах сылдьар киһиэхэ кытары биллэр. Барыларын иһиттэххэ - бары бэйэлэрэ кырдьыктаахтар. Айар дьон наһаа уйаннар, наһаа бэйэмсэхтэр, куттара чараас, иирсээннэрэ дириҥ. Кырдьык, кинилэр тымта-тырытта сылдьалларын иһиттэххэ култуурабыт эйгэтэ - ньаҕыран хаалбыт оборчону санатар. Министиэристибэ үлэтэ-хамнаһа улугурбута, уларыйыыта суоҕа, кырдьык, айар дьоҥҥо өрө көтөҕүллүүнү биэрбэт, музаны төрөппөт буолбут быһыылаах. Бары, хайдах эрэ бэйэ-бэйэлэрин кытары аахсалларыгар сыралара, ньиэрбэлэрэ баранар курдук. Туораттан көрдөххө, кинилэр проблемалара судургу, оттон ис-иһигэр ыйыталаһан-туоһулаһан бардахха - кулгаах элэйэр. Бэйэ-бэйэни буруйдаһыы, сирэй-харах анньыһыы. Бачча буккулла сылдьан өссө хайдах үчүгэй киинэ усталларын сөҕүөххэ эрэ сөп. Аны ол киинэ таҕыстаҕына хас биирдии бырайыак кыттыһааччыта суорҕаны бэйэтигэр тардынар омуннаах. Хомолтолоох.
Киһи барыта бэйэтин бырайыагын устар мөккүөрдээх. Биир өттүнэн, кинилэри эмиэ өйдүөххэ сөп: ким чиргэл, төрөл, тупсаҕай, өйдөөх  оҕону төрөтүөн баҕарыа суоҕай. Иккис өттүнэн, харчы татым. Бюджет барыларыгар кэмпиэт буолан ньалҕаарыйар кыаҕа суох. Туох да диэбит иһин култуураҕа уларыйыы, саҥа сүүрээн киириэн наада. Уонна бу дьон бэйэ-бэйэлэриттэн наһаа хал буолсубуттар, атын-атын муннуктарынан тарҕаһыахтарын наада дуу, туох дуу...
***
Оттон "Аартык.ру" Василий ЯКОВЛЕВ - Далан "Тыгын Дархан" арамаанынан киинэ уһуллара билиҥҥи кэмҥэ биһиги норуоппутугар саамай сөптөөх тема дии саныыр. Чуолаан, глобализация үйэтигэр саха сахатын сүтэрбэтэҕинэ эрэ, бу аан дойду киэҥ көхсүгэр дьоһуннук сананан олоруон сөп. "Тыгын Дархан" курдук улуу арамааны, өйдөөн-төйдөөн, дириҥ ис хоһоонун ааҕааччыга тиэрдэр гына устар кыахтаах биир  режиссер баар. Ол - Никита АРЖАКОВ.   
***
Аартык.ру
Category: Култуура, итэҕэл, искусство | Views: 1509 | Added by: uhhan1
Total comments: 0
Only registered users can add comments.
[ Registration | Login ]
Сонуннар күннэринэн
«  Муус устар 2013  »
БнОпСэЧпБтСбБс
1234567
891011121314
15161718192021
22232425262728
2930
Көрдөө (поиск)
Атын сирдэр
Ааҕыылар

Баар бары (online): 17
Ыалдьыттар (гостей): 17
Кыттааччылар (пользователей): 0
Copyright Uhhan © 2022